Jeremia 49:22 - Uwumbɔr aagbaŋ

²² Bidim ga boon ni ke likaagiil na le ki nan tak Bosra aatiŋ. Liyaadaal ngbaan kan, Edom aajab ga san ijawaan ke upii u imalween joo u na la.”

Jeremia 49:22 ပူးပေါင်းရင်းမြစ်များ

Ilahn 18:5

Nkun aanimaln le nan mann gob mi, le likaakul pen mi laagaawɔb.

Ŋiyataŋak 30:19

Likaagiil li bi paacham ki laani na, ni uwaa aah chuun litakpal pu pu na, ni buŋɔb sakpem aah kaa wɔŋni nnyusakpem ponn ni pu na, ni uja ni upii aah bɔnni tɔb pu na.

Aisaya 11:14

Bi ga kpaan le ki ti tak Filistia yaab bi bi liwilir wɔb na, aan ki kpaan ti jenn gaa binib bi bi liwipuul wɔb na mu aawan. Bi ga nyaŋ Edom ni Moab aanib; le Amonn yaab mu ga kii baamɔi.

Aisaya 13:8

Ijawaan ga chuu bi mɔmɔk, le iween nyaŋ bi, ke imalween aah nyaŋni upudaan pu na. Bi ga li lik tɔb ki san ijawaan la, le inimɔɔn ga ku bi.

Aisaya 21:3

Maah kan ki ŋun tibɔr ti tibɔkpiirkaan ngbaan ponn ni na tii mi ijawaan ni iween, iween i wu ke imalween na.

Aisaya 26:17

Sin Uwumbɔr, aa cha ti wii mpɔɔn pu, ke imalween aah joo upii kan, u wii pu na.

Jeremia 13:21

Binib bi aa nan dak ke bi ye aajɔtiib na yaa nan nyaŋ si ki joo si kan, aa ga len kinye? Aa ga nan li bi iween ni, ke upii u ban u maa na la.

Jeremia 22:23

Ni kaa santina bi bi joo ni bi nyan ni Lebanonn aatiŋ ni na ponn ni le ki fuur; tɔ, iween i wu ke upii aamalween na yaa nan pii nimi kan, le ni ga ŋa kinimbaak aanib.

Jeremia 30:6

Tɔ, sil man ki dakl lik. Uja ga ŋmaa maa ubo oo? Tɔ, ni ŋa kinye aan m waa uja mɔmɔk bub joo upuul ke upii u ban u maa na? Ba ŋa unii mɔk naahn ubun kina?

Jeremia 4:13

Lik man, udin le choo ke ntaalangbam na. Waajaak aataan, ni yaatɔroku mam bi ke kinaakpaajabuŋ na la, le waataan ŋmaa san mala mala jer ŋikaagii. Ti kuln a. Timi aamɔfal junn a.

Jeremia 4:31

M ŋun iwiil pu ke upii u ban u maa na aah wii pu na, iwiil i bi ke upii u ban u maa waajan aabo na aawiil. Jerusalem aanib aawiil le bi na, bi pɔɔni bibaa ke bi fuur la, ki taln biŋaal ki wii ke, “Timi aamɔfal junn a. Bi choo bi nan ku timi la.”

Jeremia 49:24

Damaskus aanib aawon yɔl le ijawaan cha bi san. Iween ni falaa joo bi ke imalween aah joo upii pu na la.

Jeremia 50:36

Nkun li bi bibɔnabr bi ye binyamɔndam na pu, bi ye bijɔrb la. Nkun li bi kaajab pu, ijawaan chuu bi a.

Jeremia 50:43

Babiloŋ aabɔr aah ŋun tibɔr ngbaan na, uwon yɔl le uŋaal gur jɔn kaakaan. Ijawaan sakpiin chuu u, le ki wu ke upii aamalween na.

Jeremia 6:24

Le Jerusalem aanib bui ke, “Ti ŋun tibɔr ngbaan, le tiwon yɔl ti lir kitiŋ, ijawaan ni iween chuu timi ke upii u ban u maa na aamalween aah wu pu na la.

Daniel 7:4

Njan yoo nan naahn uchinn, le ki tee kpa likaagiil aafeen. Maah si lik kina na, le m kan ke ifeen na chuu bar nyan lir kitiŋ. Le bi chuu fiin upeel ngbaan siin utaajal ŋilee pu ke unibɔn na, le ki di unibɔn aalandak tii u.

Hosea 8:1

Uwumbɔr bui ke, “Faa nkuun man. Bidim boon nan lir maatiŋ pu ke ŋikaagii na la. Maanib bii tipuur ti m nan puu tii bi na, le ki yii maamɔkm.

Obadia 1:9

Temann aajab bi jaa kijaak na ga san ijawaan pam, le baatiŋ Edom aatɔb aajab mɔmɔk ga kpoi.

Ikaal 28:49

Uwumbɔr ga cha linibol li nyan ni dulnyaa aanaanmɔk aan naa nyi baaliin na nan lir ni pu. Bi ga fii nan lir ni pu, ke likaagiil aah booni chur tiwan pu na la.

1 Tesalonika 5:3

Buyoonn binib ga len ke bi bi bibaa pu, nibaa aan ŋa bi nibaa na, libuul ngbaan ni le tibɔbir ga lir bi pu. Ni ga li bi ke imalween aah chuu upii pu na la. Baan ŋmaa nyan ti.