Jeremia 46:25 - Uwumbɔr aagbaŋ

²⁵ Uwumbɔr Mpɔɔnsakpiindaan, u ye Israel yaab Aawumbɔr na len ke, “M ga daa Tebes aawaal Amonn, ni Ijipt aatiŋ, ni kaawaa, ni kaabɔrb aatafal. M ga yoor Ijipt aabɔr ni binib bi mɔmɔk di naadii tii u na,

Jeremia 46:25 ပူးပေါင်းရင်းမြစ်များ

Nnyam 12:12

“Kinyeek ngbaan le m ga chuun Ijipt aatiŋ ni, ki ku njan aabijabim mɔmɔk, binib ni tiwakor mɔmɔk, ki daa Ijipt yaab aawaa aatafal. Min le ye Uwumbɔr.

Aisaya 19:1

Ijipt aatiŋ aabɔr sɔ. Uwumbɔr ka ntaalangbam pu ki choo Ijipt aatiŋ ni. Ijipt yaab aawaa aawon gbaa la. Ijipt aanib aataakpab yɔl a.

Jeremia 44:30

M ga di Ijipt Aabɔr Hofra tii waadim bi ban ke bi ku u na, ke maah di Juda Aabɔr Sedekia tii waadin Babiloŋ Aabɔr Nebukadnesar u nan ban ke u ku u pu na la.”

Jeremia 49:3

Hesbonn aanib, li wii man. Ai aatiŋ kuln a. Raba aapiib, li wii ikpowiil man. Di tiwanpeenkaan ni saak kuub na ki di peen ki li wii. Li san gonni man. Bi ga yoor nimi aawaal Milkom buen tinaagbiir ni, ki kpaan yoor laatotoorb ni laawaadabim mu.

Esekiel 30:22

Tɔ, min Dindaan Uwumbɔr aah len pu na sɔ: M ye Ijipt aabɔr aadin la. M ban m koo uŋaal ilee ngbaan mɔmɔk la, m ga koo mu pɔɔ na ni mu puun koo na, le kijaak aajuk nya uŋaal ni ki lir.

Sefania 2:11

Uwumbɔr ga cha ijawaan chuu bi. U ga cha kitiŋ kee pu aawaa taa ki li ye nibaa, le ŋitimbol mɔmɔk aanib li gur dooni u baatim ni.