Jeremia 46:7 - Uwumbɔr aagbaŋ

⁷ Ŋma ye ki fii paacham kina ke Nail aamɔɔl na, ki naahn ke limɔɔl le aah nyan nwam na.

Jeremia 46:7 ပူးပေါင်းရင်းမြစ်များ

Solomonn Aalahn 3:6

Ni ye ba ki nyan ni nteersakpiin wɔb ki naahn iŋmanyuu sakpiin, ki kpa tulalee ni mir aatulalee aabaan, ke tulalee u biwantiirb kooh u na?

Solomonn Aalahn 8:5

Ŋma ye aan u ni ubɔɔn lɔk tɔb kina, ki nyan ni nteersakpiin ni ki choo ngbaan? Nin chee bi nan ma si linyɔkl aasub taab na, le m nan finn si.

Aisaya 63:1

“Ŋma ye u nyan ni Bosra aatiŋ ki bi Edom ni na ki choo na? Ŋma ye u pee tiwanyaan ni man na, ki chuun ni mpɔɔn ŋmeen ki choo na?” Uwumbɔr u kpa mpɔɔn sakpen ki ga ŋmaa gaa unii lii na le choo ke u nan moon waanyaŋ.

Jeremia 47:2

U nan bui ke. “Lik man. Nnyun le fii ŋŋangan wɔb ki san ke limɔɔl le aa nyan nwam na. Mu ga biin kitiŋ ni tiwan ni mɔmɔk bi ki pu na, mu ga biin ntim ni binib bi koo mu ponn ni na pu. Binib ga wii ki ban nterm; kitiŋ kee pu aanii mɔmɔk ga wii pam.

Esekiel 32:2

ki bui ke, “Unibɔn, di nsakm kpaan tii Ijipt aabɔr. Di maanaŋ imina tii u: Aa ŋani ke saah ye uchinn na le ŋitimbol ŋiken chee, ki mu tee naahn unyiib u yuk lir limɔɔl ni na. Aa joo aataa gbir nnyun ki bii ŋimɔɔ aanyun.

Daniel 11:10

“Siria aabɔr aajapɔtiib ga ban bijab pam ki gor kiir butɔb. Bi ponn ni ubaa ga san mala ke nwam na ki ti tak bidim bibaa aatim mu kpa ŋigon ŋi fɔk ki pɔɔ na.

Daniel 11:22

U ga ku unii umɔk nyan sil u pu na, ki kpee Uwumbɔr Aatotoorninkpel mu.

Daniel 9:26

N‑yoonn ngbaan aah ga ti doo pu na, le bi ga ku Uwumbɔr aah lee usaloln u kaa tun taani ubaa na. Le ubɔr pɔɔl ubaa aajab ga nan ber kitiŋ ngbaan ni Uwumbɔr Aadichal na. Ndoon ngbaan ga nan fuu ni ke nwam na la. Mu ga li joo ni butɔb ni libiil li Uwumbɔr nan gor siin na la.

Amos 8:8

Kina pu na, kitiŋ ga deŋ, le unii umɔk bi kitiŋ kee pu na aasui ga bii. Kitiŋ mɔmɔk ga nyɔŋ, ki ga fii ki gir lir ke Nail Aamɔɔsakpeln na.

Tibɔkpiirkaan 12:15

Le kipeewanbiik ngbaan tii nnyun sakpem umɔb ni ke limɔɔl na ki lii, ke mu di upii ngbaan puu buen.