Jeremia 45:5 - Uwumbɔr aagbaŋ

⁵ Aa bi ban ke m ŋa si tiwankpaan la aa? Taa ban kina. M ban m cha tibɔbir dan unibɔn mɔmɔk pu la, le aa ma ga ŋmar nin chee mɔk aa ga li bi na. Min Uwumbɔr le len kina.”

Jeremia 45:5 ပူးပေါင်းရင်းမြစ်များ

Mpiin 6:12

Uwumbɔr nan lik dulnyaa, ki kan ke unibɔn aatunwanbir wiir ti nyaŋ.

1 Bibɔrb 3:11

kina pu le u bui u ke, “Saah mee ban nlan ke aa di joo kitiŋ ibamɔn ni, kaa mee ban limɔfafɔfɔŋ, ni liwangol, bee m ku saadim na,

1 Bibɔrb 3:9

Kina pu na, tii mi nlan mu m ga ŋmaa di joo saanib ibamɔn ni, ki li nyi ni ŋan na, ni ni kaa ŋan na. Naa ye kina kan, m ga ŋa kinye aan ki joo saanisakpem bimina?”

2 Bibɔrb 5:26

Le Elaisa bui u ke, “Uja ngbaan aa ba nyan waatɔroku ni ki tooh ni si nsan pu na, maawiin aa ba bi nima chee ee? N‑yoonn mue aa ye n‑yoonn mu unii ga gaa ilik, ni tiwanpeenkaan, ni olif aasui aasar, ni ŋisubil aasui aasar, ni ipiih, ni inaa, bee binaagbiib na.

Ilahn 131:1

Uwumbɔr, m di cha kigaak aatuln kaa ki kpa kalimbaani. Ntafal aa bi tibɔr ti jer mi na ni, kaa bi tiwan ni pɔɔ jer maalan na ni.

Aisaya 66:16

U ga di mmii ni kijaak aajuk le di daa dulnyaa aanib bi aabɔr bii u chee na aatafal, le pam ga kpo.

Jeremia 21:9

Unii umɔk gaar kitiŋ ngbaan ni na ga kpo butɔb, ni nkon, ni iween ni. Le uma nyan ki ti di ubaa tii Babiloŋ aanib bi bi tak kitiŋ ngbaan na kan, waan kpo, u ga ŋmar.

Jeremia 25:15

Uwumbɔr, u ye Israel yaab Aawumbɔr na nan bui mi ke, “Ndaan aayikuuk ki gbii maaŋuul na sɔ. Di ki buen ŋitimbol ŋimɔk m tun si ŋi chee na, ki cha bi nyu ki ponn ni.

Jeremia 25:16

Bi yaa nyun ki ponn ni kan, bi ga li chuun gbeer, kaan ki li kpa nlan, butɔb bu m ban m cha bu dan bi pu na pu.”

Jeremia 25:31

le kitiŋ aanaanmɔk mu ga ŋun. Uwumbɔr kpa ŋitimbol ngbaan pu tibɔr. U ga ji unii mɔmɔk tibɔr le ki ku bibiindam na. Uwumbɔr le len kina.’”

Jeremia 38:2

ke Uwumbɔr bui ke, “Unii umɔk beenin koo kitiŋ ngbaan ni na, ga kpo butɔb, ni nkon, ni iween aakun la. Le uma di ubaa ti tii Babiloŋ aajab na aan kpo; u ga minn nkun.”

Jeremia 39:18

M ga li kii si, le baan ku si. Saah kii tii mi pu na le ga cha aa ŋmar. Min Uwumbɔr le len kina.”

Sefania 3:8

Uwumbɔr nan ki bui ke, “Ni li kii man. Li ŋmin man ki li kii bundaal aan m ga fii sil ki galn ŋitimbol na. M ŋa nlandak ke m kuun ŋitimbol ni nnaan, ki cha ŋi bee maaŋuul aah pɔɔ pu na. M ga di maaŋuusakpeln li wu ke mmii na le di kuln kitiŋ kee mɔmɔk.

Rom Yaab 12:16

Ni li kpaa kimɔbaan man. Ni li jɔnni bigiim man, ki taa li kpa kalmbaani. Ni taa li dak ke ni kpa nlan sakpen.

Hiibru Yaab 13:5

Ni taa cha ninimbil li man ŋimombil pu. Cha ninimbil gbiin naah kpa ni na pu. Ba pu? Uwumbɔr ubaa le bui ke waan di cha si. Waan di si lii.