Jeremia 46:12 - Uwumbɔr aagbaŋ

¹² Ŋitimbol ŋun nimi aanimɔɔn ngbaan pu; unii mɔmɔk ŋun naah wii pu na. Uja ubaa gbeer uken, le bi mɔmɔk lir kitiŋ.

Jeremia 46:12 ပူးပေါင်းရင်းမြစ်များ

Aisaya 10:4

Bi ga ku nimi butɔb ponn ni la, bee bi chuu nimi ki dar buen ke binaagbiib na. Nimina mɔmɔk aapuwɔb na, Uwumbɔr aaŋuul aan sɔŋ; u ga li beenin ban ke u moo daa nitafal.

Aisaya 19:2

Uwumbɔr len ke, “M cha butɔb fii Ijipt aatiŋ ni, ki cha unii ni una aabo fenn lir tɔb pu, ki cha unii ni umaantɔ fenn lir tɔb pu. Ntim mu ye tɔb puchatiib na ga fenn lir tɔb pu, le bibɔrb mu li kpak tɔb ki ban mpɔɔn.

Aisaya 24:11

Ndaan aah kaa ki bi na, le binib tar kitiŋ ponn ni. Mpopiin doo kookoo a; mu doo kitiŋ kee pu a.

Jeremia 14:2

“Juda aatiŋ bi wii ikpowiil la; kaatim bi kpo la, kaanib dɔ kitiŋ mpombiin pu la, le Jerusalem wii ki ban nterm.

Jeremia 2:36

Ni di nibaa ŋa dafir aanib, naah chuun dii ŋitimbol ŋiken aawaa pu na pu. Ijipt yaab ga jinn nimi inimɔɔn ke Asiria yaab aah nan ŋa nimi pu na.

Jeremia 46:6

Bijab bi ŋmaa san mala na aan ŋmar; bijab ngbaan aan ŋmaa san ŋmar. Ŋŋangan wɔb, Yufrates Aamɔɔl chee, le bi gbeer ki lir.

Jeremia 47:2

U nan bui ke. “Lik man. Nnyun le fii ŋŋangan wɔb ki san ke limɔɔl le aa nyan nwam na. Mu ga biin kitiŋ ni tiwan ni mɔmɔk bi ki pu na, mu ga biin ntim ni binib bi koo mu ponn ni na pu. Binib ga wii ki ban nterm; kitiŋ kee pu aanii mɔmɔk ga wii pam.

Jeremia 48:34

“Hesbonn ni Eleale aanib wii la, le baawiil di ti fuu Jahas aatiŋ ni; Soar aanib ŋun i pu la; le Horonaim, ni Eglaf Selisiya aanib mu ti ŋun i pu. Hali Nimrim aabukpiik na aanyun foor a.

Jeremia 49:21

Edom yaa nan lir kan, kifuuk ki ga nya na ga cha kitiŋ dam, le kaalirm aawiil ga ti fuu Limɔɔkal Aanyusakpem chee.

Jeremia 50:46

Babiloŋ yaa nan lir kan, kifuuk ki ga nya na ga cha kitiŋ dam, le ŋitimbol ŋiken ga ŋun kaalirm aawiil.”

Jeremia 51:54

Uwumbɔr bui ke, “Li pel man iwiil aafuuk pu Babiloŋ ni, li pel man libiil aakpowiil pu kitiŋ ngbaan pu.

Nahum 2:5

Bi kuun bijab aayidam; le baah tur cha mɔb pu na, bi gbeer. Bidim chii ki buen kitiŋ ngbaan aagoln chee ki gor baajaak aapeln ke baah ga li joo yur tɔb le na.

Sefania 1:10

Uwumbɔr ki bui ke, “Liyaadaal ngbaan kan, ni ga ŋun iwiil pu Ujan Aabisamɔb chee, Jerusalem aatiŋ ni. Ni ga ŋun ikpowiil pu baah laa maa tidipɔnn kitiŋ ngbaan ponn ni nin chee na, ki ŋun ŋidichal aah lir pu na aafuuk ŋigongon paab.

1 Samuel 5:12

Binib bi kaa nan kpoi na, iween ngbaan nan duun duun bi, le binib ngbaan mee baawaa ke ŋi ter bi.