Jeremia 44:16 - Uwumbɔr aagbaŋ

¹⁶ “Taan kii saah di Uwumbɔr aayimbil tuk timi tibɔr ti na.

Jeremia 44:16 ပူးပေါင်းရင်းမြစ်များ

Ilahn 2:3

Bi len ke, “Cha ti gaa tibaa bi chee man, cha ti di baasan mee man.”

Nnyam 5:2

Le ubɔr ngbaan baa bi ke, “Ŋma ye Uwumbɔr? U ye ŋma aan m pel waabɔr ki cha Israel yaab buen? Maa nyi Uwumbɔr. Maan cha Israel yaab nya buen.”

Ŋiyataŋak 1:24

M yin nimi, ki mee nimi ke ni dan m chee, le naa ŋun. Naa gar mi kpala.

Aisaya 3:9

Baa kaa gbaa ibamɔn pu na ga ki gir koon bima le tibɔr ni. Bi tun titunwanbir kaa joo bɔrni ke Sodom aanib aah nan tun pu na la. Bima le joo ni bibaa aadoon, bi kuln a.

Jeremia 11:10

Bi gir buen biyaajatiib bi nan yii maah bui bi ke bi tun pu na aatunwanbir ni la; bi nan dooni ŋiwaa la. Israel ni Juda yaab mɔmɔk bii tipuur ti m ni biyaajatiib nan puu tii tɔb na.

Jeremia 11:8

Le bi nan yii, kaa pel, kaa ki kii maamɔb mu. Bi mɔmɔk nan yii, ki beenin kpa tafalaaŋun, ki tun titunwanbir cha. M nan bui bi ke bi li joo tipuur ti m puu tii bi na, le bi yii. Kina pu le m nan cha ntafadaan mu bi tipuur ngbaan ni na dan bi pu.”

Jeremia 13:10

Titunwanbirdam ngbaan yii kaa kii maamɔb. Bi beenin kpa mbiin ni tafalaaŋun ke baah nan bi pu na la, le ki dooni ŋiwaa, ki tun tii ŋi. Kina pu na, bi ga ŋa ke lichutageln lee aah kaa ki li bi tibaa ni pu na.

Jeremia 18:18

Le binib ngbaan bui ke, “Cha ti lik taah ga ŋa Jeremia pu na. Bitotoorb ga li bi n‑yoonn mɔmɔk ki mɔk timi, bilankpalb mu ga ŋmaa sur timi, bibɔnabr mu ga nabr Uwumbɔr aabɔr tii timi. Cha ti ban ngalm tii u man, ki taa ki pel waah len pu na.”

Jeremia 38:4

Le bininkpiib ngbaan buen ubɔr chee ki ti len ke, “Ni ŋeer ke ti ku uja umina. Waah bi len pu na ga cha bijab bi bi kitiŋ kee ponn ni na aataakpab yɔl, u bi ŋani unii umɔk gur kitiŋ kee ponn ni na tiwanbaan ngbaan la. Waa ban ke u ter binib ngbaan, u ban u tii bi tibɔr la.”

Jeremia 42:13

“Tɔ, nimi binib bi gur ki bi Juda ni na, taa yii Nidindaan Uwumbɔr ke naan li bi kitiŋ kimina pu. Ni taa bui ke, ‘Aayii, ti ga buen ki ti li bi Ijipt aatiŋ ni, nin chee taan ki buen butɔb ni, kaan ki ŋun butɔb aakpiin pu, kaan ki chuun nkon na.’ Ni yaa len kina kan, Uwumbɔr Mpɔɔnsakpiindaan u ye Israel yaab Aawumbɔr na len ke, ‘Ninimbil yaa mann ke ni ga buen ti li koo Ijipt aatiŋ pu kan,

Jeremia 43:2

Le Hosaya aajapɔɔn Asaria, ni Karea aajapɔɔn Johanann, ni bigaadam biken na mɔmɔk bui mi ke, “Tidindaan Uwumbɔr aa tun ni si ke aa nan tuk timi ke ti taa buen Ijipt aatiŋ ni ki ti li koo nima. Aa gii la.

Jeremia 44:24

M nan bui binib ngbaan mɔmɔk, ki moo sak bipiib ngbaan, Uwumbɔr Mpɔɔnsakpiindaan, u ye Israel yaab Aawumbɔr na, aah bi tuk Juda aanib bi koo Ijipt aatiŋ ni na ke, “Nimi ni nipuutiib mɔmɔk puu tipuukpaan tii Paacham Aapiibɔr. Ni nan puu ke ni ga li toor kitork tii u, ki tii u ndaan aapiin, le ki joo naah puu tipuur ti na. Tɔ, ni ŋan. Li joo nimi aapuur man. Tun naah puu pu na man.

Jeremia 6:16

Uwumbɔr bui waanib ke, “Sil isayakr ki li lik man. Baa ki bee man n‑yaayoonn na aasanbim ni nsanyaan na aah nan bi nin chee na. Li chuun mu pu man, ki kan lifuur.” Le bi bui ke, “Ayii, taan ŋa kina.”

Jeremia 8:12

Maanib aa nan san inimɔɔn baajɔŋ aatun ŋee pu. Mbamɔn, baa nan san inimɔɔn kpala; naa kpaan nyi naah ga mɔk pu ke inimɔɔn joo nimi na. Kina pu le ni ga lir ke biken aah lir pu na; m yaa nan daa nitafal kan, naadoon le na. Min Uwumbɔr le len kina.

Jeremia 8:6

M pel suuna, le kaa ŋun ubaa len ibamɔn. Ni ponn ni ubaa kina aasui aa bii waabiin pu; ubaa le aa len ke, ‘M tun taani la.’ Ni mɔmɔk cha naah gee nin chee na ke utaan le aah san cha butɔb ni na.

Daniel 3:15

Dandana ma, ni yaa ki ŋun kakaan aawiil, ni ŋiwul, ni tibar, ni tiwangbaakaan ni gur na kan, ni gbaan ki doon tiwanaankaan ngbaan. Ni yaa kaa ŋa kina kan, bi ga kpaan di nimi mee ŋa mmii sakpiin na ni. Ni dak ke liwaal libaa ga ŋmaa gaa nimi lii ii?”

Tibɔnyaan ti Luk ŋmee ti na 19:14

Le waatiŋ ni aanib nan nan u, ki tun binib ke bi paan u pu ki ti bui ubɔrkpaan na, ‘Taa ban ke uja ngbaan le ye timi aabɔr.’

Tibɔnyaan ti Luk ŋmee ti na 19:27

Tɔ, maadim bi kaa nan ban ke m li ye baabɔr na, li joo ni bi do chee na, ki nan ku bi nnimbiin ni.’”

1 Samuel 8:19

Binib ngbaan aa nan pel Samuel aah len pu na, le ki bui ke, “Aayii. Ti ban ubɔr la,