Jeremia 49:18 - Uwumbɔr aagbaŋ

¹⁸ Tiwan ni nan ŋa Sodom ni Gomora aatim aan mu ni ntim mu nan bi gbɔk mu na kuln na, kina le ga ŋa Edom aatiŋ mu. Ubaa aan ki koo nima kpala. Min Uwumbɔr le len kina.

Jeremia 49:18 ပူးပေါင်းရင်းမြစ်များ

Ilahn 11:6

U cha mmiisakɔn ni chirbil u gaal mmii na lir ni bibiindam pu; u joo libuln li ton na le dar bitafal.

Aisaya 34:10

Ki ga li gaal mmii nwiin pu ni kinyeek mɔk, le laaŋmanyuu ga fii n‑yoonn mu kaa kpa ndoon na. Kitiŋ ngbaan mɔmɔk pu aan ki li kpa nibaa ki joo cha n‑yoonn mɔmɔk, le unii ubaa aan ki jer nima chee.

Jeremia 23:14

M ki kan maabɔnabr bi bi Jerusalem aatiŋ ni na aatunwanbir jer kina; bi gɔr kidagook le ki geei inyamɔn; bi ter binib le bi tun titunwanbir, le ubaa aa ŋmaa di cha titunwanbir aatuln. Mma chee kan, bi mɔmɔk bi ke Sodom ni Gomora aanib na la.

Jeremia 49:33

Hasor ga kpaln nteersakpiin le ki ti saa n‑yoonn mu kaa kpa ndoon na, ikakal ŋmeen le ga li koo nima. Ubaa aan ki koo nima daalbaadaal. Min Uwumbɔr le len kina.”

Jeremia 50:40

Maah nan kuln Sodom ni Gomora aatim, ni ntim mu bi gbɔk mu na pu na, kina le m ga ŋa Babiloŋ mu. Ubaa aan ki koo nima daalbaadaal. Min Uwumbɔr le len kina.

Amos 4:11

“M nan doo nimi bibaa ke maah nan doo Sodom ni Gomora yaab pu na. Nimi bi nan ŋmar na nan naahn limiidɔtɔgeln la. Nee mu aa cha ni gir ni m chee.” Min Uwumbɔr le len kina.

Sefania 2:9

Maah sil ye Uwumbɔr u bi n‑yoonn mɔmɔk, ki ye Israel yaab Aawumbɔr na, m puu ke m ga kuln Moab ni Amonn aatim ke maah nan kuln Sodom ni Gomora aatim pu na. Mu ga kpaln baah gbii n‑yaan nin chee na, ni baah kuln nin chee kookoo aan timoor gaa nima chee na la. Maanib bi ŋmar na ga yoor baawan ni baatiŋ mu.”

Rom Yaab 9:29

Ni bi ke Aisaya aah nan ki len pu na ke, “Uwumbɔr Mpɔɔnsakpiindaan yaa kaa ba gur timi yaabitiib siib kan, ti mɔmɔk ba ga kuln ke Sodom aatiŋ aanib ni Gomora aatiŋ aanib aah nan kuln pu na la.”

Ikaal 29:22

“Niyaabitiib bi ga paa ni nipuwɔb na, ni biwɔwɔm bi nyan ntim mu daa na ni na, ga nan kan tibɔbir ni falaa u Uwumbɔr di lii nimi aatiŋ pu na.

Ikaal 29:23

Ikpaakon ga kpaln chirbil ni n‑yaan ŋmeen, ubaa aan ŋmaa bu tiwan nibaa ni punn, le timoor mu aan ŋmaa punn. Nima aatiŋ ngbaan ga li bi ke Sodom ni Gomora aatim, ni Adma, ni Seboyim aatim mu Uwumbɔr nan bii mu na la, n‑yoonn mu usui nan fii bi pu sakpen na, le u kuln mu.

2 Piita 2:6

Tɔ, Uwumbɔr nan bii Sodom ni Gomora aatim ki cha mu kpaln nfatan, ki kuln ntim ngbaan aanib. Ni ye limɔkl la, le ki mɔk titunwanbirdam Uwumbɔr aah ga daa bitafal pu na.

Juud 1:7

Teer man, Sodom ni Gomora aatim, ni itingbaan na aanib bi nan gɔr kidagook, ki mu yii bipiib ki ban bijab na aabɔr. Uwumbɔr nan daa bitafal, ki di bi ŋa mmii mu kaan junn na ni, ni le ye nsurm ki tii titunwanbirdam mɔmɔk.