Jeremia 47:1 - Uwumbɔr aagbaŋ

¹ Waahr aan Ijipt aabɔr nin tak Gasa aatiŋ na, Uwumbɔr nan len Filistia yaab aabɔr m chee.

Jeremia 47:1 ပူးပေါင်းရင်းမြစ်များ

Mpiin 10:19

ki ti ker Saidonn mɔk, ki yoor kina ti saa Gerar, Gasa chee, ki cha liwipuul, ki ti pii Sodom, ni Gomora, ni Adma, ni Seboyim ki bi gbɔk Lasa aatiŋ na.

1 Bibɔrb 4:24

Solomonn le nan joo kitiŋ ki bi Yufrates Aamɔɔl liwilir wɔb na, ki nyan Tifsa aatiŋ ki bi Yufrates aagbaan na, ki ti saa Gasa aatiŋ ki bi liwilir wɔb na. Bibɔrb bi mɔmɔk nan bi Yufrates aawilir wɔb na nan ye waatutum la, le u nan kpa nsuudoon ŋitimbol ŋi mann goln u na chee.

Aisaya 14:29

Filistia yaab, lidabil li bi di gbaa nimi na koo a, ni mu taa tee laa man. Uwaa ubaa yaa kpo kan, u bir jer uma ngbaan na ga dan nan gaa waabuul ni. Uwaa aajeln kaal kiwanbiik la.

Esekiel 25:15

Tidindaan Uwumbɔr ki bui ke, “Filistia yaab di mbiin le teen baayaajayoonn na aadim lipɔln, ki di kinanaŋ kuln bi.

Esekiel 25:16

Kina pu na, m bi len ke m ga tak Filistia yaab ki ŋar bi ŋŋaan. M ga kuln unii umɔk gur ki bi Filistia aatiŋ ki kaa kpa ŋigongon na pu.

Joel 3:4

“Taya, ni Saidonn, ni ntim mumɔk bi Filistia aatingbaan na, ba le ni ban ke ni ŋa mi? Ni pɔɔni nibaa ke ni pa mi lipɔln la aa? Kina le yaa ye nimi aalandak kan, m ga giin pa nimi mala.