Jeremia 48:37 - Uwumbɔr aagbaŋ

³⁷ Bi mɔmɔk kuu biyikpir ni bilangban lii. Bi di njum geei ki daan biŋaal, le bi mɔmɔk pee tiwanpeenkaan ni saak kuub na.

Jeremia 48:37 ပူးပေါင်းရင်းမြစ်များ

Mpiin 37:29

Tɔ, Rubenn nan dan nnyunbun ngbaan chee ki lik, kaa kan Josef mu ponn ni, le u chuu waawanpeenkaan daa kar mpombiin pu,

Mpiin 37:34

Le Jakob aasui bii, le u chuu waawanpeenkaan daa kar mpombiin pu, le ki di tiwanpeenkaan ni saak kuub na di peen. U nan wii waabo ngbaan aakun pu ni yunn pam.

1 Bibɔrb 18:28

Le biwaadam ngbaan nan moo mee mpɔɔn pu ki joo njum geei bibaa baakaal aah mɔk pu na, le nsin ti gur puu.

1 Bibɔrb 21:27

Elaija aah nan len doo na, le Ahab daa kar kar waawanpeenkaan, ki chuu peer ni, le ki di tiwan ni saak kuub na peen, ki yii tijikaar, ki doo tiwanpeenkaan ngbaan ni, le usui bii, le u chuun lik gbilngbiln.

2 Bibɔrb 6:30

Ubɔr aah ŋun kina na, le u daa kar kar waawanpeenkaan mpombiin pu, le binib bi nan bi duun ligoln ngbaan na kan ke u nan pee tiwan ni saak kuub na taab.

1 Bibɔrb Aabɔr 19:4

Le Hanunn chuu David aatuuntiib ngbaan, ki kuu bilangban lipepel libaabaa, ki gii gii baawanpeenkaan mu bikpimɔju mɔk, ki di bi lii ke bi li cha.

Aisaya 20:2

Ŋibin ŋitaa waahr aan nimina nin ŋa na, Uwumbɔr nan bui Amos aajapɔɔn Aisaya ke u takr waanaatak ki peer tiwanpeenkaan ni saak kuub na. U nan kii Uwumbɔr aamɔb ki nan gur chuun uŋmeen kaa tak ŋinaatak.

Aisaya 3:24

Baah ba ga li ŋmir tulalee pu na, bi ga li nu la; baan ki buu ŋigbapapan, bi ga li buu tichɔsɔnn aaŋmin la; baan ki li kpa tiyikpir ti ŋan na, bi ga li gur ye ŋiyikun ŋmeen la; baan ki gbab ŋikekenyaan, tikekekpir le bi ga li gbae; le baanyaan ga kpaln inimɔɔn.

Aisaya 37:1

Ubɔrkpaan Hesekia aah ŋun baah len pu na, libuul ngbaan ni le u daa kar waawanpeenkaan, usui aah bii sakpen pu na, le ki di tiwanpeenkaan ni saak kuub na peen, le ki buen Uwumbɔr Aadichal ni,

Jeremia 16:6

Biwankpadam ni bigiim mɔmɔk ga kpo kitiŋ kee pu, ubaa mu aan sub bi, kaan wii baakpuul. Ubaa aan daan ubaa, kaan kuu uyikpir ki mɔk ke usui aa piin.

Jeremia 41:5

bijab imonko inaa nan nyan ni Sekem, ni Silo, ni Samaria. Bi nan kuu bilangban, ki kar kar baawanpeenkaan, ki kpa tidaan biwon pu. Bi nan joo ni tijikaar ni tulalee aayon ke bi nan tii ipiin Uwumbɔr Aadichal ni.

Jeremia 47:5

Mpombiin sakpiin fuu ni Gasa aanib chee a, le Askelonn aanib ŋmin chii. Filistia yaab bi gur na ga wii ikpowiil ti saa bayoonn?

Jeremia 49:3

Hesbonn aanib, li wii man. Ai aatiŋ kuln a. Raba aapiib, li wii ikpowiil man. Di tiwanpeenkaan ni saak kuub na ki di peen ki li wii. Li san gonni man. Bi ga yoor nimi aawaal Milkom buen tinaagbiir ni, ki kpaan yoor laatotoorb ni laawaadabim mu.

Esekiel 27:31

Aa pu le bi kuu biyikpir le ki pee tiwan ni saak kuub na. Bi wii, le bimɔi ti choŋ.

Esekiel 29:18

“Unibɔn, Babiloŋ Aabɔr Nebukadnesar fii sil ki tak Taya aatiŋ. U cha waajab tun ŋitun ŋi nyuun sakpen na le biyikpir ti gui, le bibɔgbin mu puun puun, tɔ, ubɔr ngbaan ni waajab mɔmɔk aa kan nibaa nimina pu.

Esekiel 7:18

Bi ga peen tiwan ni saak kuub na, le biwon gbaa tɔtɔk. Biyil ga li ye ŋiyikun la, le bi mɔmɔk ga ji inimɔɔn.

Liifai Yaab 19:28

bee ni daan nimi aawon pu nibaa chee, bee ni geei geei niwon utekpiir pu. Min le ye Uwumbɔr.

Amos 8:10

M ga kpeln nimi aajim aayoonn ŋa ŋikpuu, ki kpeln nimi aamɔɔn aalahn ŋa inimbaalahn. M ga cha ni kuu nimi aayikpir ki peen tiwan ni saak kuub na, aan ki cha ni li naahn libibaal li kpo na aate ni una aah wii waakpuul pu na. Nwiin ngbaan daal ga li cho kina le ki ti saa mu aadoon.

Maika 1:16

Juda aanib, kuu nimi aayikpir man ki li wii naah gee nimi aabim bi na pu. Kuu ŋiyikun ke nangba tiib na man, ba pu? bi ga di nimi aabim buen kitiyayaŋ ni ki cha nimi.

Tibɔnyaan ti Mak ŋmee ti na 5:5

Nwiin pu ni kinyeek, u po bi ŋikaakul ngbaan ni, ni ŋigongon paab, ki tar, ki joo ŋitakpal geei ubaa.

Tibɔkpiirkaan 11:3

Le m ga tun ni maaseeraadam bilee bi nan moon Uwumbɔr aabɔr ki ti saa iwiin lichur ni ikui ilee ni imonko itaa, ki ga li pee tiwanpeenkaan ni saak kuub na.”