Jeremia 48:28 - Uwumbɔr aagbaŋ

²⁸ “Nimi binib bi koo Moab aatiŋ ponn ni na, nya nimi aatim ni man. Ti li koo ŋijoo aatakpasakpiin ponn ni man. Li bi man ke linanjel li ter laadir kifataŋ ki nyoo na aamɔgben pu na.

Jeremia 48:28 ပူးပေါင်းရင်းမြစ်များ

Mpiin 8:12

Iwiin ilole ki jer, le Nowa ki tun linanjel ngbaan, n‑yoonn mumina ma, linanjel ngbaan aa nan ki gir ni.

Solomonn Aalahn 2:14

Aa naahn linanjel li bɔrni litakpal aaloŋ ni na la. Cha m lik aanimbil wɔb, aanimbil wɔb ŋan sakpen. Cha m pel saaneel pu, saaneel mɔ sakpen.

Aisaya 2:19

Buyoonn Uwumbɔr ga dan ki nan deŋ kitiŋ na, binib ga bɔr titakpalunn ni, ni ŋitakpasakpiin taab, ŋijoo paab, ke bi ŋmar waaŋuul, ni waapɔɔn, ni waawiihn sakpiin chee.

Jeremia 48:9

Ban likaakul aatakpal bil Moab aatiŋ man; ki ga kuln dandana. Kaatim ga kpaln tilangbenn la, le ubaa aan ki li koo nima.”

Jeremia 49:16

Saagaak le ŋmann si. Ubaa aa san si ke saah dak ke bi san si pu na. Aa bi ŋijootakpal paab la, ki bi ŋijoo aapaachapaacham; tɔ, aa koo paachapaacham ke likaagiil na la, Uwumbɔr mu tee ga sunn si taab. Uwumbɔr le len kina.”

Jeremia 49:8

Dedann aanib, fenn ki li san man. Bɔr man. M ban m kuln Esɔ aayaabitiib la, ba pu? n‑yoonn le fuu ni ke m daa bitafal.

Bibɔjirb 6:2

Midiann aanib nan pɔɔ jer Israel aanib, le Israel yaab ngbaan nan bɔr titakpalunn ponn ni, ni ŋigongon ni, nin chee bi ga ŋmaa kan lifuur na.

1 Samuel 13:6

le ki fii mpɔɔn ŋmeen ti tak Israel yaab, le Israel yaab aa nan ki nyi baah ga ŋa pu na. Bibaa nan bɔr titakpalunn ponn ni, ni ibuu ponn ni, ni ŋitakpal taab, ni ŋibugen, ni inyunbun ponn ni.