Jeremia 48:15 - Uwumbɔr aagbaŋ

¹⁵ Moab ni kaatim kuln a; kaanachipɔm bi ŋan sakpen na kpo a. Min le ye ubɔr, Uwumbɔr Mpɔɔnsakpiindaan le ki len kina.

Jeremia 48:15 ပူးပေါင်းရင်းမြစ်များ

Ilahn 47:2

Li san man Uwumbɔr u kpa mpɔɔn jer mpɔɔn mɔmɔk na; u ye ubɔrkpaan la, le ki joo dulnyaa wee mɔmɔk.

Jeremia 46:18

Min Uwumbɔr Mpɔɔnsakpiindaan le ye ubɔr. Min le ye Uwumbɔr u bi n‑yoonn mɔmɔk na. Unii u ga tak si na ga li kpa mpɔɔn ke Tabor Aajool aah paa jer ŋijoo mɔmɔk pu, ki mu ga li kpa mpɔɔn ke Kamel Aajool aah paa jer nnyusakpem pu na la.

Jeremia 48:4

Moab aatiŋ kuln a; li pel mbim aah wii pu na.

Jeremia 50:27

Ku baajab mɔmɔk. Kɔr bi man. Babiloŋ aanib aadoon fuu ni a. Baatafadaan aayoonn fuu ni a.”

Jeremia 50:34

Le u ga gaa bi lii na kpa mpɔɔn, waayimbil le ye Uwumbɔr Mpɔɔnsakpiindaan. Uma ubaa le ga gaa baabɔr, ki cha nsuudoon dan kitiŋ kee pu, le Babiloŋ aanib ma kpa tibɔbir.”

Jeremia 51:40

M ga cha bi kɔr bi ke ipihbi, ni iŋoob, ni ipihja na la. Min Uwumbɔr le len kina.”

Jeremia 51:57

M ga cha kaajojoob ni bijab bi kpa nlan, ni bisalolm, ni baajab nyu ki ti gbii. Bi ga ti doon geen le kaan ki fii kpala. Min, Ubɔr ngbaan le len kina, min le ye Uwumbɔr Mpɔɔnsakpiindaan.

Daniel 4:37

“Le dandana wee, min Nebukadnesar pak ki nyuŋ Paacham Aabɔrkpaan ngbaan ki tii u kipak. Waah ŋani tiwan nimɔk na ye mbamɔn ki tok, le u ga ŋmaa sunn binib bi kpa kigaak na taab.”

Amos 4:10

“Le m tun ni iween nan lii ni pu ke maah nan di lii Ijipt aatiŋ ni pu na. M nan ku nimi aanachipɔm butɔb ni, ki di nimi aataan mu buen. Le ŋinikpol aanunun gbiin nimɔfataabun ni, ni nimi aakookoo yaan chee. Nee aapuwɔb na, naa di cha nimi aatunwanbir ki gir ni m chee ke m di cha pinn nimi.

Sekaria 14:9

Le Uwumbɔr ga li ye kitiŋ kee mɔmɔk aabɔr. Unii mɔk ga li dooni u ke u ye Uwumbɔr, le ki li nyi u liyimbil ngbaan pu.

Malakai 1:14

Ujinjir u yaa joo ni kiwakork ki kaa bi tibaa ni na nan toor kitork tii mi na kan, m ga puun lii udaan pu, ba pu? u kpa kiwakork ki ŋan aan u puu ke u ga di tii mi na waapiih ni. M ye ubɔrkpaan la, le ŋitimbol mɔmɔk aanib san mi ijawaan.” Uwumbɔr Mpɔɔnsakpiindaan le len kina.

Jemisi 5:4

Ni ji bitutum bi chee tijikaar tii nimi na pem pem, kaa pa bi. Le bi bi ki wii baapal pu. Le Uwumbɔr Mpɔɔnsakpiindaan ŋun baah wii pu na.

Tibɔkpiirkaan 19:16

Liyimbil nan ŋmee waakpalk pu, utaapaln chee ke, “Bibɔrb mɔmɔk Aabɔrkpaan ni dindatiib mɔmɔk Aadindaan.”