Jeremia 48:1 - Uwumbɔr aagbaŋ

¹ Uwumbɔr Mpɔɔnsakpiindaan aah nan len Moab yaab aabɔr ti na sɔ: “Nebo aanib aatiŋ kuln a, san bi kinimbaak man. Bi nyaŋ Kiriataim aatiŋ a, bi wii kaadir ti pɔɔ ki fɔk na, le kaanib jin inimɔɔn.

Jeremia 48:1 ပူးပေါင်းရင်းမြစ်များ

Mpiin 14:5

Ŋibin kipiik ni ŋinaa ni, le ubɔr Kedolaomer, ni bibɔrb biken nan di baajab ti to ki nyaŋ Refa aanib bi nan bi Asterof Kanayim aatiŋ ni na, ni Sus aanib bi nan bi Ham aatiŋ ni na, ni Em aanib bi nan bi Kiriataim aafataŋ ni na,

Mpiin 19:37

Upol nan ma ubijabo, le ki yin u ke Moab. Uma le ye Moab yaab aayaaja.

2 Bibɔrb Aabɔr 20:10

“Tɔ, Amonn, ni Moab, ni Edom yaab nan tak timi a. Tiyaajatiib aah nan nyan ni Ijipt aatiŋ ni na, saa nan cha bi koo ntim ngbaan ni, kina pu na, tiyaajatiib nan gɔnn bi, le kaa kuln bi.

Aisaya 25:10

Uwumbɔr ga kiir Sionn paab aanib; Moab yaab ma kan, u ga taa diin bi pu, ke inaa aah taa diini likakl tinaanyar ponn ni pu na la.

Aisaya 25:12

U ga wii Moab yaab aah maa ŋigofɔfɔŋ ŋi kiir baatiŋ na mɔmɔk, ki taa taa ŋi ŋmal titan ni.

Aisaya 27:3

“M lik ki, ki ŋani ki nnyun n‑yoonn mɔmɔk. M kii ki nwiin pu ni kinyeek ke ubaa taa bii ki.

Jeremia 27:3

Uwumbɔr nan ki bui mi ke m di inaŋ tii Edom, ni Moab, ni Amonn, ni Taya, ni Saidonn aaninkpiib bi dan Jerusalem ni ke bi nan kan Ubɔr Sedekia na, aan bi ti di i tii baabɔrb.

Nkahm 24:17

M nan lik kan n‑yoonn mu choo na aabɔr, le ki kan Israel yaab aatimbol. Ubɔr u bi ke liŋmabil li wiin chain na ga nan nyan ni litimbol ngbaan ni. Libɔrdabil ga nan nyan ni Israel aatimbol ponn ni, ki ga bii Moab yaab aayidam, le ki gbaa yaa mbiindam mɔmɔk.

Nkahm 32:3

“Uwumbɔr aah ter timi Israel yaab aan ti gaa lipepel limina, Atarof, ni Dibonn, ni Jaser, ni Nimra, ni Hesbonn, ni Eleale, ni Sibma, ni Nebo, ni Beonn aatim mu na ŋan tiwakor pam, le ti mu kpa tiwakor ti wiir sakpen na.

Josua 13:19

ni Kiriataim, ni Sibma, ni Seref Sahar aatiŋ ki bi ligongoln li bi kifataŋ ni na,