Jeremia 48:36 - Uwumbɔr aagbaŋ

³⁶ “Kina pu le m wii Moab, ni Kir Heres aanib pu, ke unii u joo kulufeeŋ gaa ikpolahn na, ba pu? bi lann baawangol mɔmɔk a.

Jeremia 48:36 ပူးပေါင်းရင်းမြစ်များ

2 Bibɔrb 3:25

ki kuln baatim. Bi yaa ti bi jer nkpaakon ni kan, le Israel aanii mɔk di litakpal mee lii mu ponn ni, le ki di ŋitakpal biin ikpaakon ngbaan mɔmɔk pu ti doo; bi nan ki kpaa baayayak aanyunbun, ki per baasubil aasui mu lir. Kookoo na, litiyil Kir Heres le nan ti gur, le bijab bi gbaa ŋifulaatan na, lul goln ki, ki tak ki mu.

Ŋiyataŋak 11:4

Nwiin mundaal aa ni nkun ga kan tɔb na, liwankpal aan ŋmaa gaa si lii, le saabamɔn ma ga gaa si lii.

Ŋiyataŋak 13:22

Uninyaan ga li kpa liwangol li uyaabitiib ga nan kan na, le binib bi aabimbin ŋan na ga nan gaa titunwanbirdam aawangol.

Ŋiyataŋak 18:11

Biwankpadam ma dak le ke baawangol kii bi ke ŋigon ŋi bi maa gob kitisakpeŋ aan ŋi fɔk ki pɔɔ na la.

Aisaya 15:5

Mpobil wu Moab yaab pu la. Binib ngbaan san buen Soar ni Eglaf Selisiya aatim ni. Bibaa san jon Luhif aasan pu, ki wii le ki cha; bibaa mu san ŋmar buen Horonaim, ki wii mpɔɔn pu.

Aisaya 15:7

Binib joo baawangol san puur cha Isui aafataŋ ni, ke bi di san ŋmar.

Aisaya 16:11

M ker idun ni mpombiin, Moab ni Kir Heres aatim aanib pu.

Aisaya 63:15

Uwumbɔr, saah bi paacham nin chee ni bi chain ki kpa kipak na, san timi kinimbaak. Saalandak mu aa nan kpa ti pu na bi la chee? Saapɔɔn bi la chee? Saageehm ni saanimbaasaln bi la chee? Taa suln tibɔr.

Jeremia 17:11

Unii u joo beebee kani ŋimombil na bi ke unyoon u kaal ŋijen ŋi waa too ŋi na la. U ga laa li ye unachipɔɔn le ki lann waawangol, le waadoon na, u ga kpaln ujɔr.

Jeremia 4:19

Iween sakpen yee. Maan ŋmaa joo iween ngbaan. Mpobil yuk a. Mpobil gbaa mpɔɔn pu la. Maan ŋmaa ŋmin suuna, m ŋun ikpiin aawiil ni butɔb aakuun pu.

Jeremia 48:31

Kina pu le m ga wii Moab aatiŋ, ni Kir Heres aatiŋ aanib mɔmɔk pu.