Jeremia 48:7 - Uwumbɔr aagbaŋ

⁷ Moab aatiŋ, aa nan mak saapɔɔn ni saawangol pu la, le dandana ma kan, aa ga lir; bi ga yoor saawaal Kemos ni laawaadabim, ni laatotoorb ki di buen.

Jeremia 48:7 ပူးပေါင်းရင်းမြစ်များ

2 Samuel 5:21

Filistia yaab nan san; bi nan san cha baawaa, le David ni waajab yoor ŋi di buen.

1 Bibɔrb 11:33

Solomonn aa yii mi ki dooni ŋiwaa na pu le m ga ŋa kina. U dooni Saidonn yaab aawaapii Astaate; ni Moab yaab aawaal Kemos, ni Amonn yaab aawaal Molek. Solomonn yii maamɔb; u tun mi taani, kaa joo maakaal, ni maah bui u pu na, ke ute David aah nan joo pu na.

1 Bibɔrb 11:7

U nan maa nin chee u ga li dooni Moab yaab aawaal Kemos li bir na, ni Amonn yaab aawaal Molek mu yaan, lijool li bi Jerusalem aawipuul wɔb na.

Ilahn 40:4

Binib bi di naadii tii Uwumbɔr, kaa dii ŋiwaa, kaa kpaani binib bi dii ŋiwaa na chee na, bima le kpa mpopiin sakpen.

Ilahn 52:7

“Lik, uja u kaa nan di Uwumbɔr yin nibaa na sɔ, u nan lik waawangol pu la, ki dak ke mbiin le ga tii u lifuur ki gaa u lii.”

Jeremia 13:25

U bui ke nimi aadoon le ga li bi na. Waah siin ke u ga ŋa nimi pu na le na, ba pu? ni suln ubɔr le ki di naadii tii ŋiwaa.

Jeremia 43:12

M ga see Ijipt aawaadir mmii, le Babiloŋ aabɔr yaa gee ke u see baawaa mmii kan, u see ŋi, u yaa ti ki gee kan, u di ŋi buen. Upihkpaal aah nyan ni tibabr waawanpeenkaan ni pel pel pu na, kina le Babiloŋ aabɔr ga nyan tiwan mɔmɔk Ijipt aatiŋ ni ki di linyaŋ nya.

Jeremia 48:13

Le Moab yaab ga lik baawaal Kemos fam, ke Israel yaab aah nan lik liwaal Betel, li bi nan di naadii tii li na fam pu na.

Jeremia 48:46

San Moab aanib kinimbaak man. Binib bi nan dii liwaal Kemos na kuln a, le bi chur bijapɔtiib ni bibisatiib buen tinaagbiir ni.

Jeremia 49:3

Hesbonn aanib, li wii man. Ai aatiŋ kuln a. Raba aapiib, li wii ikpowiil man. Di tiwanpeenkaan ni saak kuub na ki di peen ki li wii. Li san gonni man. Bi ga yoor nimi aawaal Milkom buen tinaagbiir ni, ki kpaan yoor laatotoorb ni laawaadabim mu.

Jeremia 49:4

Ba ŋa nimi binib bi kaa dii Uwumbɔr na kpa kipupuk? Nimi aapɔɔn bi door la. Ba ŋa ni kpa nibaa aapɔɔn pu naadii ki len ke ubaa aan kaa ki tak nimi?

Jeremia 9:23

Uwumbɔr ki bui ke, “Bilandam taa li kpa kipupuk baalan pu, binib bi pɔɔ na mu taa li kpa kipupuk baapɔɔn pu, biwankpadam mu taa li kpa kipupuk baawangol pu.

Hosea 10:13

Le ni yii ki di titunwanbir bun ki nan chee taanyoor. Ni jin nimi aanyamɔn aah joo ni pu na la. “Naah mak nimi aataan aatɔroku tiib, ni nimi aajab aawiwiir pu na,

Nkahm 21:29

Moab yaab, ni ye nimi falaa la. Nimi bi dooni liwaal Kemos na bii doo a. Nimi aawaal cha nimi aajab kpaln bikusam la, le Amor yaab aabɔr di nipuutiib ŋa binaagbiib.

1 Timoti 6:17

Aa sur binib bi kpa liwankpal dulnyaa wee ni na ke bi taa li kpa kalmbaani, ki taa li kpa limakl liwankpal ngbaan pu. Ba pu? li ye libuln la. Bi li kpa limakl Uwumbɔr pu. U tii timi sakpen, le taa ti ki nyi ni mɔmɔk; u ban ke ti gaa, ki li kpa mpopiin.

Tibɔkpiirkaan 18:7

Kitiŋ ngbaan nan nyuŋ kibaa ki gaa tiwanyaan ki ti nyaŋ. Cha ki ji falaa ki li kpa mpombiin ki ti ki saa kina; ba pu? ki len kisui ni ke ki ye ubɔrpii, kaa ye ukpopii, kaan kan mpombiin kpala.

Bibɔjirb 11:24

Aa ban ke aa pɔɔn aabaa ki ki gaa kitiŋ ngbaan la aa? Li joo saawaal Kemos aah tii si tiwan nimɔk na. Ti ban ti li joo Tidindaan Uwumbɔr aah di ni tii timi na la.