Jeremia 49:23 - Uwumbɔr aagbaŋ

²³ Uwumbɔr aah nan len Damaskus aatiŋ aabɔr ti na sɔ: “Hamaf ni Apad aatim aanib aah ŋun tibɔbir ti na pu le ni tii bi ilandak ki muk bi. Ijawaan gbiin bi ki ti puu kpir ke nnyusakpem na la, le baa ŋmaa fuur.

Jeremia 49:23 ပူးပေါင်းရင်းမြစ်များ

Mpiin 14:15

Nima chee le Abram nan yakr waanib ngbaan ŋiker ŋiker, le ki buen ti lir waadim ngbaan pu kinyeek, le ki nyaŋ bi. U nan dii bi kina, ki ti saa Hoba aatiŋ ki bi Damaskus aaŋangan wɔb na,

Mpiin 15:2

Tɔ, Abram nan bui ke, “Ndindaan Uwumbɔr, aa ga tee tii mi ba aapiin? Aa mu kan ke maa kpa ubo. Elieser u ye Damaskus aanii na le ye maafaajir.

2 Samuel 17:10

Israel yaab mɔmɔk nyi ke David ye ujakpaan, le waajab mu kpa lipobil, nima pu le uja umɔk kaar kaa san nibaa ke uchinn na, ga san ijawaan.

2 Samuel 8:9

Hamaf aatiŋ aabɔr u bi yin u ke Toi na nan ŋun ke David nyaŋ Hadadeser aajab mɔmɔk.

1 Bibɔrb 11:24

le ki kpaln bitimbiib bibaa aasaloln. David aah nan nyaŋ Hadadeser ki kuln umaantɔtiib Siria yaab na aapuwɔb le na. Resonn ni waajab nan buen ti koo Damaskus aatiŋ ni la, le waajab nan ŋa u nima chee Siria aatiŋ aabɔr.

2 Bibɔrb 17:24

Asiria aatiŋ aabɔrkpaan nan nyan binib Babiloŋ, ni Kuf, ni Ifa, ni Hamaf, ni Sefafaim aatim ni, le ki di bi kaan Samaria aatim ni, waah nan chur Israel aanib bi tinaagbiir nima chee na pu. Bi nan gaa ntim ngbaan le ki koo nima.

2 Bibɔrb 18:34

Ŋiwaa ngbaan bi la chee dandana? Hamaf ni Aapad aawaa bi la? Sefafaim, ni Hena, ni Ifa aawaa bi la chee? Ubaa ŋmaa gaa Samaria yaab lii ii?

2 Bibɔrb 19:13

Hamaf, ni Aapad, ni Sefafaim, ni Hena, ni Ifa aatim aabɔrb bi la?”

2 Bibɔrb 5:12

Naa kpaan ye kina ngbaan, Damaskus aamɔɔ Abana ni Fapar aa ŋan jer Israel aamɔɔ mɔmɔk aa? M ba ga ŋmaa fu ŋaanyun ki pɔɔk.”

2 Bibɔrb Aabɔr 16:2

Kina pu le Asa nan nyan tikunabr ni salmaa Uwumbɔr Aadichal, ni libɔrdichal ni, ki di tun Damaskus ni, Siria Aabɔr Ben‑Hadad chee ke:

Nnyam 15:15

Ijawaan nan chuu Edom aaninkpiib, le Moab yaab aayidam aawon gbaa, le Kanaann yaab aataakpab yɔl,

Aisaya 10:9

M nyaŋ Kalno ni Kakemis aatim mɔmɔk, ki nyaŋ Hamaf ni Apad aatim mɔmɔk. M nyaŋ Samaria ni Damaskus aatim.

Aisaya 11:11

Nwiin ngbaan yaa nan fuu ni kan, Uwumbɔr ga di waapɔɔn kunn ni waanib bi gaar Asiria, ni Ijipt, ni Patros, ni Kus, ni Elam, ni Babiloŋ, ni Hamaf aatim ni, ni ntim mu bi nnyusakpem aagbaan na ni, ni mu bi ŋidik pu nnyusakpem ni na.

Aisaya 13:7

Unibɔn mɔmɔk aawon ga yɔl, le ujakaan mɔmɔk ga san ijawaan.

Aisaya 36:19

Ŋi bi la chee dandana? Hamaf ni Apad yaab aawaa bi la? Sefafaim yaab aawaa bi la? Ubaa ŋmaa gaa Samaria yaab lii ii?

Aisaya 37:13

Ntisakpem Hamaf, ni Apad, ni Sefafaim, ni Hena, ni Ifa aabɔrkpaam bi la?”

Aisaya 57:20

Tɔ, bibiindam ma naahn nnyusakpem mu kaa ŋmaa doo suuna na, mu aanyunkpenn joo ni tijɔŋ ni tikpakpar na la.

Aisaya 7:8

ba pu? Siria aapɔɔn aa fuu Damaskus ki ye Siria aatiyil na aapɔɔn, le Damaskus mu aa pɔɔ ki jer ubɔrkpaan Resinn. Israel aatiŋ ma kan, joo cha ŋibin imonko itaa ni ŋiŋmu na ki mɔmɔk ga kpar yaa tɔb chee, kaan ki ŋmaa sil ke litimbol libaa na.

Jeremia 39:5

Babiloŋ aajab nan paan bi pu le ki ti chuu Sedekia, Jeriko chee, le ki di u buen ubɔr Nebukadnesar, u nan bi Ribla aatiŋ ki bi Hamaf aapepel ni na chee. Nima chee le Nebukadnesar nan ti jin u tibɔr ki siin baah ga ŋa u pu na.

Esekiel 27:18

Damaskus aanib nan daa saawankookaan le ki di Helbonn aadaan, ni Sahar aapiih aakokor pan ni pu. Bi nan di tikur ti bi mɔɔ ti na, ni tulalee kpeln saawan.

Amos 6:2

li cha ti lik man Kalne aatisakpeŋ na, ki buen man Hamaf aatisakpeŋ ki kpa mpɔɔn na, ki sunn buen Filistia yaab aatisakpeŋ Gaf chee. Mu aa ŋan ki jer Juda ni Israel aanaan. Le mu aatingbaan mu aa wiir jer nimi yoo.

Nahum 2:10

Ninefa aatiŋ bii a, ki ber a, le ki gur dɔ nkuun. Ijawaan cha binib aapobil donn a; mpɔɔn doo a, le ŋitaaŋaayil gbaa tɔtɔk, le ŋinimbil wɔb ŋa yɔl yɔl.

Nkahm 13:21

Nima pu na, bijab ngbaan nan siir buen, ki dii ŋŋangan wɔb, ki mann kitiŋ ngbaan, ki ti nyan Sinn Aateersakpiin ni, ŋŋangii wɔb, ki di kina ti nyan Rehob aatiŋ pu, baah puur nkpen mu bi ŋijoo aakaasisik ni na, Hamaf aatiŋ chee, ŋŋangan wɔb.

Lituln 27:20

Taah nan bi bu ponn ni na, ni nan yunn le taa ŋmaa kan nwiin, kaa waa ŋiŋmabil mu, ntaalangbam pu. Libuln mu nan beenin daar, ki pɔɔ. Taa nan ki dak ke ti ga ŋmar.

2 Korenti 11:32

Maah nan bi Damaskus aatiŋ ni, Ubɔr Aretas aayoonn na, le kitiŋ ngbaan aaninkpel nan ban u chuu mi, le ki cha waatɔb aajab si kii kitiŋ na aabisamɔb chee, ke bi nan chuu mi.

Ikaal 20:8

“Biyidam ga ki baa bijab ngbaan ke, ‘Ŋma bi do, upobil yuk aan ijawaan chuu u? Kina aanii yaa ŋmal ni ponn ni kan, u li chaa kun. Nibaakan, u ga cha biken mu aapobil yuk, le ijawaan ga chuu bi.’

Josua 14:8

Le bijab bi nan dii mi buen na aah nan len pu na cha ijawaan chuu timi aanib, le m ma nan kii Ndindaan Uwumbɔr aamɔb mbamɔm.

Josua 2:11

Taah ŋun kina na, le ijawaan chuu timi, ti mɔmɔk aataakpab yɔl ni pu a. Nidindaan Uwumbɔr le ye paacham ni kitiŋ mɔmɔk Aawumbɔr.