Jeremia 44:30 - Uwumbɔr aagbaŋ

³⁰ M ga di Ijipt Aabɔr Hofra tii waadim bi ban ke bi ku u na, ke maah di Juda Aabɔr Sedekia tii waadin Babiloŋ Aabɔr Nebukadnesar u nan ban ke u ku u pu na la.”

Jeremia 44:30 ပူးပေါင်းရင်းမြစ်များ

Jeremia 27:7

Ŋitimbol mɔmɔk ga tun tii u, ki ga tun tii ujapɔɔn, ni uyaabil ki ti saa buyoonn waatimbol ga lir na. N‑yoonn ngbaan le waatimbol ga li tun tii ŋitimbol ni bibɔrkpaam bi kpa ipɔɔn na.

Jeremia 34:21

M ga ki di Juda Aabɔr Sedekia ni waaninkpiib tii binib bi ban ke bi ku bi na. M ga di bi tii Babiloŋ aajab bi di cha kaa ki bi tak nimi na.

Jeremia 44:29

Min Uwumbɔr ga tii nimi limɔkl ke m ga daa nitafal do, ki ki mɔk ke maah puu ke m ga cha tibɔbir ti dan ni pu na ga gbiin kina.

Esekiel 30:21

U nan bui ke, “Unibɔn, m koo Ijipt aabɔr aaŋaal a. Ubaa aa di litaln poo mu, kaa di tiwan chuu mu ki di leen usil ke mu sɔŋ ki ki pɔɔk aan u ki di mu chuu kijaak aajuk.

Esekiel 31:18

“Busub ngbaan le ye Ijipt aabɔr ni waanib mɔmɔk. Hali isui i nan bi Edenn aatiŋ ni na aa nan fɔk ki kpa kina aanyaan. Tɔ, n‑yoonn mue na, bu ga sunn kitekpiitiŋ ni ke Edenn aatiŋ aasui na, ki ti kpee binib bi kaa nyi Uwumbɔr na, ni baah ku binib bi butɔb ponn ni na pu. Dindaan Uwumbɔr le len kina.”