Jeremia 49:19 - Uwumbɔr aagbaŋ

¹⁹ M ga dan ki nan cha Edom yaab san libuul ni ki nya baatiŋ ni, ke uchinn le aah nyan ni kichook ni ki di bɔ dii Jɔɔdann aagbaan pu ki nan nya timosɔnn ni pu na la, le maah lee usaloln u na ga li joo litimbol ngbaan. M ni ubaa aa ŋak. Ubaa aan ŋmaa kpak mi. Utinjoor ubaa aan ŋmaa kpak mi.

Jeremia 49:19 ပူးပေါင်းရင်းမြစ်များ

1 Bibɔrb Aabɔr 12:15

Libiln libaa aajan aaŋmal ponn ni, n‑yoonn mu Jɔɔdann Aamɔɔl nyan nwam na, le bi nan puur limɔɔl, le ki ti jenn yaa binib bi bi limɔɔl ngbaan aawipuul ni liwilir mɔk aafatann ni na.

2 Bibɔrb Aabɔr 20:6

Le Ubɔr Jehosafat buen ti sil binimbiin ni, ki mee Uwumbɔr mpɔɔn pu ke, “Uwumbɔr, tiyaajatiib Aawumbɔr, sin le bi paacham ki joo ŋitimbol mɔmɔk dulnyaa wee ni. Aa ye Mpɔɔnsakpiindaan u ubaa aan ŋmaa kpak si na la.

Job Aagbaŋ 41:10

Aa yaa gbee kpir u kan, u bir sakpen; ubaa aan kaa ki sil u chee.

Job Aagbaŋ 9:19

M di linimaln mɔk Uwumbɔr aa? M di u buen bibɔjirb chee ee? Ubaa ga ŋmaa cha u buen aa?

Job Aagbaŋ 9:21

Maa kpa taani, m mu aatafal aa ki bi nibaa ni. Maa ki neen limɔfal lee. Nibaa aa ki muk m chee; ni yaa ye tibɔnyaan, bee libɔkpol kan, Uwumbɔr ga kuln timi.

Ilahn 143:2

Taa ji mi, saatutunn tibɔr; ubaa aa bi kaa kpa taani aa chee.

Ilahn 76:7

Uwumbɔr, binib mɔmɔk san si ijawaan la. Buyoonn saaŋuul ti fii na kan, ubaa aan ki ŋmaa sil aanimbiin ni.

Ilahn 76:8

Aa bi paacham le ki cha binib mɔmɔk bee ke aa ga ji bi tibɔr le ijawaan nan chuu dulnyaa wee mɔmɔk,

Ilahn 89:6

Uwumbɔr, ubaa aa bi paacham ki bi ke sin na; paacham yaab ubaa aaŋeen aatɔ aa ye si.

Ilahn 89:8

Tidindaan Uwumbɔr, Mpɔɔnsakpiindaan, ubaa aa bi ki kpa mpɔɔn ke sin na; Uwumbɔr, aa ŋani saah puu pu na mɔmɔk la.

Nnyam 15:11

Uwumbɔr, lilawaal bi ke si na? Ŋma bi ke si na, aan saabimbin bi chain kina? Ŋma ba tee bi ki tun lijinjiir, ni ŋitun sakpiin ke saah tun pu na?

Aisaya 40:25

Ti ga di Uwumbɔr u bi chain na ŋaŋ ŋma? Ubaa ki bi ke uma na aa?

Aisaya 46:9

Teer man tibɔr ti nan ŋa n‑yoonn na; tii naadii man ke min baanja le ye Uwumbɔr, ke ubaa aa ki bi ke min na.

Jeremia 12:5

Le Uwumbɔr bui ke, “Jeremia, aa ni binib yaa san kpak aan aa bak kan, aa ga ŋa kinye aan aa ni itaan san kpak? Aa yaa kaan ŋmaa sil nteer pu kan, aa ga ŋa kinye ki koo Jɔɔdann aachook ni?

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 30:21

Baajojoor ga nya ni baatimbol ni la, le baayidaan nya ni bibaa aanib ni. M yaa tun yin u kan, u ga dan m chee, maah kaa tun yin u na waan kaa dan m chee. Bi ga li ye maanib, le m ye Baawumbɔr. Min Uwumbɔr le len kina.”

Jeremia 4:7

Uchinn aah nyani waabɔbɔryaan ni pu na, kina le unii u bii ŋitimbol na nyan ni. U choo u nan bii Juda aatiŋ la. Juda aatim ga kpaln tilangbenn la, le ubaa aan ŋmaa koo mu ni.

Daniel 7:4

Njan yoo nan naahn uchinn, le ki tee kpa likaagiil aafeen. Maah si lik kina na, le m kan ke ifeen na chuu bar nyan lir kitiŋ. Le bi chuu fiin upeel ngbaan siin utaajal ŋilee pu ke unibɔn na, le ki di unibɔn aalandak tii u.

Nahum 1:6

Uwumbɔr aaŋuul yaa fii kan, ŋma ga ŋmar? Ŋma ga ŋmar waaŋuusakpeln ni? U cha waaŋuul puu nyan ni ke mmiigaal na la; ŋitakpal wur unimbiin ni ki kpaln titan la.

Sekaria 11:3

Bijojoob na wii mpombiin pu la; baapɔɔn mɔmɔk doo a. Li pel ichinn aah ŋuuni pu na; kichook ki ponn ni i koo Jɔɔdann aamɔɔl aagbaan na kuln a.

Nkahm 16:5

le ki bui Kora, ni binib bi kpee u pu na ke, “Fen aachakpiik ni kan, Uwumbɔr ga fe mɔk ti mɔmɔk unii u ye waanii na; u ga fe cha waah nyan unii u na dan u chee, waatork aabimbiln chee.

Tibɔkpiirkaan 6:17

ba pu? baaŋuul aawiin sakpiin daal fuu ni a. Ŋma ga ŋmaa sil?”