Jeremia 44:6 - Uwumbɔr aagbaŋ

⁶ Le m di maaŋuusakpeln lii ni Juda aatim pu, ni Jerusalem ponn ni, le mu wun mmii. Mu nan kpaln tilangbenn, le ki kpa unii ijawaan, ke mu aah beenin bi pu din wee na.

Jeremia 44:6 ပူးပေါင်းရင်းမြစ်များ

Aisaya 1:7

Nimi aatiŋ kuln a, le mmii wun nimi aatim mɔmɔk. Le ni si lik le biwɔwɔm gaa nimi aakpaakon mɔmɔk, ki gaa nimi aajikaar.

Aisaya 51:17

Fii sil, Jerusalem yaab, fii sil man. Nyal ki fii sil man paacham. Ni jin ntafadaan aafalaa u Uwumbɔr gee liŋuul ki tii nimi ke ni ji na; ni jin falaa ngbaan, le u cha ni chuun gbeer.

Aisaya 51:20

Nimi aanib aa ki kpa mpɔɔn, le ki lir kitiŋ ponn ni, ŋilɔlɔk mɔmɔk ni; bi naahn ukpan aataŋ aah chuu ikulun i na la. Bi kan Uwumbɔr aaŋuul aah pɔɔ pu na.

Aisaya 6:11

Le m baa ke, “Ndindaan, nimina ga yunn kinye?” Le u gar mi ke, “Ki ti saa n‑yoonn mu ntim ngbaan ti kuln, nibaa aa ki bi mu ni na; buyoonn unii aa ti ki bi ŋidichal ni na; buyoonn kitiŋ kee kibaa aa ti ki kpa tinyoor tibaa na.

Jeremia 21:5

M ga di maapɔɔn mɔmɔk, ni maaŋuusakpeln na mɔmɔk jan si kijaak.

Jeremia 34:22

M ga lii bi bumɔb le bi ki gir ni kitiŋ kee pu. Bi ga tak ki, ki nyaŋ ki, le ki see ki mmii. M ga ŋa Juda aatim ke nteersakpiin mu pu ubaa aa koo na la. Min Uwumbɔr le len kina.”

Jeremia 36:7

Nibaakan bi ga mee Uwumbɔr ki fenn bipuwɔb tii baatunwanbir, ba pu? Uwumbɔr aaŋuusakpeln ni, le u puu ke u ga daa bitafal pam.”

Jeremia 4:27

Tɔ, Uwumbɔr nan bui ke kitiŋ kee mɔmɔk ga kpaln nteersakpiin la, u mu aan tee bii ki doo.

Jeremia 4:4

Li joo man tipuur ti ni nan puu tii mi Uwumbɔr na. Nimi Juda ni Jerusalem aanib, di nibaa tii mi man. Ni yaa kaa ye kina kan, maaŋuul ga fii ke mmii na, titunwanbir ti ni tun na pu. Li ga fii, le ubaa aan li bi ki sɔŋ li.”

Jeremia 42:18

Uwumbɔr u ye Israel yaab Aawumbɔr na ki bui ke, “Maah nan cha maaŋuusakpeln dan Jerusalem pu pu na, kina le ni yaa buen Ijipt ni kan, maaŋuul ga dan ni pu. Binib yaa kan nimi kan, ni ga li kpa ijawaan; binib ga lik nimi fam le ki li joo nimi aayimbil puuni lir biken pu. Naan ki kan do kpala.”

Jeremia 44:22

Din wee na, nimi aatiŋ dɔ nkuun, le ubaa aa bi ki pu. Binib gur san ki ijawaan la, le Uwumbɔr aah kaa nan ki ŋmaa gaa nimi aabiin ni titunwanbir pu na, le binib gur joo kaayimbil puuni lir biken pu.

Jeremia 7:17

Saa waa baah tun pu Juda aatim ni, ni Jerusalem aatiŋ ponn ni pu na aa?

Jeremia 7:20

Le min, Bidindaan Uwumbɔr, ga cha maaŋuusakpeln pii ni Maadichal limina. Li ga pii binib ni tiwakor mu, hali isui ni tijikaar mɔmɔk ga kan li. Maaŋuul ga li bi ke mmii mu ubaa aan ŋmaa junn mu na la.

Jeremia 7:34

Kitiŋ ngbaan ga kpaln nteersakpiin la. Mpopiin, ni mmɔɔn aafuuk, ni tibɔndinn aajim aamɔɔn ga doo Juda aatim, ni Jerusalem ponn ni.

Jeremia 8:3

Le titunwanbir aatimbol limina aanib bi ŋmar, ki koo maah cha bi yaa ki bi nin chee na, ga li neen nkun ki jer ke bi li fu. Min Uwumbɔr le len kina.”

Inandalahn 1:1

Jerusalem, kitiŋ ki nan gbii binib na gur ŋmin chii la. Dulnyaa mɔmɔk aanib nan pak kima la, le ki gur naahn ukpopii; kitiŋ ki nan kpa liyimbikpaan na aanib kpaln binaagbiib.

Inandalahn 1:13

U cha mmii mu wu nwon ni na nyan ni paacham ki dan m pu. U pen mi gaawɔb ki cha m lir kitiŋ. Le u siir cha mi ki di iween ŋmeen tii mi.

Inandalahn 5:18

ba pu? Uwumbɔr Aadichal Aajool gur nkuun la, le ikakal san nuuni laalangbenn ni.

Esekiel 20:33

“Maah ye Nidindaan Uwumbɔr ki bi n‑yoonn mɔmɔk na, m sak nimi ke maaŋuul ponn ni, m ga di maapɔɔn joo nimi, aan ni li pɔɔ ni pu.

Esekiel 20:34

M yaa nan kuun nimi ki nyan ni naah yaa ki bi ntim mu mɔmɔk ponn ni na kan, m ga mɔk nimi maapɔɔn ni maaŋuul aah bi pu na.

Esekiel 24:13

Jerusalem, saaninsuŋ aatuln le bii si. M pɔɔn mbaa ke m ŋa si chain, le aa beenin kpa tijɔŋ. Saan ki li bi chain, see aa ti kan maaŋuul aah pɔɔ pu na.

Esekiel 24:8

M di cha nsin ngbaan nin chee mu aan ŋmaa bɔr na, nima chee le mu dɔ ki joo liŋuul ban mu teen lipɔln.”

Esekiel 5:13

“Nimi le ga gaa maaŋuusakpeln ki ti saa buyoonn m ga bab na. Nimina yaa nan ŋa kan, le ni ga bee ke min Uwumbɔr le di maaŋuusakpeln na len ni chee, naah yii maah mɔk nimi pu na pu.

Esekiel 6:12

Binib bi bi dandar na ga buŋ le ki kpo; le binib bi bi duun na ga kpo butɔb ni; le bi gur na ga kpo nkon pu. Bi ga kan maaŋuul aah pɔɔ pu na mɔmɔk.

Esekiel 8:18

Bi ga kan maaŋuul aah pɔɔ pu na mɔmɔk. Maan san bi kinimbaak, kaan di cha pinn bi mu. Bi ga li tar mpɔɔn pu sakpen ki mee mi limeel, le maan gar bi.”

Daniel 9:12

Aa nan ŋa saah nan bui ke aa ga ŋa timi, ni binib bi joo timi na mɔmɔk pu na. Kitiŋ kibaa aa ki bi taab do ki kan ntafadaan mu aa nan di tii Jerusalem na.

Liifai Yaab 26:28

min mbaa le ga lir ni pu, ki ki daa nitafal ki kpee nfum mulole pu mu ga li bir ki jer njan yaan na.

Liifai Yaab 26:31

M ga bii nimi aatim doo, ki bii nin chee ni dooni ŋiwaa na, kaan gaa nimi aatork.

Nahum 1:2

Tidindaan Uwumbɔr aa kii ke unii doon liwaal libaa; u dar binib bi kpak u na aatafal. Waaŋuul ponn ni le u teeni bi baah tun pu na.

Sekaria 1:2

Uwumbɔr Mpɔɔnsakpiindaan nan bui Sekaria ke u bui Israel yaab ke, “Min Uwumbɔr aaŋuul nan fii niyaajatiib pu sakpen,

Sekaria 1:6

M nan cha maatutum bi ye bibɔnabr na tii niyaajatiib ikaal ni nsurm, le bi yii i, le ki jin falaa i pu. Le bi bee ke bi tun taani, ki bee ke min, Uwumbɔr Mpɔɔnsakpiindaan le daa bitafal ke maah nan puu ke m ga ŋa pu na, ki ŋeer baah tun pu na.’”

Sekaria 7:14

M nan ŋar bi ŋŋaan ke kitaabuŋ na ke bi ti li koo ntiyayam ni. Kitinyaan kimina nan kpaln nkuun, le ubaa aa ki bi ki pu.”