Jeremia 46:19 - Uwumbɔr aagbaŋ

¹⁹ Nimi Ijipt yaab gor nibaa pu aan bi di nimi buen tinaagbiir ni. Memfis aatiŋ ga kpaln nteersakpiin, mu ga li ye nkuun aan ubaa aa koo nima na la.

Jeremia 46:19 ပူးပေါင်းရင်းမြစ်များ

Aisaya 19:13

Soann ni Memfis aatim aaninkpiib ye bijɔrb la. Baatuln le nan ye ke bi joo litimbol, le bi tee di bi yenn.

Aisaya 20:4

Asiria aabɔrkpaan ga di biyom bi u chuu ŋitingbaln ŋilee ngbaan ni na di buen biŋmeen, kaa tak ŋinaatak mu. Mbim ni bininkpiib mɔmɔk ga chuun biŋmeen, kaan li tak ŋinaatak mu, le bimunjal dɔ; nimina le ga joo ni inimɔɔn nan tii Ijipt aatiŋ.

Jeremia 26:9

Ba ŋa aa di Uwumbɔr aayimbil len ke Waadichal lee ga bii ke Silo na, aan kitiŋ kimina mu ga kuln, ubaa taa ki li koo nima?” Binib ngbaan nan mann goln mi.

Jeremia 34:22

M ga lii bi bumɔb le bi ki gir ni kitiŋ kee pu. Bi ga tak ki, ki nyaŋ ki, le ki see ki mmii. M ga ŋa Juda aatim ke nteersakpiin mu pu ubaa aa koo na la. Min Uwumbɔr le len kina.”

Jeremia 44:1

Uwumbɔr nan len Israel yaab bi nan bi Ijipt aatiŋ pu ki koo Migdol, ni Tapanes, ni Memfis aatim ni, ni Ijipt aaŋangii wɔb aapepel ni na aabɔr.

Jeremia 46:14

“Moon Ijipt aatim ni, moon Migdol ni, ni Memfis ni, ni Tapanes ni ke, ‘Gor ki kiir nibaa man; naah kpa tiwan ni mɔmɔk na ga bii butɔb ni.

Jeremia 48:18

Nimi bi koo Dibonn aatiŋ ni na, sunn ni kinyuŋ aakakaa chee ki nan kal kitiŋ, titan ni man; unii u ban u bii Moab na fuu ni a, le ki ber kaadir ti fɔk ki pɔɔ ki kpa tijawan na lii.

Esekiel 29:11

Unibɔn, bee kiwakork aan ki chuun nima. Nibaa aan li bi ki pu ki ti saa ŋibin imonko ilee.

Esekiel 29:12

M ga cha Ijipt aatiŋ li ye kitikuun ki jer dulnyaa wee ni aatim mɔmɔk. Ijipt aatim ga doon nkuun ki ti saa ŋibin imonko ilee, ni ga li ye tilangbenkuun ki jer kitiŋ mɔmɔk. M ga ŋa Ijipt yaab bikusam. Bi ga yaa buen litingbaln mɔmɔk ni ki ti li koo nima chee aanib chee.”

Esekiel 30:13

Tidindaan Uwumbɔr ki len ke, “M ga kuln ŋiwaa ni inyɔk Memfis aatiŋ ni. Ubaa aan ki li bi ki ye Ijipt aatiŋ aajojoor, le m ga cha ijawaan sakpiin chuu kaanib mɔmɔk.

Hosea 9:6

Libiil yaa nan fuu ni ki yaa binib ngbaan kan, le Ijipt yaab ga kuun bi. Bi ga kuun bi ti sub Memfis aatiŋ ni la. Le timoor ni ikokon ga gaa baadichal ni baawangol aah nan si nin chee n‑yoonn mubaa na.

Sefania 2:5

Nimi Filistia yaab bi bi nnyusakpem aagbaan na, ni kuln a. Uwumbɔr jin nimi tibɔr ki siin waah ga ŋa nimi pu na a. U ga kuln nimi, le ni ponn ni ubaa aan ŋmar.