Jeremia 44:4 - Uwumbɔr aagbaŋ

⁴ Le m joo maatutum bi ye bibɔnabr na tuni ni chee, le bi nan bui nimi ke ni taa ŋani tiwan ni sukr ponn ni na maah kaa gee ni na.

Jeremia 44:4 ပူးပေါင်းရင်းမြစ်များ

2 Bibɔrb Aabɔr 36:15

Uma Uwumbɔr u ye biyaajatiib Aadindaan Uwumbɔr na nan beenin tun waabɔnabr ke bi nan sak waanib. U nan ŋani kina ke u cha bi ni Waadichal ŋmar la.

Nehemia 9:30

Le ŋibin mɔmɔk aa ji suklaa bi pu ki sak bi, ki cha Saafuur Nyaan gbiini saabɔnabtiib ke bi sak bi, le bi yii ki kpaa bitafal, kina pu le aa cha baadim nyaŋ bi.

Nehemia 9:34

Tiyaajatiib, ni timi aabɔrb, ni timi aayidam, ni bitotoorb mɔmɔk yii saakaal. Bi yii kaa pel saah bui bi pu na, ni saah sak bi pu na.

Jeremia 16:18

M ga cha bi pa paan baatunwanbir ni baabiin pu nfum mulee, ba pu? bi di ŋiwaa ŋi kaa fu ke linikpol na bii maatiŋ, le ki di ŋiwaa ŋi ye tiwan ni maa gee ŋaabɔr na gbiin ki ponn ni.”

Jeremia 26:5

ki li ŋun ŋimɔbon ŋi maatutum, bi ye bibɔnabr aan m tuni bi ni chee n‑yoonn mɔmɔk na. Naa kee kii tii baah len pu na daalbaadaal.

Jeremia 29:19

Baah kaa kii tibɔr ti m nan joo tii ni maatutum, bi ye bibɔnabr na, le cha nimina ŋa. Tɔ, nimi bi bi tinaagbiir ni, Babiloŋ aatiŋ ni na mu aa nan ŋun.

Jeremia 32:33

Bi fenn bipuwɔb tii mi, le m ma beenin mɔk bi, le baa pel ki bae.

Jeremia 32:34

Bi nan kpaan di baawaabir ngbaan bil Maadichal li bi maa tii mi pu na, le ki bii lidichal ngbaan.

Jeremia 32:35

Bi maa liwaal Baal aatork aabimbin Hinom Aafataŋ ni, ke bi li joo bijapɔtiib ni bibisatiib toor kitork tii liwaal Molek. Maa nan bui bi ke bi ŋa kina; kina aalandak aa nan kpaan koo nsui ni ke bi ga ŋa kina aawan ki di Juda aanib koon titunwanbir ni.”

Jeremia 35:15

M beenin tun ni maatutum bi ye bibɔnabr na ni chee, le bi tuk nimi ke ni di cha nimi aabimbin mu kaa ŋan na, ki tun ni ŋan na. Bi sak nimi ke ni taa tun tii ŋiwaa, ki taa dooni ŋi, aan ki li beenin bi kitiŋ ki m nan di tii niyaajatiib na pu. Le naan ŋun tii mi, kaa pel m chee kpala.

Jeremia 35:17

Kina pu na, min Uwumbɔr Mpɔɔnsakpiindaan u ye Israel yaab Aawumbɔr na ga cha libiil li m puu ke li ga dan na, dan nimi Juda ni Jerusalem aanib pu. Maah len ni chee aan naa pel, ki yin nimi aan naa kii na, le ga cha m ŋa kina.”

Jeremia 7:13

Ni tun titunwanbir tee mɔmɔk, le m tuk nimi, ki ki gir bui nimi, le ni yii, kaan pel. Buyoonn m yin nimi na le ni yii, kaan kii.

Jeremia 7:17

Saa waa baah tun pu Juda aatim ni, ni Jerusalem aatiŋ ponn ni pu na aa?

Jeremia 7:18

Mbim le peei idɔ, le bijab tuur mmii, le bipiib buun n‑yon ki ŋa maab tii liwaapii li bi yin li ke Paacham Aapiibɔr na. Bi ki kpir ŋiwaa ŋiken mu pu ndaan, ke ni li wu mi.

Jeremia 7:25

Ki nya bundaal niyaajatiib nan nyan Ijipt aatiŋ ni ki nan saa din wee na, m tun ni maatutum bi ye maabɔnabr na, ni chee.

Esekiel 16:36

Aadindaan Uwumbɔr aah len pu na sɔ: “Aa chuu gbabr saakeken ke upiidagoor aah ŋani pu na, le ki di aabaa tii aabɔtiib ni saawaa ŋi sukr ponn ni na, le ki di saabim toor kitork tii ŋiwaa.

Esekiel 16:47

Aasui nan piin ke aa di aataa taŋ baataa ni, ki li tun ŋitun ŋi sukr ponn ni na aa? Aayii, naa nan yunn le aa nan tun kina aatun ki jer baah nan tun pu na, saatuln mɔmɔk ni.”

Esekiel 18:31

Di cha titunwanbir ti mɔmɔk ni tun na man, ki ban isuupɔɔn, ni ilandak pɔɔn tii nibaa. Ba ŋa nimi Israel yaab ban ke ni kpo?

Esekiel 8:10

M nan buen ki ti lik. Bi nan naan ikuub ni tiwakor ti kɔ na ŋmeen, ni Israel yaab aah dooni tiwan niken ni na ŋmeen le gbiin ŋigon ngbaan pu.

Daniel 9:6

Taa nan pel saatutum ni saabɔnabtiib bi nan di saayimbil tuk timi aabɔrb, ni binib bi joo ntim na, ni tiyaajatiib, ni litimbol mɔln na aah nan len pu na.

Sekaria 7:7

Buyoonn Jerusalem aatiŋ nan kpa liwangol ni binib na, kina le Uwumbɔr nan cha n‑yaayoonn na aabɔnabr nan len. N‑yoonn ngbaan, binib pam nan koo ntim mu mann goln Jerusalem na ni, ni ŋŋangii wɔb aapepel ni, ni liwilir wɔb aataataab aagongon na mu ni.

1 Piita 4:3

Ni nan tun titunwanbir n‑yoonn mu jer na; ni ŋeer kina. Ni nan ŋani ke binib bi kaa nyi Uwumbɔr na aah ŋani pu na, ki dii bipiib, ki dii tiwan ni kaa ŋan na aakpeek, ki nan kuuni tɔb ki nyun ndaan gbii, ki tun lituln li kaa ŋan na, ki dii ŋiwaa ŋi sukr ponn ni na.