Jeremia 46:11 - Uwumbɔr aagbaŋ

¹¹ Ijipt aanib, li cha man Gilead aatiŋ ni ki ti ban inyɔk. Nimi aanyɔk mɔmɔk ye fam la; nibaa aan ŋmaa tii nimi laafee.

Jeremia 46:11 ပူးပေါင်းရင်းမြစ်များ

Mpiin 37:25

Nee aapuwɔb, le bi ka ji tijikaar, le ki kan Ismael yaab bibaa choo ki nyan ni Gilead, ki jer cha Ijipt aatiŋ ni. Bi nan joo laakumii tiib ki di tulalee aabɔŋ aabɔŋ, ni iween aanyɔk pam bi pu.

Mpiin 43:11

Le bite bui bi ke, “Ni yaa ye kina kan, li joo ipiin i nyan ni timi aatiŋ kee ponn ni ki ŋan sakpen na, ki ti tii uninkpel ngbaan: ni ban tulalee u nu mɔ na, ni tisiir, ni tikpin, ni ŋisubil ŋi mɔ na.

Aisaya 47:1

Uwumbɔr bui ke, “Babiloŋ aatiŋ, sunn ni saabɔrjal pu, ki nan kal kitiŋ, titan ni. N‑yoonn mubaa aa nan naahn upii u kaa nyi uja na la, kitiŋ ki ubaa aa kee nyaŋ ki na, le dandana ma, saa ki pɔɔn, kaa ki ŋan mu. Aa gur ye unaagbiipii la.

Jeremia 14:17

Uwumbɔr nan bui mi ke m tuk binib ngbaan maapombiin aah bi pu na ki bui bi ke, “M wii nwiin pu ni kinyeek la, taa cha m di cha iwiil, maanib aah kan titotonn sakpen, ni iween i na pu.

Jeremia 31:21

Ŋa tidaan ki daan nsan; ki gir ban saah nan dii nin chee buen na. Israel yaab, gir ni man, gir ni ntim mu ni nan nyan mu ponn ni na.

Jeremia 31:4

M ga ki gir maa nimi kaan. Ni ga ki gir yoor nimi aagangan ki waa mpopiin aawaal.

Jeremia 51:8

Babiloŋ kpaan lir libuul ngbaan ni le ki kuln. Wii kaakpuul man. Ban nnyɔk ki nan ŋa kaabuun ni, nibaakan, i ga yann.

Jeremia 8:22

Inyɔk aa bi Gilead aatiŋ ni ii? Bi teei binib na aa bi nima chee ee? Tɔ, ba ŋa ubaa aa ŋmaa tii maanib laafee?

Esekiel 27:17

Juda ni Israel yaab nan di njikaabim, ni tisiir, ni olif aakpan, ni tulalee tiib pan si saawankookaan pu.

Maika 1:9

Samaria yaab aabuun aan yann, le Juda yaab mu ga kan kina aaween dandana; libiil fuu ni Jerusalem aatiŋ ni nin chee maanib koo na aabisamɔi ibaa ni.”

Nahum 3:19

Nnyɔk aa bi ki ga sɔŋ saatotonn ti aa kan na, le saabuun ngbaan aan yann. Binib bi mɔmɔk ŋun saah bii doo pu na gbaa tinyɔpur mpopiin pu la. Unii ubaa nan ŋmaa ŋmar saabiin mu kaa nan kpa ndoon na ni ii?

Matiu 5:26

M tuk si mbamɔn la, saan nyan nima ki nan saa buyoonn aa ga pa kooti ni aamombil mɔmɔk doo na.”