Jeremia 46:2 - Uwumbɔr aagbaŋ

² U nan di Ijipt aatimbol aabɔr le loln nsan. U nan len Ijipt Aabɔr Neko aajab bi Babiloŋ Aabɔr Nebukadnesar nan nyaŋ bi Kakemis aatiŋ ki bi gbɔk Yufrates Aamɔɔl na aabɔr. Ni nan ye Juda aabɔr Jehoyakim aanaan aayoonn aabinanar ni la. U nan len ke,

Jeremia 46:2 ပူးပေါင်းရင်းမြစ်များ

2 Bibɔrb 18:21

Ni ka dak ke Ijipt yaab le ga ter nimi, tɔ, kina mu ga li naahn unii u di likal di ŋa waajaangbeek na la, li ga koo le ki saa uŋaal. Ijipt aatiŋ aabɔr bi kina le ki tii unii umɔk mak u pu na.”

2 Bibɔrb 23:29

N‑yoonn mu Josia nan ye ubɔr na, le Ijipt aatiŋ aabɔr Neko nan di waajab buen Yufrates Aamɔɔl chee ke u ti ter Asiria aatiŋ aabɔrkpaan. Ubɔr Josia nan pɔɔn ubaa ke u kiir Ijipt aajab ngbaan Megido aatiŋ ni, le bi ku u butɔb ni, nima chee.

2 Bibɔrb 23:33

Waanaan nan doo buyoonn Ijipt yaab aabɔr Neko nan chuu u tinaagbiir Ribla aatiŋ ki bi Hamaf aatiŋ pu na ni la. Ijipt yaab aabɔr ngbaan nan cha Juda aanib pan tikunabr aamombil ti aanyunyuun ga pii njikaabim kuruwaa ŋichur ŋitaa ni ikui inaa na, ni salmaa u mu aanyunyuun ga pii njikaabim kuruwaa piitaa ni binaa na, ke ni li ye lampoo aamombil.

2 Bibɔrb 24:7

Ijipt aatiŋ aabɔr ni waajab aa nan ki nyan Ijipt aatiŋ ni, ba pu? Babiloŋ aatiŋ aabɔr le nan gur joo lipepel li nan ye Ijipt aapepel na, ki nyan Yufrates Aamɔɔl mɔk ki ti saa Ijipt aaŋangan wɔb aatinaanmɔk.

Aisaya 10:9

M nyaŋ Kalno ni Kakemis aatim mɔmɔk, ki nyaŋ Hamaf ni Apad aatim mɔmɔk. M nyaŋ Samaria ni Damaskus aatim.

Aisaya 19:1

Ijipt aatiŋ aabɔr sɔ. Uwumbɔr ka ntaalangbam pu ki choo Ijipt aatiŋ ni. Ijipt yaab aawaa aawon gbaa la. Ijipt aanib aataakpab yɔl a.

Aisaya 19:19

N‑yoonn ngbaan yaa nan fuu ni kan, Uwumbɔr Mpɔɔnsakpiindaan aatork aabimbiln ga li bi Ijipt aatiŋ pu, le bi ga maa ligoln waayimbil pu Ijipt aatiŋ aanaanmɔk.

Jeremia 25:1

Juda aabɔr Jehoyakim, u aate nan ye Josia na, aanaan aabinanar ni, le Uwumbɔr nan di Juda aanib mɔmɔk aabɔr tee tuk mi. Babiloŋ aabɔr Nebukadnesar aanaan ni aajan aabiln ni le na.

Jeremia 25:19

Binib bi mu nan ki nyun ki ponn ni na sɔ: Ijipt aabɔr, ni waaninkpiib, ni biyidam, Ijipt aanib mɔmɔk, ni biwɔwɔm bi mɔmɔk bi Ijipt aatiŋ ni na, Us aatiŋ aabɔrb mɔmɔk, ni Filistia aatim mumina: Askelonn, ni Gasa, ni Ekronn, ni Asdod aatiŋ ki gur siib na aabɔrb mɔmɔk; ni Edom, ni Moab, ni Amonn aatim aanib mɔmɔk; ni Taya ni Saidonn aatim aabɔrb mɔmɔk; ni Kaasisik ni Aanyusakpem aatim aabɔrb mɔmɔk; ni Dedann, ni Tema, ni Bus aatim mɔmɔk; ni binib bi mɔmɔk chee biyigbeer pu aayikpir na, ni Arabia aabɔrb mɔmɔk; ni nteersakpiin ni aanibol aabɔrb mɔmɔk; ni Simri, ni Elam, ni Media aatim aabɔrb mɔmɔk; ni ŋŋangan wɔb, ni duun na, ni ni daa na, aabɔrb mɔmɔk ubaabaa. Kitiŋ kee pu aatimbol mɔmɔk ga nyu ki ponn ni. Gbelngbeln yoo le nan ye Babiloŋ aabɔr u ga nyu ki ponn ni na.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 36:1

Josia aajapɔɔn Jehoyakim aah nan ye Juda aabɔr pu na aabinanar ponn ni, le Uwumbɔr nan bui mi ke,

Jeremia 43:11

Nebukadnesar ga dan ki nan nyaŋ Ijipt aatiŋ. Maah siin ke iween ku binib bi na ga kpo iween aakun; maah siin ke bi ga di bi buen tinaagbiir ni na mu ga buen, le maah siin ke bi ga kpo butɔb ni na, ga kpo butɔb ni.

Jeremia 45:1

Josia aajapɔɔn Jehoyakim aah nan ye Juda aabɔr pu na aabinanar ponn ni, le Baruk nan ŋmee maah nan ŋeer tibɔr ti tuk u na bil.

Jeremia 46:14

“Moon Ijipt aatim ni, moon Migdol ni, ni Memfis ni, ni Tapanes ni ke, ‘Gor ki kiir nibaa man; naah kpa tiwan ni mɔmɔk na ga bii butɔb ni.