Jeremia 46:14 - Uwumbɔr aagbaŋ

¹⁴ “Moon Ijipt aatim ni, moon Migdol ni, ni Memfis ni, ni Tapanes ni ke, ‘Gor ki kiir nibaa man; naah kpa tiwan ni mɔmɔk na ga bii butɔb ni.

Jeremia 46:14 ပူးပေါင်းရင်းမြစ်များ

2 Samuel 2:26

Le Abner teen bui Joab ke, “Ba ŋa ti jaa aan kijaak ngbaan aa kpa ki doo? Saa nyi ke kijaak ngbaan aadoon ga nan li ye mpombiin ŋmeen la aa? Ti ye saatiŋ aanib la. Bayoonn aan aa ga bui saajab ke bi taa ki san dii timi?”

Nnyam 14:2

“Tuk Israel yaab ke bi fenn ki ti kal Pi Hahirof, ni bi Migdol ni Nnyusakpem Mamam aakaasisik ni na, ki gbɔk Baal Sefonn chee na.

Aisaya 1:20

Le ni yaa yii maamɔb kan, ni ga sil kan nkun. Min Uwumbɔr le len kina.”

Aisaya 19:13

Soann ni Memfis aatim aaninkpiib ye bijɔrb la. Baatuln le nan ye ke bi joo litimbol, le bi tee di bi yenn.

Aisaya 31:8

Butɔb ga bii Asiria aatiŋ, ni mu aan li ye binibɔm aapɔɔn pu. Asiria yaab ngbaan ga san butɔb ngbaan ni, le binachipɔm ga kpaln binaagbiib;

Aisaya 34:6

Waajaak aajuk po ga li ye nsin ni nkpan ŋmeen la, ki ga li naahn ipiih ni iŋoob i bi di toor kitork na aasin ni nkpan la. Uwumbɔr ga toor kitork kimina Bosra aatisakpeŋ ni la; u ga ŋa linikul sakpeln limina Edom aatiŋ ni la.

Jeremia 12:12

Bijab nyan ni nteersakpiin aatim ni le ki nan jenn gaa maanib aawan. M tun ni butɔb le ke bu nan bii doo kitiŋ ngbaan mɔmɔk; ubaa aan kan lifuur nima.

Jeremia 2:16

Mbamɔn, bijab bi nyan ni Ijipt aatim Memfis ni Tapanes na gbaa wiil biyil a.

Jeremia 2:30

M daa nitafal, le naa ŋa nimi nibaa; naan kii ke m sur nimi. Ni ku maabɔnabtiib ke uchinn u aaŋuul fii na la.

Jeremia 44:1

Uwumbɔr nan len Israel yaab bi nan bi Ijipt aatiŋ pu ki koo Migdol, ni Tapanes, ni Memfis aatim ni, ni Ijipt aaŋangii wɔb aapepel ni na aabɔr.

Jeremia 46:10

Din wee le ye Tidindaan Uwumbɔr Mpɔɔnsakpiindaan aawiin, din le u ga teen waadim; din le u ga daa waadim aatafal. Waajaak aajuk ga geei bi ki ti bab, le ki nyu baasin ki ti gbii. Din wee le Uwumbɔr Mpɔɔnsakpiindaan ga di waadim toor kitork ŋŋangan wɔb, Yufrates aamɔɔl chee.

Jeremia 46:19

Nimi Ijipt yaab gor nibaa pu aan bi di nimi buen tinaagbiir ni. Memfis aatiŋ ga kpaln nteersakpiin, mu ga li ye nkuun aan ubaa aa koo nima na la.

Jeremia 46:2

U nan di Ijipt aatimbol aabɔr le loln nsan. U nan len Ijipt Aabɔr Neko aajab bi Babiloŋ Aabɔr Nebukadnesar nan nyaŋ bi Kakemis aatiŋ ki bi gbɔk Yufrates Aamɔɔl na aabɔr. Ni nan ye Juda aabɔr Jehoyakim aanaan aayoonn aabinanar ni la. U nan len ke,

Esekiel 21:28

“Unibɔn, nabr maabɔr. Moon min Aadindaan Uwumbɔr aah bi tuk Amonn yaab bi bi seei Israel aatiŋ na. Bui bi ke: ‘Kijaak aajuk gor ke ki kuln nimi; Bi duun ki chain ke ki ku la, le ki moor lak lak.

Esekiel 30:13

Tidindaan Uwumbɔr ki len ke, “M ga kuln ŋiwaa ni inyɔk Memfis aatiŋ ni. Ubaa aan ki li bi ki ye Ijipt aatiŋ aajojoor, le m ga cha ijawaan sakpiin chuu kaanib mɔmɔk.

Hosea 9:6

Libiil yaa nan fuu ni ki yaa binib ngbaan kan, le Ijipt yaab ga kuun bi. Bi ga kuun bi ti sub Memfis aatiŋ ni la. Le timoor ni ikokon ga gaa baadichal ni baawangol aah nan si nin chee n‑yoonn mubaa na.

Nahum 2:13

Uwumbɔr Mpɔɔnsakpiindaan bui ke, “Saadin ye min la. M ga see saataan aatɔroku tiib mmii. Bi ga ku saajab butɔb ni la, le m ga yoor saah nan gaa tiwan ni biken chee na ki di buen. Ubaa aan ki ŋun saah nan kpa mpɔɔn mu dulnyaa wee ni na pu.”

Ikaal 32:42

Maapiin ga kpaln baasin ŋmeen la, le m di maajuk ku binib bimɔk kpak mi na. Maan di cha binib bimɔk tak mi na ubaa, hali binib bi kan titotonn na, ni binib bi bi chur bi na mɔmɔk ga kpoi.’