Jeremia 46:22 - Uwumbɔr aagbaŋ

²² Ijipt aajab san, le baadim aajab aah choo na, bi fuuni ke iwaa na. Bi nan di nchɔkm le tak ki ke bijab aah bi gaar isui

Jeremia 46:22 ပူးပေါင်းရင်းမြစ်များ

Ilahn 74:5

Bi naahn bijab bi gaar isui na la li ki joo baachɔm gaar isui lir.

Aisaya 10:15

Le Uwumbɔr ma bui ke, “Kichɔk ga ŋmaa bui ke ki jer unii u joo ki na aa? Ukpikpiir aah joo kichɔk ki kpii tiwan na aan ŋmaa bui ke ki jer u. Lichakukul aan ŋmaa yoor unii paacham; unii le ga yoor lichakukul paacham.”

Aisaya 14:8

Santina aasui ni isui imɔk ŋan ki bi Lebanonn na kpa mpopiin ubɔrkpaan u lir na pu; ba pu? ubaa aa ki bi ki ga ki gaa i lii, waah kaa ki bi dandana pu pu na.

Aisaya 29:4

Jerusalem ga li naahn utekpiir aawiin mu bi kitiŋ taab, ki pɔɔni mubaa ke muneel nyan ni titan ni na la.

Aisaya 37:24

Aa tun ni saanaagbiib ke bi nan puk kipupuk m chee, ke aa di saataan aatɔroku tiib ki nyaŋ Lebanonn aajoo ŋi fɔk na aanib, le ki gaa santina aasui i fɔk na, ni isui i ŋan na mɔmɔk lii kitiŋ, ki koo tichoor ponn ni pam.

Jeremia 46:21

Hali kaah buen ti pan bijab bi pu ke bi nan jan tii ki na aa kpa mpɔɔn ke inaabi na la. Baa nan sil ke bi jan kijaak; bi mɔmɔk nan fenn le ki san. Baadoon aayoonn fuu ni a, baah ga kuln pu na aayoonn le na.

Jeremia 46:23

ki bii kichook ki kpa isui sakpen na. Saan ŋmaa kahn baajab; baajab wiir jer itoon.

Maika 1:8

Le Maika bui ke, “Nimina pu le m ga wii, ki gaa ikpolahn. M ga chuun ŋŋmeen kaan taŋ ŋinaatak, ki mɔk maapombiin aah bi pu na. M ga gbei ke ikakal na, ki wii ke taataa na.

Maika 7:16

Ŋitimbol ga kan nimina le bitaakpab yɔl, le baan ki li kpa mpɔɔn. Bitaakpab aah ga yɔl pu na, le bi ga muib bimɔi ki ŋeeb bitafal mu.

Sekaria 11:2

Santina tiib aah lir pu na, nimi ŋisalaasii, li wii ki kaani man; isui i kpa kinyaan na bii doo a. Isukpaan i bi Basann ni na, li wii ki kaani man, ba pu? kichook sakpeŋ na lir a.

Josua 9:21

Cha bi li bi man, bi mu ga li peei idɔ, le ki lu nnyun tii timi.” Kina le bininkpiib ngbaan nan len.