Jeremia 46:4 - Uwumbɔr aagbaŋ

⁴ Di itangar poo nimi aataan man ki diŋ i pu. Lul sil man, ki di nimi aajaak aayikpupur chiŋ. Luun nimi aakpaatunn man. Di nimi aajaak aabɔkul peen man.’”

Jeremia 46:4 ပူးပေါင်းရင်းမြစ်များ

2 Bibɔrb Aabɔr 26:14

Usia nan tii bijab ngbaan kijaak aapen, ni tikpaatunn, ni tikur aayikpupur, ni tikur aabɔkul, ni itɔi, ni ipiin, ni ŋifulaatan aatakpal.

Nehemia 4:16

Ki nyan n‑yoonn ngbaan ki joo cha m nan yakr maanib ngbaan nfum mulee pu la, bibaa bi tun, le bima na mu si kii, ki pee kijaak aabɔkul, ki joo tikpaatunn, ni kijaak aapen, ni itɔi. Le timi aayidam fii sil binib bi bi maa ligoln ngbaan na aachaŋ ni.

Aisaya 8:9

Nimi ŋitimbol mɔmɔk, kuun tɔb chee ijawaan pu man. Nimi bi bi dandar kitiŋ kee pu na, li pel man. Gor man nibaa ki kiir kijaak. Mbamɔn, gor man, ki tee li san ijawaan man.

Jeremia 46:14

“Moon Ijipt aatim ni, moon Migdol ni, ni Memfis ni, ni Tapanes ni ke, ‘Gor ki kiir nibaa man; naah kpa tiwan ni mɔmɔk na ga bii butɔb ni.

Jeremia 51:11

Uwumbɔr aah ban u kuln Babiloŋ aatiŋ na, le u ti saa Media aabɔrb. Waah ga leŋ lipɔln Waadichal pu pu na le na. Bijab bi bi tak ki na aayidam teen ke, “Luun nimi aapiin man. Gor nimi aajaak aapen man.

Jeremia 51:3

Taa tii baajab nsan bi too baapiin, ki taa tii bi nsan ke bi peen baajaak aabɔkul. Ku binachipɔm man. Kuln baajab mɔmɔk.

Esekiel 21:28

“Unibɔn, nabr maabɔr. Moon min Aadindaan Uwumbɔr aah bi tuk Amonn yaab bi bi seei Israel aatiŋ na. Bui bi ke: ‘Kijaak aajuk gor ke ki kuln nimi; Bi duun ki chain ke ki ku la, le ki moor lak lak.

Joel 3:9

Moon tibɔr tee ŋitimbol mɔmɔk ponn ni ke: ‘Gor ki kiir butɔb man; yin nimi aajab bi ga ja kijaak na man; kuun nimi aatɔb aajab mɔmɔk ki li chuun man.

1 Samuel 17:38

U nan di waajaak aawan tii David: u nan tii u waakur aabɔkul ke u di peen, le ki di waakur aayikpupuk ki di chiŋ uyil pu.

1 Samuel 17:5

ki pee tikumann aajaak aabɔkul li aanyunyuun ga pii ndibim bɔtɔ ubaa aah nyuun pu na, le ki chik tikumann aayikpupuk.