Jeremia 48:24 - Uwumbɔr aagbaŋ

²⁴ ni Keriof, ni Bosra aatim pu. Libɔjil fuu ni Moab aatim mɔmɔk mu bi ni daa na, ni mu bi duun na pu a.

Jeremia 48:24 ပူးပေါင်းရင်းမြစ်များ

Aisaya 63:1

“Ŋma ye u nyan ni Bosra aatiŋ ki bi Edom ni na ki choo na? Ŋma ye u pee tiwanyaan ni man na, ki chuun ni mpɔɔn ŋmeen ki choo na?” Uwumbɔr u kpa mpɔɔn sakpen ki ga ŋmaa gaa unii lii na le choo ke u nan moon waanyaŋ.

Jeremia 48:41

le ki nyaŋ kaatim, ni ntim mu bi maa ŋigon gob mu na. Liyaadaal ngbaan kan, Moab aajab ga san ijawaan ke imalween aah joo upii u na.

Jeremia 49:13

Min mbaa le puu ke Bosra aatiŋ ga kpaln ijawaan aawan ni nteersakpiin; binib ga li yuul ki, le ki joo kaayimbil puuni lir biken pu. Ntimbim mu bi gbɔk ki na ga kpaln tilangbenn ki ti saa n‑yoonn mu kaa kpa ndoon na. Min Uwumbɔr le len kina.”

Amos 2:2

M ga cha mmii wu Moab aatiŋ, ki see baatiŋ Keriof aadichal ŋi fɔk ki pɔɔ aan bi maa kiir bibaa na mɔmɔk. Buyoonn butɔb aajab ga li tar aan kakaan tiib wii ki kpa kifuuk na, le Moab aanib ga kpoi.

Ikaal 4:43

Moses nan nyan Beser aatiŋ ki bi nteersakpiin aajool li bi taar na pu le siin Rubenn aamaal yaab; le ki nyan Ramof aatiŋ ki bi Gilead aapepel ni na siin Gad aamaal yaab; ki nyan Golann aatiŋ ki bi Basann aapepel ni na siin Manase aamaal yaab.

Josua 21:36

Rubenn aanibol aapepel wɔb, bi nan nyan ntim munaa le tii bi, muma le nan ye Beser, ni Jahas,