Jeremia 49:2 - Uwumbɔr aagbaŋ

² Tɔ, n‑yoonn choo, le m ga cha Amonn aatiyil Raba aanib ŋun butɔb aafuuk pu, le ki gur tilangbenn, kaatiwaatiir wu mmii. Le Israel yaab ga ki gaa baatiŋ ki bi nan gaa ki na bi chee.

Jeremia 49:2 ပူးပေါင်းရင်းမြစ်များ

2 Samuel 11:1

Unaalan yoonn, n‑yoonn mu libiln mɔmɔk ni bibɔrb jaa kijaak na, le David nan tun Joab, ni waaninkpiib, ni Israel aajab, le bi ti nyaŋ Amonn yaab ki gob baatiŋ Raba. David ubaa nan gaar Jerusalem ni.

Ilahn 48:11

Cha Sionn aanib li kpa mpopiin. Aa ji tibɔr ni ibamɔn la; cha mpopiin li bi Juda aatim pu.

Ilahn 97:8

Sionn aanib kpa mpopiin, le Juda aatim mɔɔni. Uwumbɔr, saabɔjil pu le bi mɔɔni.

Aisaya 11:14

Bi ga kpaan le ki ti tak Filistia yaab bi bi liwilir wɔb na, aan ki kpaan ti jenn gaa binib bi bi liwipuul wɔb na mu aawan. Bi ga nyaŋ Edom ni Moab aanib; le Amonn yaab mu ga kii baamɔi.

Aisaya 17:1

Uwumbɔr len ke, “Damaskus aan ki li ye kitiŋ sakpeŋ; ki ga li gur ye ŋilangbentanjal ŋmeen la.

Jeremia 4:19

Iween sakpen yee. Maan ŋmaa joo iween ngbaan. Mpobil yuk a. Mpobil gbaa mpɔɔn pu la. Maan ŋmaa ŋmin suuna, m ŋun ikpiin aawiil ni butɔb aakuun pu.

Jeremia 49:1

Uwumbɔr aah nan len Amonn aatiŋ aabɔr ti na sɔ: “Israel aajab bi la chee? Ubaa aa bi ki kiir baatiŋ aa? Ba ŋa bi cha Amonn aanib bi dii liwaal Milkom na gaa Gad aanibol aapepel ki kal nima?

Esekiel 21:20

Nsan mubaa ga mɔk ubɔr ngbaan Amonn aatiŋ Raba aah bi nin chee na, le muken na mɔk u Juda aatiŋ Jerusalem ki kpa ŋigon ŋi pɔɔ na chee.

Esekiel 21:25

“Sin Israel yaab aajojoor, mbiindaan, saawiin mu ye saakookoo aatafadaan aawiin na choo.

Amos 1:14

Kina pu na, m ga cha mmii wu baatiyil Raba aagon, ni baah maa ŋidichal ŋi fɔk ki pɔɔ kiir bibaa na mɔmɔk. Le bundaal butɔb ga fii na, iwiil ga li bi liyaadaal ngbaan, le kijaak ngbaan ga li pɔɔ ke kitaabuŋ na.

Obadia 1:19

Binib ga nyan ni Juda aawilir aaŋangii wɔb le ki nan gaa Edom aatiŋ; le binib bi bi liwilir wɔb aagongon ni na ga gaa Filistia yaab aatiŋ, Israel yaab mu ga gaa Efraim ni Samaria aatim, le Benjaminn aanib ga gaa Gilead aatiŋ.

Nkahm 10:9

N‑yoonn mu ni bi nimi aatiŋ ni, ki buen butɔb ni, ki ban ni gaa nibaa lii nimi aadim bi lir ni pu na kan, ni pii kakaan tiib ngbaan baah ban bi piin butɔb pu na, le min Nidindaan Uwumbɔr ga ter nimi, ki nyan nimi, nimi aadim aaŋaal ni.

Nkahm 21:25

Israel yaab nan jenn gaa Amor yaab aatim mɔmɔk, ki kpee Hesbonn, ni kaatingbaan mɔmɔk, le ki kal mu ni.

Ikaal 13:16

Ni kuun ni kitiŋ ngbaan aawan mɔmɔk nan kpaan kinyaŋ ni, ki see kitiŋ ngbaan ni kaawan mɔmɔk, aan ni li ye kitork aapiin ki tii Nidindaan Uwumbɔr. Ni cha kitiŋ ngbaan gaar kina ki li ye ŋilangben; ubaa taa ki maa kitiŋ ngbaan daalbaadaal.

Ikaal 3:11

Ubɔr Og le nan gur ye ŋiniwɔk Refa yaab aakookoo aanii, nima chee. Bi nan di ŋitakpal le ŋa waanikpol aadakaa, waawawaan nan ye ŋitaa ŋiloob la, le waafɔfɔk mu ga nan li pii ŋitaa kipiik ni ŋinaa, le ni dii baah nan ŋaŋni tiwan mɔmɔk pu na. Dakaa ngbaan beenin bi Amonn yaab aatiŋ Raba ni, ki nan saa din.

Josua 17:11

Isakar ni Aser aakaasisik ni na, Manase le nan yeh Bef Sann, ni Ibleam aatim mu bi nima chee na, ki kpee ntim mu mann gonn nima na, ni Dor aatiŋ ki bi gbɔk nnyusakpem aagbaan na, ni Endor, ni Taanak, ni Megido aatim, ni ntim mu mann gonn mu na.

Josua 17:16

Le bi giin bui u ke, “Ŋigongon aatiŋ ngbaan aa wiir ki ga fuu timi, le Kanaann yaab bi bi kifataŋ ni na: bi bi Bef Sann aatiŋ ni na, ni bi bi ki mann gonn ki na, ni bi bi Jesreel aafataŋ ni na kpa tikur aatɔroku mam la.”