Jeremia 48:47 - Uwumbɔr aagbaŋ

⁴⁷ N‑yoonn mu choo na, Uwumbɔr ga nan ki tii Moab nkam. Uwumbɔr aah len ke tiwan ni mɔmɔk ga ŋa Moab aatiŋ na le na.

Jeremia 48:47 ပူးပေါင်းရင်းမြစ်များ

Job Aagbaŋ 19:25

Le m tee nyi ke ubaa bi paacham ki nan len maabɔr tii mi.

Aisaya 18:7

N‑yoonn choo le Uwumbɔr Mpɔɔnsakpiindaan ga nan gaa ipiin nyan ni kitiŋ ki ŋimɔɔ yakr ki na chee, litimbol ngbaan le kpa mpɔɔn ki pɔɔ, le ki kpa binib bi fɔk, aan biwon joon kpal kpal, aan dulnyaa wee aanib san bi ijawaan na. Bi ga li joo ni ipiin ngbaan ki dan Sionn aajool pu, nin chee bi dooni Uwumbɔr Mpɔɔnsakpiindaan na.

Aisaya 23:18

Bi ga di ŋimombil ŋi bi kani kitiirk ni na di tii Uwumbɔr. Baan ki di ŋi bil; le binib bi dooni Uwumbɔr na ga gaa baamombil ngbaan ki di daa tijikaar ni tiwanpeenkaan ni bi ban na.

Aisaya 25:11

Bi ga taln biŋaal ke baah ban bi wo nnyun le na, le Uwumbɔr ga jinn bi inimɔɔn, le biŋaal ga yɔl lir kitiŋ.

Aisaya 45:20

Uwumbɔr bui ke, “Kuun ni man tɔb chee, nimi ŋitimbol mɔk aanib; nimi bi ga ŋmar litimbiil ngbaan aalirm ni na; li joo ni man nibaa aan bi nan ji nimi tibɔr. Binib bi kuun ŋiwaa ŋi bi di isui kpii ŋi na, ki dooni ŋiwaa ŋi kaan ŋmaa gaa bi lii na, binib ngbaan aa nyi nibaa kpala.

Jeremia 12:14

Uwumbɔr nan bui ke, “M kpa tibɔr tibaa m tuk binib bi ka maanib Israel yaab chee aan ki kuln kitiŋ ki m nan di tii bima Israel yaab na. M ga nyan bibiindam ngbaan baatim ni ke baah chuu ŋɔb busub pu na la, le ki gaa Juda aanib bi chee lii.

Jeremia 12:15

M yaa nyan bi buen kan, m ga san bi kinimbaak; m ga giin ni linibol mɔk nan kaan laatiŋ ni, laatiŋ pu.

Jeremia 23:20

kaan ŋmin see waah ban pu na mɔmɔk ti ŋa. N‑yoonn choo le waanib ga nan bee nimina mɔmɔk chain.”

Jeremia 46:26

ki di bi tii binib bi ban ke bi ku bi na; m ga di bi tii Babiloŋ Aabɔr Nebukadnesar ni waajab. Le puwɔb na, binib ga nan ki li koo Ijipt aatiŋ ponn ni ke n‑yaayoonn na. Min Uwumbɔr le len kina.”

Jeremia 49:39

Puwɔb na, m ga nan ki cha Elam aanib kan nkam. Min Uwumbɔr le len kina.”

Jeremia 49:6

“Tɔ, m ga nan ki cha Amonn aanib kan nkam. Min Uwumbɔr le len kina.”

Esekiel 38:8

Ŋibin pam aapuwɔb le m ga bui u ke u ti di butɔb koo kitiŋ ki aanib nyan ni ŋitimbol pam ni ki gir ni, kaa nyi butɔb aajawan aan ni yunn na ni. U ga koo Israel aajoo ŋi bi nan san cha ŋi aan ŋi doon nkuun ki yunn, ki mu gur kpa binib bi bi lifuur ni na ni.

Daniel 10:14

M dan ke m nan cha aa bee tiwan ni ga nan ŋa saanib n‑yoonn mu choo na la. Lijinjiir aawan ngbaan ye n‑yoonn mu choo na aabɔr la.”

Daniel 11:41

U ga kpaan loon Kitiŋ ki Ŋan na mu, ki ku binib ŋichur ŋichur, le Edom, ni Moab, ni Amonn aatim aanib bi gur siib na ga san ŋmar.

Daniel 2:28

Tɔ, Uwumbɔr ubaa u bi paacham, ki ŋmaa kpiir iwaan aawan mɔk na baanja le ga ŋmaa ŋa kina. Uma le tuk mpɔɔndaan tiwan ni ga ŋa n‑yoonn mu choo na. M ga tuk si tidaŋ ti aa nan dɔ geen ki daŋ na.

Hosea 3:5

Tɔ, n‑yoonn tee choo, le Israel aanib ga nan ki fenn dan Bidindaan Uwumbɔr chee, ki dan ubɔr David aayaabil chee. Le bi ga li san Uwumbɔr ki gaa waapiin i ŋan na.

Nkahm 24:14

Balaam nan ki bui Balak ke, “Dandana wee, m ban m gir kun ndo yaab chee la; waahr aan m gir buen na, cha m sur si, ki tuk si Israel yaab aah ga nan ŋa saanib pu, n‑yoonn mu choo na.”

Ikaal 31:29

M bee ke m yaa kpo kan, binib ngbaan ga tun titunwanbir, ki yii maah mɔk bi ikaal i na. Le bi yaa ŋa kina kan, n‑yoonn mbaa choo, bi ga nan kan tibɔbir, ba pu? baah ga tun titunwanbir ti na le ga cha Uwumbɔr aaŋuul fii bi pu.”

Ikaal 4:30

N‑yoonn mu ni ti kan limukl, aan tiwanbir ngbaan mɔmɔk pii nimi na, le ni ga fenn ban Uwumbɔr ki kii tii u.