Jeremia 48:10 - Uwumbɔr aagbaŋ

¹⁰ Puun lii unii u kaa joo usui mɔmɔk tun Uwumbɔr aatuln na. Puun lii unii u kaa joo kijaak aajuk gaar ki ku na pu na.

Jeremia 48:10 ပူးပေါင်းရင်းမြစ်များ

1 Bibɔrb 20:39

Ubɔr ngbaan aah nan bi jer na, le Uwumbɔr aabɔnabr ngbaan teen bui u ke, “Maaninkpel, m ba bi butɔb ni, le butɔb aaja ubaa joo ni baah chur bidim bi na ubaa nan tii mi ki bui ke, ‘Li kii uja wee; u yaa san kan, aa ga di saamɔfal le pa, naa ye kina kan, aa ga pa tikunabr aamombil ŋichur ŋitaa.’

1 Bibɔrb 20:40

Tɔ, ŋitun ŋiken aabɔr nan muk mi, le uja ngbaan san.” Le ubɔr ngbaan gar u ke, “Sin le jin aabaa tibɔr, le ki ga pa kina.”

1 Bibɔrb 20:42

Le ubɔnabr ngbaan nin bui ubɔr ngbaan ke, “Uwumbɔr aamɔboln sɔ: ‘Saah cha uja u m bui si ke aa ku u na san ŋmar na, aa ga lann aabaa aamɔfal, le saatɔb aajab ga kuln, baah cha baadim san ŋmar pu na pu.’”

2 Bibɔrb 13:19

Nimina nan cha liŋuul chuu Elaisa, le u bui ubɔr ngbaan ke, “Aa ba ga faa nfum muŋmu bee muloob la, le ki ba nyaŋ Siria yaab pel pel; tɔ, aa ga nyaŋ bi nfum mutaa baanja la.”

Jeremia 11:3

ke min, Israel yaab Aadindaan Uwumbɔr le puun lii unii umɔk aa kii tipuur ngbaan aah len pu na pu.

Jeremia 47:6

Ni wii ke, ‘Uwumbɔr aajaak aajuk, saan di cha timi ii? Gir koo saajufuuk ni, ki ti li bi nima ki fuur.’

Jeremia 47:7

Tɔ, maah tii ki lituln li na aah kaa doo na, ki ga ŋa kinye aan ki fuur? Tɔ, m bui ki ke ki tak Askelonn ni binib bi koo nnyusakpem aagbaan na la.”

Jeremia 50:25

M chuu piir maajawan aah bi nin chee na, le maaŋuul ponn ni m yoor ti, ba pu? min Dindaan Uwumbɔr Mpɔɔnsakpiindaan kpa lituln Babiloŋ aatiŋ ni m tun.

Jeremia 50:27

Ku baajab mɔmɔk. Kɔr bi man. Babiloŋ aanib aadoon fuu ni a. Baatafadaan aayoonn fuu ni a.”

Josua 10:19

Nimi nibaa taa li si nima man. Li beenin dii nimi aadim ngbaan man, ki taa cha bi koo baatim ponn ni man. Nidindaan Uwumbɔr le di bi tii nimi ke ni nyaŋ bi.”

Bibɔjirb 5:23

Uwumbɔr aatuun bui ke, “Puun lii Meros aatiŋ pu, mbamɔn, puun lii binib bi koo nima chee na pu; ba pu? baa dan nan ter Uwumbɔr, baa dan ke butɔb aajab na ki nan ter u.”

1 Samuel 15:3

Buen ti tak Amalek yaab ki doo baah kpa tiwan ni mɔmɔk na. Taa di cha nibaa; ku baajab mɔmɔk, ni bipiib, ni bibilb, ni mbipɔm, ni inaa, ni ipiih, ni laakumii tiib, ni ibon.”

1 Samuel 15:9

Tɔ, Sɔɔl ni waajab aa nan ku ubɔr Agag, kaa ku ipiih ni inaa i ŋan na, ni inaabi, ni ipihbi, bee tiwan nimɔk ŋan na. Bi nan bii tiwan ni kaa ŋan kaa bi tibaa ni na baanja la.