Jeremia 48:11 - Uwumbɔr aagbaŋ

¹¹ Uwumbɔr nan len ke, “Moab bi lifuur ni le kaa kee buen tinaagbiir ni. Moab bi ke ndaan mu bi cha mu si ke mu tiŋ, kaa kpenn mu lidabuul lee ni, ki di ŋa lidabuul liken ni na la. Mu aanunun aa kee bii, le mu aamɔɔn bi n‑yoonn mɔmɔk.

Jeremia 48:11 ပူးပေါင်းရင်းမြစ်များ

Ilahn 123:4

Biwankpadam laa timi, ni yunn sakpen, le bigaadam bi muk timi na ŋani timi mbɔnyun.

Ilahn 55:19

Uwumbɔr u joo binib ki nyan dulnyaa aah piin buyoonn na ga ŋun m pu ki nyaŋ bi, ba pu? bi yii, kaa kpeln baabimbin, kaa san u mu.

Ŋiyataŋak 1:32

Bijɔrb aah yii nlan na le cha bi kpoi. Bijɔrb aah yii, kaan ŋun pu na le ku bi.

Aisaya 16:6

Juda aanib ga bui ke, “Ti ŋun Moab aanib aah kpa kigaak pu na. Ti nyi baah kpa inimpoo ki kpa kipupuk ni kigaak pu na, le baapupuk ngbaan ye fam la.”

Aisaya 24:3

Kitiŋ kee ga doon nkuun, kaan ki li kpa nibaa. Uwumbɔr le len, le ni ga ŋa kina.

Aisaya 25:6

Sionn Aajool pu do, le Uwumbɔr Mpɔɔnsakpiindaan ga gor njim siin dulnyaa aatimbol mɔmɔk. Njim mu aajikaar nyuun aan mu aadaan pɔɔ ti nyaŋ na.

Jeremia 22:21

Naah nan laa kpa liwangol buyoonn na, le Uwumbɔr nan len ni chee le ni yii kaa pel. Nimi aatuln le bi na, nimi aamɔfal aayoonn mɔmɔk ni; naa kee kii Uwumbɔr aamɔb.

Jeremia 48:12

“Tɔ, n‑yoonn choo le m ga tun binib bi ti kpenn Moab ke ndaan na. Bi ga kpenn kaadabuu ki wii ŋi yuk yuk.

Jeremia 48:29

Moab aatiŋ aanib kpa kigaak pam. M ŋun Moab aanib aah kpa kigaak, ni inimpoo, kaah lik faar ubaa, ki tee lik pak bibaa pu na.

Jeremia 51:34

Babiloŋ aabɔr nan gii gii Jerusalem le ki di ŋman. U nan chuu kpenn kitiŋ ngbaan chain ke libuul na la; u nan nab ki ke kipeewanbiik aah nae tiwan pu na la. U nan yoor waah gee ni na buen le ki di ni gur na mee.

Nahum 2:10

Ninefa aatiŋ bii a, ki ber a, le ki gur dɔ nkuun. Ijawaan cha binib aapobil donn a; mpɔɔn doo a, le ŋitaaŋaayil gbaa tɔtɔk, le ŋinimbil wɔb ŋa yɔl yɔl.

Nahum 2:2

Uwumbɔr ban u ki giin Israel aatiŋ aapak ki ki nan kpa, aan kaadim nan gaa kaawangol butɔb ni na tii ki la.

Sefania 1:12

“N‑yoonn ngbaan le m ga yoor karyaa ki biln Jerusalem aatiŋ ponn ni. M ga daa binib bi lik bibaa ke bi ye bininyuum ki lik pak bibaa na aatafal. Bi len ke, ‘Uwumbɔr aa ŋani nibaa ni ŋan, kaa ŋani ni kaa ŋan na mu.’

Sekaria 1:15

le maaŋuul fii ŋitimbol ŋi kpa kigaak ki bi nsuudoon ni lifuur ni na pu sakpen. Buyoonn m nan laa joo maaŋuul ke li taa pii maanib na, le ŋitimbol ngbaan nan cha maanib aafalaa moo nyaŋ.