Jeremia 48:44 - Uwumbɔr aagbaŋ

⁴⁴ Uwumbɔr aah siin n‑yoonn mu ke u kuln Moab na, unii umɔk pɔɔn ubaa ke u san ŋmar ijawaan chee na ga lir ŋibugen ni, le umɔk baar nyan ŋibugen ni na, gaawɔb mam le ga chuu u.

Jeremia 48:44 ပူးပေါင်းရင်းမြစ်များ

1 Bibɔrb 19:17

Unii umɔk san ŋmar Hasael chee na, Jehu ga ku udaan, u mu san ŋmar Jehu chee na, Elaisa ga ku udaan.

1 Bibɔrb 20:30

Bijab bi nan san ŋmar na nan san ti koo Afek aatiŋ ni, nima chee le kitiŋ ngbaan aagon lir ki ku bi ponn ni ŋichur moninko ni ŋilole. Ben‑Hadad nan san ŋmar ki ti bɔr kitiŋ ngbaan ni, lidichal libaa aadiik ki bi linambakol na ponn ni.

Aisaya 10:3

Kina pu na, Uwumbɔr yaa daa nitafal kan, ni ga ŋa kinye? Uwumbɔr yaa cha tibɔbir nyan ni dandar ki nan lir ni pu kan, ni ga ŋa kinye? La chee aan ni ga san ti ban nterm? La chee aan ni ga ti di nimi aawangol di bɔr?

Aisaya 24:17

Ni mɔmɔk li pel m chee man, ijawaan bi, ŋibuu bi, le gaawɔb mam mu bi ki kii nimi.

Aisaya 24:18

Unii umɔk pɔɔn ubaa ke u nya ijawaan ni na ga lir libuul ni; le umɔk pɔɔn ubaa ke u nya libuul ni na, gaawɔb ga chuu u. Ntaanyusakpem ga nya paacham ki lir ni, le ŋitinyik ga deŋ.

Jeremia 10:15

Ŋaa kpa tinyoor le ki ŋeer ke bi lik seen ŋi. Uwumbɔr yaa nan dan ke u nan ji ŋi tibɔr kan, ŋi ga kuln.

Jeremia 11:23

M siin n‑yoonn mu tibɔbir ga pii ni Anatof aanib na, le n‑yoonn ngbaan yaa nan fuu ni kan, bi ponn ni ubaa aan ŋmar.”

Jeremia 16:16

Uwumbɔr nan ki bui ke, “M bi tun ban bijanbam pam ke bi nan chur binib bee la, le ki tun yin ni bikpam pam, ke bi nan tee mban ki taa taa nyan ni bi lijool, ni ligongoln mɔmɔk paab, ni titakpalunn ni.

Jeremia 23:12

Baah dii isan i na ga li ŋar le ki bɔɔn; m ga cha bi gbeer ki lir. M ga cha tibɔbir dan bi pu. Baatafadaan aayoonn choo. Min Uwumbɔr le len kina.

Jeremia 46:21

Hali kaah buen ti pan bijab bi pu ke bi nan jan tii ki na aa kpa mpɔɔn ke inaabi na la. Baa nan sil ke bi jan kijaak; bi mɔmɔk nan fenn le ki san. Baadoon aayoonn fuu ni a, baah ga kuln pu na aayoonn le na.

Jeremia 49:8

Dedann aanib, fenn ki li san man. Bɔr man. M ban m kuln Esɔ aayaabitiib la, ba pu? n‑yoonn le fuu ni ke m daa bitafal.

Jeremia 50:24

Babiloŋ, aa nan jan mi kijaak, le maah nan di gaawɔb u pen si aan saa nyi u bɔr na chuu si.

Jeremia 50:27

Ku baajab mɔmɔk. Kɔr bi man. Babiloŋ aanib aadoon fuu ni a. Baatafadaan aayoonn fuu ni a.”

Jeremia 51:18

Ŋaa kpa tinyoor le ki ŋan ke bi lik seen ŋi; Uwumbɔr yaa nan nyan sil ŋi pu kan, u ga kuln ŋi.

Jeremia 8:12

Maanib aa nan san inimɔɔn baajɔŋ aatun ŋee pu. Mbamɔn, baa nan san inimɔɔn kpala; naa kpaan nyi naah ga mɔk pu ke inimɔɔn joo nimi na. Kina pu le ni ga lir ke biken aah lir pu na; m yaa nan daa nitafal kan, naadoon le na. Min Uwumbɔr le len kina.

Inandalahn 3:47

Ti koo tibɔbir, ni libiil ni, le ki nyan; ti bi linimaln, ni ijawaan ni.

Hosea 9:7

Ntafadaan aayoonn fuu a, n‑yoonn ngbaan binib ga kan ni ŋeer bi na. Kina yaa nan ŋa kan, Israel yaab ga bee ni. Ni bui ke, “Uwumbɔr aabɔnabr umina ye ujɔr la. Unii u Nfuur Nyaan fir u pu ngbaan na aa ki kpa nlan la.” Nimi aatunwanbir aah nyaŋ na le kinanaŋ gbiin nimi.

Amos 5:19

Ni ga nan li naahn ke unii aah san uchinn chee ki ti tooh upeenaamuun nsan ni pu na la, ki li bi ke unii u kun ni linampal ki nan di uŋaal paan ligoln pu aan uwaa kpaan juu u pu na la.

Maika 7:4

Hali binib bi ŋan ki bi chob na aa kpa tinyoor tibaa ke timoor aah bi pu na la. N‑yoonn mu Uwumbɔr ga di daa binib ngbaan aatafal, ke waah nan cha waabɔnabtiib sak bi pu na fuu ni a. Dandana wee, baalan ŋmal a.