Jeremia 49:17 - Uwumbɔr aagbaŋ

¹⁷ Uwumbɔr ki bui ke, “Tibɔbir ti ga dan Edom pu na ga li kpa ijawaan sakpen le unii umɔk jer nima na ga san ijawaan ki jek.

Jeremia 49:17 ပူးပေါင်းရင်းမြစ်များ

1 Bibɔrb 9:8

Lidichal limina ga ber, le unii umɔk jer nima chee na, ni ga ŋa u iwaan ni lijinjiir. Le bi ga baa ke, ‘Ba ŋa Uwumbɔr ŋa kitiŋ kimina, ni Waadichal limina kina?’

Jeremia 18:16

Bi cha kitiŋ kee kpaln ijawaan aawan la, le binib mɔmɔk ga li lik bi fam n‑yoonn mɔmɔk. Unii umɔk jer nima na aasui ga yuk, waah ga kan tiwan ni na pu; bi ga li gbakr biyil iwaan pu.

Jeremia 49:13

Min mbaa le puu ke Bosra aatiŋ ga kpaln ijawaan aawan ni nteersakpiin; binib ga li yuul ki, le ki joo kaayimbil puuni lir biken pu. Ntimbim mu bi gbɔk ki na ga kpaln tilangbenn ki ti saa n‑yoonn mu kaa kpa ndoon na. Min Uwumbɔr le len kina.”

Jeremia 50:13

Maaŋuul pu le ubaa aan ki li koo Babiloŋ ni; ki ga gur tilangbenn la, le unii umɔk jer nima na, ni ga ŋa u lijinjiir ni iwaan.

Jeremia 51:37

Kitiŋ ngbaan ga kpaln tilangbenn ti ponn ni ipeel ŋmeen koo na la. Nima chee ga li kpa unii mɔk ijawaan; ubaa aan li koo nima, le ijawaan ga chuu unii umɔk kan kina na.

Esekiel 25:13

Tɔ, m bui ke m ga daa Edom aatiŋ aanib aatafal ki ku unii mɔmɔk, ni kiwakork mɔmɔk nima. M ga ŋa ki tilangbenn, ki nya Temann aatiŋ mɔk ki ti saa Dedann aatiŋ ni, le kaanib ga bee butɔb ni.

Esekiel 27:36

Aa buen kookoo a, le ijawaan chuu biwantiirb mɔmɔk bi bi dulnyaa wee mɔmɔk ni na, bi san ijawaan ke nibaakan bi mu ga kan saah kan pu na.”

Esekiel 35:15

ke aasui aah nan piir Israel aatimbol li ye min yaan na aalirm pu pu na. Seir aajoo, mbamɔn, Edom aatiŋ mɔmɔk ga doon nkuun. N‑yoonn ngbaan le unii mɔmɔk ga bee ke min le ye Uwumbɔr.”

Esekiel 35:3

Tuk kaanib min Dindaan Uwumbɔr aah bi len pu na: Edom aajoo, m ye nimi aadin la. M ga ŋa si kitikuun ki bi fam na.

Esekiel 35:7

M ga ŋa sin Edom aatiŋ ki ye ligongoln aatiŋ na fam, ki ga ku unii umɔk dii ki ponn ni jer na.

Maika 6:16

Naah dii Ubɔr Omri aajapɔɔn Ubɔr Ahab aatunwanbir aasan na pu, le kina ga ŋa. Ni beenin joo baakaal la, kina pu le m ga bii doo nimi, le unii mɔk ga lik nimi fam. Binib bi bi dulnyaa wee ni na ga lik seen nimi.”

Sefania 2:15

kina le u ga ŋa kitiŋ ki kpa kigaak sakpen kibaa aapɔɔn pu, ki dak ke nibaa aan ŋmaa ŋa ki na. Kaanib dak ke baatiŋ le pɔɔ jer ntim mɔmɔk dulnyaa wee ni. Ki ga kpaln tilangbenn la, le ipeel ga li doo nima chee ki fuur. Unii umɔk jer nima chee na ga sur upuwɔb ijawaan pu.

Ikaal 29:22

“Niyaabitiib bi ga paa ni nipuwɔb na, ni biwɔwɔm bi nyan ntim mu daa na ni na, ga nan kan tibɔbir ni falaa u Uwumbɔr di lii nimi aatiŋ pu na.