Jeremia 44:22 - Uwumbɔr aagbaŋ

²² Din wee na, nimi aatiŋ dɔ nkuun, le ubaa aa bi ki pu. Binib gur san ki ijawaan la, le Uwumbɔr aah kaa nan ki ŋmaa gaa nimi aabiin ni titunwanbir pu na, le binib gur joo kaayimbil puuni lir biken pu.

Jeremia 44:22 ပူးပေါင်းရင်းမြစ်များ

Mpiin 19:13

ba pu? ti ban ti bii kitiŋ kee din wee la. Uwumbɔr kan binib bee aatunwanbir aah wiir pu na, le u tun ni timi ke ti nan bii Sodom aatiŋ ngbaan.”

Mpiin 6:3

Le Uwumbɔr bui ke, “Binib aah tun titunwanbir pu na, maan ki cha bi li bi ki yunn sakpen. N‑yoonn mue ki joo cha, maan ki cha unibɔn yunn ki ti jer ŋibin nkub ni moninko.”

2 Bibɔrb 17:15

Bi nan yii kaa kii waamɔkm, baa nan joo tipuur ti u nan puu tii biyaajatiib na, le kaa di waah nan sak bi pu na yin nibaa. Bi nan dooni waafam tiib, le ki mu ŋa fam bibaa, le ki nan dii ŋitimbol ŋi mann goln bi na aakaal ki yiil Uwumbɔr aah bui ke bi taa li ŋani ŋitimbol ngbaan aah ŋani pu na.

Aisaya 1:24

Kina pu na, li pel man Uwumbɔr Mpɔɔnsakpiindaan, Israel yaab Aadindaan u kaa kpa ŋeen aatɔ na aah len pu na: “M ga teen nimi maadim, aan naan ki ŋa mi tibɔbir tibaa.

Aisaya 43:24

Naa nan daa tulalee aayon tii mi, kaa nan di nimi aawakor aakpan tii mi. Naah nan tee tii mi tiwan ni na le ye nimi aatunwanbir; ni nan cha nlaasaab ti nyan mbaa ni nimi aatunwanbir ti ni tun na pu.

Aisaya 7:13

Waah len kina na, le Aisaya giin bui u ke, “Ubɔrkpaan David aayaabitiib, li pel man, naa ŋan ke ni cha unibɔn aalaasaab nyan nimi ni, le ni ki ban ke Uwumbɔr mu aalaasaab nyan nimi ni ii?

Jeremia 15:6

Nimi le yii mi, ni fenn nipuwɔb tii mi. Kina pu le m taln ŋŋaal ki faa nimi, ba pu? maa nan ki ŋmaa chuu maaŋuul.

Jeremia 18:16

Bi cha kitiŋ kee kpaln ijawaan aawan la, le binib mɔmɔk ga li lik bi fam n‑yoonn mɔmɔk. Unii umɔk jer nima na aasui ga yuk, waah ga kan tiwan ni na pu; bi ga li gbakr biyil iwaan pu.

Jeremia 23:2

Uwumbɔr, u ye Israel yaab Aawumbɔr na aah len biyidam bi aatuln ba ye bi li joo waanib mbamɔm na aabɔr pu na sɔ: “Naa joo maanib; ni yaa bi, le ki jenn bi buen. Tɔ, m ga daa nitafal naah tun titunwanbir ti na pu.

Jeremia 24:9

Maah ga cha tibɔbir ti aaboln dan bi pu na ga chuu dulnyaa aatimbol mɔmɔk ijawaan. Binib ga ŋa bi yaansara, ki ŋa bi mbɔnyun, ki li laa bi, ki li joo baayimbil puuni lir biken pu baah yaa ki bi ni kookoo na.

Jeremia 25:11

Kitiŋ kee mɔmɔk ga kpaln tilangbenn le ki li kpa ijawaan, le kaanib ni ŋitimbol ŋi bi gbɔk na ga li tun tii Babiloŋ aabɔr ki ti saa ŋibin imonko itaa ni kipiik.

Jeremia 25:18

Jerusalem aatiŋ, ni Juda aatim mɔmɔk, ki kpee kaabɔrb ni biyidam mɔmɔk, m nan cha bi nyun ki ponn ni, ki cha bi kpaln nteersakpiin, ki kpa ijawaan, ki cha binib joo baayimbil puuni lir biken pu, ke baah beenin ŋani pu na.

Jeremia 25:38

Uwumbɔr siir cha waanib ke uchinn aah siir cha waatakpaluŋ pu na la. Butɔb aajawaan, ni Uwumbɔr aaŋuusakpeln cha kitiŋ ngbaan kpaln nteersakpiin a.

Jeremia 26:6

Ni yaa beenin yiil kan, m ga bii Maadichal lee ke maah nan bii Silo aatiŋ pu na, le dulnyaa wee aatimbol mɔmɔk ga li joo Jerusalem aayimbil puuni lir biken pu.”

Jeremia 29:18

M ga li joo ni butɔb, ni nkon, ni iween le san dii bi, le dulnyaa wee aatimbol mɔmɔk ga san ijawaan, baah kan pu na pu. Nimɔk m cha bi yaa ki bi na, binib aapobil ga yuk, ki san ijawaan, baah kan tiwan ni mɔmɔk na. Binib ga laa bi, ki li joo baayimbil puuni lir biken pu.

Jeremia 29:19

Baah kaa kii tibɔr ti m nan joo tii ni maatutum, bi ye bibɔnabr na, le cha nimina ŋa. Tɔ, nimi bi bi tinaagbiir ni, Babiloŋ aatiŋ ni na mu aa nan ŋun.

Jeremia 30:14

Nibɔtiib mɔmɔk suln nibɔr a; bitafal aa ki bi ni ponn ni. M tak nimi ke udin na la; nimi aatunwanbir aah wiir aan nimi aabiin nyaŋ sakpen pu na le cha nimi aatafadaan bir.

Jeremia 34:22

M ga lii bi bumɔb le bi ki gir ni kitiŋ kee pu. Bi ga tak ki, ki nyaŋ ki, le ki see ki mmii. M ga ŋa Juda aatim ke nteersakpiin mu pu ubaa aa koo na la. Min Uwumbɔr le len kina.”

Jeremia 4:4

Li joo man tipuur ti ni nan puu tii mi Uwumbɔr na. Nimi Juda ni Jerusalem aanib, di nibaa tii mi man. Ni yaa kaa ye kina kan, maaŋuul ga fii ke mmii na, titunwanbir ti ni tun na pu. Li ga fii, le ubaa aan li bi ki sɔŋ li.”

Jeremia 42:18

Uwumbɔr u ye Israel yaab Aawumbɔr na ki bui ke, “Maah nan cha maaŋuusakpeln dan Jerusalem pu pu na, kina le ni yaa buen Ijipt ni kan, maaŋuul ga dan ni pu. Binib yaa kan nimi kan, ni ga li kpa ijawaan; binib ga lik nimi fam le ki li joo nimi aayimbil puuni lir biken pu. Naan ki kan do kpala.”

Jeremia 44:12

Juda aanib bi ma gur aan binimbil man ke bi buen ti li koo Ijipt aatiŋ ni na, see m kuln bi mɔmɔk. Binikpaam ni biwaatiib mɔmɔk ga kpo butɔb ni, ni nkon aakun, Ijipt aatiŋ ni. Binib yaa kan bi kan, bi ga li kpa ijawaan la; binib ga lik bi fam, ki li joo baayimbil puuni lir biken pu.

Jeremia 44:2

Uwumbɔr Mpɔɔnsakpiindaan, u ye Israel yaab Aawumbɔr na bui ke, “Nimi nibaa nan kan tibɔbir ti m nan cha ti dan Jerusalem ni Juda aatim muken mɔmɔk pu pu na. Ki nan saa din wee, mu beenin ye tilangbenn, le unii ubaa aa bi mu ponn ni; ba pu?

Jeremia 44:6

Le m di maaŋuusakpeln lii ni Juda aatim pu, ni Jerusalem ponn ni, le mu wun mmii. Mu nan kpaln tilangbenn, le ki kpa unii ijawaan, ke mu aah beenin bi pu din wee na.

Jeremia 48:9

Ban likaakul aatakpal bil Moab aatiŋ man; ki ga kuln dandana. Kaatim ga kpaln tilangbenn la, le ubaa aan ki li koo nima.”

Jeremia 5:9

M taa daa bitafal nimina pu ki teen kina aatimbol aa?

Esekiel 39:23

Nima le ŋitimbol ga bee ke Israel yaab aah tun mi titunwanbir ti pu na, le bi nan chur bi tinaagbiir. M nan fenn mpuwɔb tii bi, ki cha baadim nyaŋ bi, ki ku bi butɔb ni.

Esekiel 5:13

“Nimi le ga gaa maaŋuusakpeln ki ti saa buyoonn m ga bab na. Nimina yaa nan ŋa kan, le ni ga bee ke min Uwumbɔr le di maaŋuusakpeln na len ni chee, naah yii maah mɔk nimi pu na pu.

Daniel 9:11

Israel yaab mɔmɔk nan bii saakaal ki yii kaa pel saah len pu na. Ti nan tun si titunwanbir, le aa nan cha saah puun tibɔbir ti aan saatutunn Moses nan ŋmee ŋa saakaal ni na dan nan lir ti pu.

Daniel 9:12

Aa nan ŋa saah nan bui ke aa ga ŋa timi, ni binib bi joo timi na mɔmɔk pu na. Kitiŋ kibaa aa ki bi taab do ki kan ntafadaan mu aa nan di tii Jerusalem na.

Amos 2:13

Dandana, m ga ŋa nimi ke unii u tu lituln aan li nyaŋ u na la.

Malakai 2:17

Ni cha Uwumbɔr ti kpaan bak naah len tibɔr pu na pu. Tɔ, le ni baa ke, “Ti ŋa kinye ki tii u tibakr?” Naah len tibɔr pu na, le ni tii u tibakr; ba pu? ni len ke “Uwumbɔr Mpɔɔnsakpiindaan dak ke titunwanbirdam mɔmɔk ŋan le na; ke mbamɔn, u gee bi la,” ki ki len ke, “Uwumbɔr u tii binib ibamɔn na bi la chee?”

Rom Yaab 9:22

Uwumbɔr aah ŋa pu na, ni bi kina la. U nan ban ke u mɔk binib ke u gee liŋuul titunwanbir pu, ki ban ke bi bee waah kpa mpɔɔn pu na. Nima le u ji limɔr pam binib bi ŋa u liŋuul ki ŋeer ntafadaan na pu.