Jeremia 47:3 - Uwumbɔr aagbaŋ

³ Bi ga ŋun itaan aataagbendun pu, ki ŋun itaan aatɔroku aawiil pu, ki ŋun baafambann aah weeni pu na. Tetiib aan fenn ban baabim; biwon ga yɔl, le biŋaal gur jɔn kaakaan.

Jeremia 47:3 ပူးပေါင်းရင်းမြစ်များ

Aisaya 5:28

Baapiin ka, le bi gor baatɔi ke bi too. Baataan aataabuseen pɔɔ ke lichachatakpal na, le baataan aatɔroku tiib aataa manni mala mala ke kinaakpaajabuŋ na.

Jeremia 46:9

Cha itaan ngbaan siir man ki cha itaan aatɔroku mam li san mala mala. Cha bijab ngbaan li cha man. Cha bijab bi joo kijaak aapeln ki nyan ni Kus ni Libia na, ni Lidia aajab bi ŋmaa too sakpen na li cha.’”

Jeremia 50:42

Bi yoor baatɔi ni baajaak aajum; bi kpa mbiin, kaa san kinimbaak. Bi yaa jak baataan kan, yaafuuk naahn nnyusakpem aafuuk la. Bi gor ki ban bi to Babiloŋ butɔb la.

Jeremia 8:16

Timi aadim kpaan fuu ni Dann aatiŋ ni; ti ŋun baataan aah fɔi pu na. Baataan yaa wii kan, kitiŋ mɔmɔk deŋni la. Timi aadim dan ke bi nan bii timi aatiŋ, ni tiwan ni mɔmɔk bi ki pu na la, ni timi aatiŋ, ni kaanib.”

Esekiel 23:24

Bi ga nya ni ŋŋangan wɔb ki joo ni butɔb aajab bi wiir ki joo itaan aatɔroku tiib, ni tijikaar aatɔroku tiib na ki nan tak si. Bi ga li joo kijaak aapen ni tiyikpupur le kii bibaa, ki nan gob si. M ga nyan si tii bi, le bi ga di bibaa aakaal ji si tibɔr.

Nahum 2:4

Itaan aatɔroku tiib san kitiŋ ponn ni ke baah waar le na, ki san ti nya do ki di nan nya do kitiŋ ngbaan aapaan ni. Bi moor ke limotaafil aamii na la, ki moor ni mɔmɔk ke utaal na.

Nahum 2:8

Binib san nyan Ninefa aatiŋ ni ke limɔɔl aah kar kan, laanyun puu nya pu na la. Iwiil nya ni ke, “Sil man. Sil man.” Le ubaa aa fenni upuwɔb ke u lik.

Tibɔkpiirkaan 9:9

Tiwan nibaa bii ibiŋ pu ki naahn tikur la. Yaafeen kpa kifuuk ke itaan ni tɔroku i san cha i ti to butɔb na aah kpa kifuuk pu na.

Bibɔjirb 5:22

Le itaan di san fuu ni, ki joo itaabuseen tai kitiŋ.