Jeremia 48:32 - Uwumbɔr aagbaŋ

³² M ga wii Sibma aanib pu, ki jer maah ga wii Jaser aanib pu pu na. Sibma aatiŋ, aa bi ke ŋisubil aasub bu aabon taln ki ti puur N‑yaan Aanyusakpem ki ti saa Jaser na la. Le saasubil ŋi puir na bii a.

Jeremia 48:32 ပူးပေါင်းရင်းမြစ်များ

Jeremia 40:10

Min mbaa ga li koo Mispa ni do, le Babiloŋ yaab yaa dan kan, m ga li si nimi aasisii. Ni ga ŋmaa ban ŋisubil, ni ndaan siin, ki siin olif aakpan, ki li koo ntimbim mu ponn ni, ni koo na.”

Jeremia 48:15

Moab ni kaatim kuln a; kaanachipɔm bi ŋan sakpen na kpo a. Min le ye ubɔr, Uwumbɔr Mpɔɔnsakpiindaan le ki len kina.

Jeremia 48:18

Nimi bi koo Dibonn aatiŋ ni na, sunn ni kinyuŋ aakakaa chee ki nan kal kitiŋ, titan ni man; unii u ban u bii Moab na fuu ni a, le ki ber kaadir ti fɔk ki pɔɔ ki kpa tijawan na lii.

Jeremia 48:8

Kitiŋ kibaa aan nya libiil ngbaan ni; tifatann, ni ni kaa ye tifatann na ga bii. Min Uwumbɔr le len kina.

Nkahm 21:32

Le Moses tun bipepekb, bi ti lik, aan ki bee baah ga ŋa pu ki tak Jaser aatiŋ na. Israel yaab nan ŋmaa nyaŋ, ki gaa ki, ni kaatingbaan mɔmɔk, le ki jenn nyan Amor yaab bi nan ka nima chee na.

Nkahm 32:1

Rubenn ni Gad aanibol nan kpa tiwakor ti wiir pam. Bi nan kan ke Jaser ni Gilead aatim kpa kimopɔɔk ki ŋan tiwakor ga kan timoor ki ŋmɔ na,

Nkahm 32:3

“Uwumbɔr aah ter timi Israel yaab aan ti gaa lipepel limina, Atarof, ni Dibonn, ni Jaser, ni Nimra, ni Hesbonn, ni Eleale, ni Sibma, ni Nebo, ni Beonn aatim mu na ŋan tiwakor pam, le ti mu kpa tiwakor ti wiir sakpen na.

Nkahm 32:35

ni Atrof Sofann, ni Jaser, ni Jogbeha,

Nkahm 32:38

ni Nebo, ni Baal Meonn, bi nan kpeln kitiŋ kee aayimbil, ni Sibma aatim. Baah nan ki gir maa ntim ngbaan na bi nan kpeln mu aayimbil la.

Josua 13:19

ni Kiriataim, ni Sibma, ni Seref Sahar aatiŋ ki bi ligongoln li bi kifataŋ ni na,

Josua 13:25

Baatiŋ mɔk le nan ye Jaser, ni ntim mu bi Gilead ni na, ni Amonn yaab aatiŋ ligeln ki yoor ti ker Aroer mɔk, ki nan bi Raba aatiŋ aawipuul wɔb la.

Josua 21:39

ni Hesbonn, ni Jaser aatim, ni mu aamopɔr.