Jeremia 49:13 - Uwumbɔr aagbaŋ

¹³ Min mbaa le puu ke Bosra aatiŋ ga kpaln ijawaan aawan ni nteersakpiin; binib ga li yuul ki, le ki joo kaayimbil puuni lir biken pu. Ntimbim mu bi gbɔk ki na ga kpaln tilangbenn ki ti saa n‑yoonn mu kaa kpa ndoon na. Min Uwumbɔr le len kina.”

Jeremia 49:13 ပူးပေါင်းရင်းမြစ်များ

Mpiin 22:16

“M ga puu maayimbil pu ke m ga ŋa tinyoor ŋa aa pu pam. Min Uwumbɔr le len kina. Saah ŋa pu, kaa yii ke saan di aajapɔɔn tii mi na,

Aisaya 34:6

Waajaak aajuk po ga li ye nsin ni nkpan ŋmeen la, ki ga li naahn ipiih ni iŋoob i bi di toor kitork na aasin ni nkpan la. Uwumbɔr ga toor kitork kimina Bosra aatisakpeŋ ni la; u ga ŋa linikul sakpeln limina Edom aatiŋ ni la.

Aisaya 45:23

Maah puu tipuur ti na gbii, kaan kpeln daalbaadaal. M sil puu mbaa pu ke: Unibɔn mɔmɔk ga dan nan gbaan nnimbiin ni, ki puu ke waan nyan mpuwɔb daalbaadaal.

Aisaya 63:1

“Ŋma ye u nyan ni Bosra aatiŋ ki bi Edom ni na ki choo na? Ŋma ye u pee tiwanyaan ni man na, ki chuun ni mpɔɔn ŋmeen ki choo na?” Uwumbɔr u kpa mpɔɔn sakpen ki ga ŋmaa gaa unii lii na le choo ke u nan moon waanyaŋ.

Jeremia 18:16

Bi cha kitiŋ kee kpaln ijawaan aawan la, le binib mɔmɔk ga li lik bi fam n‑yoonn mɔmɔk. Unii umɔk jer nima na aasui ga yuk, waah ga kan tiwan ni na pu; bi ga li gbakr biyil iwaan pu.

Jeremia 19:8

Maah ga joo ni tibɔbir ti nan lii do na ga ŋa unii umɔk jer do na lijinjiir ni iwaan.

Jeremia 44:26

Tɔ, li pel man tipuur ti min Uwumbɔr di maayimbikpaan puu tii nimi Israel yaab bi mɔmɔk koo Ijipt aatiŋ ni na. Maan ki cha ni ponn ni ubaa puu tipuur maayimbil pu ke, ‘M puu Uwumbɔr u bi kaa kpa ŋeen aatɔ na pu.’

Jeremia 48:24

ni Keriof, ni Bosra aatim pu. Libɔjil fuu ni Moab aatim mɔmɔk mu bi ni daa na, ni mu bi duun na pu a.

Jeremia 49:22

Bidim ga boon ni ke likaagiil na le ki nan tak Bosra aatiŋ. Liyaadaal ngbaan kan, Edom aajab ga san ijawaan ke upii u imalween joo u na la.”

Jeremia 51:14

Uwumbɔr Mpɔɔnsakpiindaan puu ubaa aamɔfal pu ke u ga cha bijab bi wiir ke itoon na nan tak Babiloŋ, ki ga nyaŋ ki, ki teen mpɔɔn pu.

Joel 3:19

Ijipt ni Edom aatim ga kpaln nin chee nnyun aa bi na la. Litambol ŋmeen le ga li gur bi nima, ba pu? bima le buen ti tak ki ku Juda aanib bi kaa tun taani ubaa na.

Amos 1:12

Kina pu na, m ga cha mmii wu baatiŋ Temann aagon, ni baatiŋ Bosra aadichal ŋi fɔk ki pɔɔ aan bi maa kiir bibaa na mɔmɔk.”

Amos 6:8

Tidindaan Uwumbɔr Mpɔɔnsakpiindaan le tii nsurm mumina: “M nan Israel yaab aagaak, kaa neen baadichasakpiin ŋi kpa kinyaan ni tiwan mɔmɔk na. M ga di baatiyil ni tiwan ni mɔmɔk bi ki ponn ni na di tii baadim.”

Obadia 1:18

Jakob ni Josef aanib ga li naahn mmii la; bi ga doo Esɔ aanib ke mmii aah wu kinaakook pu na la. Esɔ aanib ponn ni ubaa aan ŋmar. Min Uwumbɔr le len kina.