Jeremia 44:23 - Uwumbɔr aagbaŋ

²³ Naah kaa joo Uwumbɔr aakaal ki tun u titunwanbir, ki toor kitork tii ŋiwaa pu na le cha tibɔbir timina dan ni pu.”

Jeremia 44:23 ပူးပေါင်းရင်းမြစ်များ

1 Bibɔrb 9:9

Le binib ga gar ke, ‘Baah yii Bidindaan Uwumbɔr, u nan nyan ni biyaajatiib Ijipt aatiŋ ni na, le cha u ŋa kina. Bi di baapak tii ŋiwaa, le ki dooni ŋi. Nima pu le Uwumbɔr cha tibɔbir ngbaan dan bi pu.’”

2 Bibɔrb 17:15

Bi nan yii kaa kii waamɔkm, baa nan joo tipuur ti u nan puu tii biyaajatiib na, le kaa di waah nan sak bi pu na yin nibaa. Bi nan dooni waafam tiib, le ki mu ŋa fam bibaa, le ki nan dii ŋitimbol ŋi mann goln bi na aakaal ki yiil Uwumbɔr aah bui ke bi taa li ŋani ŋitimbol ngbaan aah ŋani pu na.

2 Bibɔrb Aabɔr 36:16

Tɔ, binib ngbaan nan ŋani Uwumbɔr aatuun ngbaan mbɔnyun, kaa gar waamɔboln, ki laa waabɔnabr ngbaan, ki ti saa n‑yoonn mu Uwumbɔr aaŋuul fii waanib pu ki ti nyaŋ, aan baa ki ŋmaa kan ŋŋmarm na.

Nehemia 13:18

Tiwanbaan nee pu le Uwumbɔr nan daa niyaajatiib aatafal ki bii kitiŋ kee. Naah bi koor Likpaakool daal aakoobil kina na, le ni beenin ban ke ni moo di Uwumbɔr aaŋuul lii ni Israel pu.”

Ilahn 119:136

Binib aah yii saakaal pu na cha m wii, le maanyunyunn ti puu ke limɔɔl na.

Ilahn 119:150

Binib bi kaa joo saakaal kpala na kpokl m pu, ki moo foor duuni mi la.

Ilahn 119:155

Bibiindam aah yii saakaal na, saan gaa bi lii.

Ilahn 78:10

Baa nan joo tipuur ti bi nan puu tii Uwumbɔr na; bi yii, kaa joo waakaal.

Ilahn 78:56

Le bi tee nyan Uwumbɔr u kaa kpa ŋeen aatɔ na aapuwɔb, ki tɔŋ u; baa nan joo waakaal;

Jeremia 26:4

Uwumbɔr nan ki bui mi ke m tuk binib ngbaan ke, “Min Uwumbɔr le len ke ni kii maamɔb ki li dii mmɔkm mu m di tii nimi na,

Jeremia 40:3

le ki sil ŋa waah nan len pu na. Saanib aah tun Uwumbɔr titunwanbir, kaa kii waamɔb pu na, le cha nimina mɔmɔk ŋa.

Jeremia 44:10

Le ki nan saa din, naa kee sunn nibaa taab. Naa nyuŋni mi, le kaa joo ikaal i mɔmɔk m di tii nimi ni niyaajatiib na.

Jeremia 44:18

Tɔ, n‑yoonn mu ti di cha kaa ki toor kitork tii Paacham Aapiibɔr kaa ki tii u ndaan aapiin na, taa ki kpa nibaa, le timi aanib kpoi butɔb ni nkon ni.”

Jeremia 44:2

Uwumbɔr Mpɔɔnsakpiindaan, u ye Israel yaab Aawumbɔr na bui ke, “Nimi nibaa nan kan tibɔbir ti m nan cha ti dan Jerusalem ni Juda aatim muken mɔmɔk pu pu na. Ki nan saa din wee, mu beenin ye tilangbenn, le unii ubaa aa bi mu ponn ni; ba pu?

Jeremia 44:21

“Ni dak ke nimi, ni niyaajatiib, ni nimi aabɔrb, ni nimi aasalolm, ni kitiŋ ngbaan pu aanib aah nan toor kitork ki tii ŋiwaa, Juda aatim ni, ni Jerusalem aatiŋ ponn ni na, Uwumbɔr aa nyi ti pu, bee u suln ti pu la aa?

Jeremia 44:3

mu aanib nan tun titunwanbir ki ŋa mi liŋuul. Bi nan toor kitork tii ŋiwaa, le ki dii ŋiwaa ŋi bima, ni nimi, ni niyaajatiib aa kee dii ŋi na.

Jeremia 44:8

Ba ŋa ni dii ŋiwaa ki toor kitork tii ŋiwaa Ijipt ni do, nin chee ni dan nan koo na, ki ŋani mi liŋuul? Ni ŋani kina ke ni kuln, aan binib li lik nimi fam ki joo nimi aayimbil puuni lir biken pu la aa?

Inandalahn 1:8

Kaanyuŋ doo a; ki gur nkuun la, le bi gur lik ki fam. Ki ker idun le ki bɔrni inimɔɔn pu. Jerusalem aatiŋ di titunwanbir le ŋa kibaa tijɔŋ.

Daniel 9:13

Aa nan tii timi ntafadaan mumɔk nan ŋmee dɔ Moses aakaal ponn ni na. Tidindaan Uwumbɔr, hali nima ngbaan aa cha ti mee si ki aa san timi kinimbaak, bee ti yii timi aatunwanbir ki fenn dii saasan mu ye ibamɔn na.

1 Korenti 10:20

Maah len pu na le ye ke binib bi kaa dii Uwumbɔr aasan na yaa toor kitork kan, bi toor ki tii tiwan ni kaa ye Uwumbɔr na la, kinimbɔŋ le bi toor tii. Maa ban ke ni ni kinimbɔŋ li kpaan.

2 Korenti 6:16

Uwumbɔr aadiik ni ŋiwaa kpaan aa? Naa kpaan. Timi le ye Uwumbɔr u ye limɔfadaan na aadiik. Uma ubaa le nan len ke, “M ga li bi maanib aasui ni, ki chuun bikaasisik ni. M ga li ye Baawumbɔr, bi mu ga li ye maanib.”