Jeremia 49:24 - Uwumbɔr aagbaŋ

²⁴ Damaskus aanib aawon yɔl le ijawaan cha bi san. Iween ni falaa joo bi ke imalween aah joo upii pu na la.

Jeremia 49:24 ပူးပေါင်းရင်းမြစ်များ

Mpiin 3:16

Le Uwumbɔr bui upii ke, “Aa ga kan falaa pam timal ponn ni. Ni ki kpee na, aa ga li ban ke aachal li gee si, le u ga li ye saayidaan.”

Aisaya 13:8

Ijawaan ga chuu bi mɔmɔk, le iween nyaŋ bi, ke imalween aah nyaŋni upudaan pu na. Bi ga li lik tɔb ki san ijawaan la, le inimɔɔn ga ku bi.

Jeremia 30:6

Tɔ, sil man ki dakl lik. Uja ga ŋmaa maa ubo oo? Tɔ, ni ŋa kinye aan m waa uja mɔmɔk bub joo upuul ke upii u ban u maa na? Ba ŋa unii mɔk naahn ubun kina?

Jeremia 4:31

M ŋun iwiil pu ke upii u ban u maa na aah wii pu na, iwiil i bi ke upii u ban u maa waajan aabo na aawiil. Jerusalem aanib aawiil le bi na, bi pɔɔni bibaa ke bi fuur la, ki taln biŋaal ki wii ke, “Timi aamɔfal junn a. Bi choo bi nan ku timi la.”

Jeremia 48:41

le ki nyaŋ kaatim, ni ntim mu bi maa ŋigon gob mu na. Liyaadaal ngbaan kan, Moab aajab ga san ijawaan ke imalween aah joo upii u na.

Jeremia 49:22

Bidim ga boon ni ke likaagiil na le ki nan tak Bosra aatiŋ. Liyaadaal ngbaan kan, Edom aajab ga san ijawaan ke upii u imalween joo u na la.”

Jeremia 49:29

Gaa baagban aaboo, ni baawakor, ni baaboo aakeken, ni tiwan ni mɔmɔk bi ŋiboo ngbaan ponn ni na man. Gaa man baalaakumii mam, ki bui binib ngbaan ke, ‘Ijawaan le mann goln nimi na.’

Jeremia 49:37

M ga cha Elam aanib san baadim bi ban bi ku bi na ijawaan. Maaŋuusakpeln ponn ni le m ga kuln Elam aanib ki cha bijab dan nan lir bi pu ki ti saa buyoonn m ga ŋar bi mɔmɔk ŋŋaan na.

Jeremia 50:43

Babiloŋ aabɔr aah ŋun tibɔr ngbaan na, uwon yɔl le uŋaal gur jɔn kaakaan. Ijawaan sakpiin chuu u, le ki wu ke upii aamalween na.

Jeremia 6:24

Le Jerusalem aanib bui ke, “Ti ŋun tibɔr ngbaan, le tiwon yɔl ti lir kitiŋ, ijawaan ni iween chuu timi ke upii u ban u maa na aamalween aah wu pu na la.

Hosea 13:13

Israel yaab kpa limɔfal aamakl, le ki tee jɔr sakpen ke bi kan limɔfal ngbaan, bi jɔr ke ubo u una ban u maa u aan u yii ke waan nya ni na la.

Matiu 24:8

Nimina mɔmɔk le ga li ye njan aafalaa.

Tibɔnyaan ti Mak ŋmee ti na 13:8

Linibol libaa ga to linibol liken butɔb. Nnaan mubaa aanib ni nnaan muken aanib ga to tɔb butɔb. Kitiŋ ga deŋ ŋipepel, ŋipepel. Nkon ga lir ntim pam ponn ni. Nimina mɔmɔk le ga li ye njan aafalaa.