Jeremia 46:21 - Uwumbɔr aagbaŋ

²¹ Hali kaah buen ti pan bijab bi pu ke bi nan jan tii ki na aa kpa mpɔɔn ke inaabi na la. Baa nan sil ke bi jan kijaak; bi mɔmɔk nan fenn le ki san. Baadoon aayoonn fuu ni a, baah ga kuln pu na aayoonn le na.

Jeremia 46:21 ပူးပေါင်းရင်းမြစ်များ

Jeremia 46:5

Le Uwumbɔr baa ke, “Tɔ, ni ye ba m waa na? Ijawaan chuu bi le bi fenn bipuwɔb. Bidim nyaŋ baajab le bi fenn bipuwɔb ijawaan aah chuu bi sakpen pu na, le bi san mala mala kaa ki fenni lik bipuwɔb.

2 Bibɔrb 7:6

Uwumbɔr nan cha Siria yaab ngbaan ŋun kifuuk ki naahn butɔb aajapaak, ni itaan, ni yaatɔroku tiib na pu, le Siria yaab ngbaan nan dak ke Israel yaab ti pan Hef yaab aabɔr, ni Ijipt yaab aabɔr ni baajab ke bi nan tak bi la.

Maika 7:4

Hali binib bi ŋan ki bi chob na aa kpa tinyoor tibaa ke timoor aah bi pu na la. N‑yoonn mu Uwumbɔr ga di daa binib ngbaan aatafal, ke waah nan cha waabɔnabtiib sak bi pu na fuu ni a. Dandana wee, baalan ŋmal a.

Obadia 1:13

Naa ba ga nan koo maanib aatiŋ ni ki ti lik bi fam, ki su baawangol nwiin mundaal bi bi tibɔbir ni na.

Amos 6:4

Nimi bi dɔ nimi aawandookaan ni diin ki ŋan na pu, ki ji n‑yaan ni nkpan na, naa ga nan li ŋan tii nimi kpala.

Hosea 9:7

Ntafadaan aayoonn fuu a, n‑yoonn ngbaan binib ga kan ni ŋeer bi na. Kina yaa nan ŋa kan, Israel yaab ga bee ni. Ni bui ke, “Uwumbɔr aabɔnabr umina ye ujɔr la. Unii u Nfuur Nyaan fir u pu ngbaan na aa ki kpa nlan la.” Nimi aatunwanbir aah nyaŋ na le kinanaŋ gbiin nimi.

Jeremia 50:27

Ku baajab mɔmɔk. Kɔr bi man. Babiloŋ aanib aadoon fuu ni a. Baatafadaan aayoonn fuu ni a.”

Aisaya 34:7

Binib ngbaan ga lir ke ipɔɔnaa na, ni inaajabi na la, le kitiŋ po ga li ye nsin ni nkpan ŋmeen.

Ilahn 37:13

Le Uwumbɔr ma laa bibiindam, ba pu? u nyi ke naan yunn le bi kuln.

2 Samuel 10:6

Amonn yaab nan bee ke bi ŋa David baadin, le bi buen Siria ki ti ban bijab ŋichur moninko, Bef Rehob ni Soba aatim ni, ki ban ŋichur kipiik ni ŋilee Tob aatiŋ ni, le ki ban Maaka aabɔr ni waajab lichur, ke bi ti jan tii bi aan bi pa bi.

Esekiel 35:5

“Aa nan ye Israel aatiŋ aadin n‑yoonn mɔmɔk la, le ki cha binib ku kaanib kaabɔbir aayoonn mu nan ye kaatunwanbir aakookoo aatafadaan na.

Jeremia 50:11

Uwumbɔr len ke, “Babiloŋ aanib, ni nan gaa maatimbol aawangol butɔb ni. Ni kpa mpopiin le ki mɔɔni, le ki chuun ke unaa u bi taa gbaar ŋikalmaan, ni utaan u bi wii na,

Jeremia 46:9

Cha itaan ngbaan siir man ki cha itaan aatɔroku mam li san mala mala. Cha bijab ngbaan li cha man. Cha bijab bi joo kijaak aapeln ki nyan ni Kus ni Libia na, ni Lidia aajab bi ŋmaa too sakpen na li cha.’”

Jeremia 18:17

M ga cha maanib yaa baadim chee, ke liwipuul wɔb aabuln aah daar titan pu pu na. M ga fenn mpuwɔb tii bi; maan ter bi buyoonn bi bi tibɔbir ni na.”

Aisaya 10:3

Kina pu na, Uwumbɔr yaa daa nitafal kan, ni ga ŋa kinye? Uwumbɔr yaa cha tibɔbir nyan ni dandar ki nan lir ni pu kan, ni ga ŋa kinye? La chee aan ni ga san ti ban nterm? La chee aan ni ga ti di nimi aawangol di bɔr?

Ŋiyataŋak 15:17

Aa yaa ji tikpifar saah gee binib bi na chee kan, ni soor ni ke aa ŋmɔ unaamɔn nin chee kinanaŋ bi na.

Ikaal 32:15

Uwumbɔr aanib ngbaan nan kan liwangol, le ki tee kpa tafalaaŋun. Bi nan ji ti babr, le ki filk. Bi nan yii Uwumbɔr u naan bi, ki ye Mpɔɔnsakpiindaan u gaa bi lii na.

Matiu 22:4

Le u ki tun bitutum biken ke bi ti yin bi ki tuk bi, ‘Ubɔrkpaan len ke u gor tijikaar mɔmɔk doo a. U kɔr inaaja ni tiwakor ti filk na, ki gor tiwan mɔmɔk doo a,’ ke bi dan.

Jeremia 46:22

Ijipt aajab san, le baadim aajab aah choo na, bi fuuni ke iwaa na. Bi nan di nchɔkm le tak ki ke bijab aah bi gaar isui

Jeremia 48:44

Uwumbɔr aah siin n‑yoonn mu ke u kuln Moab na, unii umɔk pɔɔn ubaa ke u san ŋmar ijawaan chee na ga lir ŋibugen ni, le umɔk baar nyan ŋibugen ni na, gaawɔb mam le ga chuu u.

Jeremia 49:8

Dedann aanib, fenn ki li san man. Bɔr man. M ban m kuln Esɔ aayaabitiib la, ba pu? n‑yoonn le fuu ni ke m daa bitafal.

Esekiel 30:22

Tɔ, min Dindaan Uwumbɔr aah len pu na sɔ: M ye Ijipt aabɔr aadin la. M ban m koo uŋaal ilee ngbaan mɔmɔk la, m ga koo mu pɔɔ na ni mu puun koo na, le kijaak aajuk nya uŋaal ni ki lir.