Jeremia 48:41 - Uwumbɔr aagbaŋ

⁴¹ le ki nyaŋ kaatim, ni ntim mu bi maa ŋigon gob mu na. Liyaadaal ngbaan kan, Moab aajab ga san ijawaan ke imalween aah joo upii u na.

Jeremia 48:41 ပူးပေါင်းရင်းမြစ်များ

Aisaya 13:8

Ijawaan ga chuu bi mɔmɔk, le iween nyaŋ bi, ke imalween aah nyaŋni upudaan pu na. Bi ga li lik tɔb ki san ijawaan la, le inimɔɔn ga ku bi.

Aisaya 21:3

Maah kan ki ŋun tibɔr ti tibɔkpiirkaan ngbaan ponn ni na tii mi ijawaan ni iween, iween i wu ke imalween na.

Jeremia 30:6

Tɔ, sil man ki dakl lik. Uja ga ŋmaa maa ubo oo? Tɔ, ni ŋa kinye aan m waa uja mɔmɔk bub joo upuul ke upii u ban u maa na? Ba ŋa unii mɔk naahn ubun kina?

Jeremia 4:31

M ŋun iwiil pu ke upii u ban u maa na aah wii pu na, iwiil i bi ke upii u ban u maa waajan aabo na aawiil. Jerusalem aanib aawiil le bi na, bi pɔɔni bibaa ke bi fuur la, ki taln biŋaal ki wii ke, “Timi aamɔfal junn a. Bi choo bi nan ku timi la.”

Jeremia 4:9

Uwumbɔr bui ke, “Liyaadaal ngbaan kan, bibɔrb ni baaninkpiib aawon ga yɔl, lijinjiir ga chuu bitotoorb, le maabɔnabtiib ga li gur waa bimɔi.”

Jeremia 48:24

ni Keriof, ni Bosra aatim pu. Libɔjil fuu ni Moab aatim mɔmɔk mu bi ni daa na, ni mu bi duun na pu a.

Jeremia 49:22

Bidim ga boon ni ke likaagiil na le ki nan tak Bosra aatiŋ. Liyaadaal ngbaan kan, Edom aajab ga san ijawaan ke upii u imalween joo u na la.”

Jeremia 49:24

Damaskus aanib aawon yɔl le ijawaan cha bi san. Iween ni falaa joo bi ke imalween aah joo upii pu na la.

Jeremia 50:37

Kuln kaataan ni yaatɔroku mam. Nkun li bi kaajab bi bi ti pan bi ŋimombil ke bi nan jan tii bi na pu. Baa ki kpa mpɔɔn. Bii kaawangol, gaa ni ki yoor ni mpɔɔn.

Jeremia 50:43

Babiloŋ aabɔr aah ŋun tibɔr ngbaan na, uwon yɔl le uŋaal gur jɔn kaakaan. Ijawaan sakpiin chuu u, le ki wu ke upii aamalween na.

Jeremia 51:30

Babiloŋ aajab di cha kijaak le ki gaar baajawan aadir ni. Baa ki kpa lipobil, le ki gur bi ke bipiib na. Bidim gbaa wɔi kitiŋ ngbaan aabisamɔi aajaaleŋ mam, le ki see ŋidichal lii.

Jeremia 6:24

Le Jerusalem aanib bui ke, “Ti ŋun tibɔr ngbaan, le tiwon yɔl ti lir kitiŋ, ijawaan ni iween chuu timi ke upii u ban u maa na aamalween aah wu pu na la.

Amos 2:2

M ga cha mmii wu Moab aatiŋ, ki see baatiŋ Keriof aadichal ŋi fɔk ki pɔɔ aan bi maa kiir bibaa na mɔmɔk. Buyoonn butɔb aajab ga li tar aan kakaan tiib wii ki kpa kifuuk na, le Moab aanib ga kpoi.

1 Tesalonika 5:3

Buyoonn binib ga len ke bi bi bibaa pu, nibaa aan ŋa bi nibaa na, libuul ngbaan ni le tibɔbir ga lir bi pu. Ni ga li bi ke imalween aah chuu upii pu na la. Baan ŋmaa nyan ti.