Jeremia 44:13 - Uwumbɔr aagbaŋ

¹³ Maah nan di butɔb, ni nkon, ni iween daa Jerusalem aatiŋ yaab aatafal pu na, kina le m ga daa binib bi mɔmɔk koo Ijipt ni na aatafal.

Jeremia 44:13 ပူးပေါင်းရင်းမြစ်များ

Jeremia 11:22

Le Uwumbɔr Mpɔɔnsakpiindaan bui ke, “M ga daa bitafal. Baanachipɔm ga kpoi butɔb ni, le nkon mu ku baabim.

Jeremia 21:9

Unii umɔk gaar kitiŋ ngbaan ni na ga kpo butɔb, ni nkon, ni iween ni. Le uma nyan ki ti di ubaa tii Babiloŋ aanib bi bi tak kitiŋ ngbaan na kan, waan kpo, u ga ŋmar.

Jeremia 24:10

M ga cha butɔb, ni nkon, ni iween dan bi pu ki ti saa n‑yoonn mu bi ponn ni ubaa aan gur kitiŋ ki m di tii bi ni biyaajatiib na pu na.”

Jeremia 24:9

Maah ga cha tibɔbir ti aaboln dan bi pu na ga chuu dulnyaa aatimbol mɔmɔk ijawaan. Binib ga ŋa bi yaansara, ki ŋa bi mbɔnyun, ki li laa bi, ki li joo baayimbil puuni lir biken pu baah yaa ki bi ni kookoo na.

Jeremia 42:16

butɔb bu ni san ijawaan na ga nyaŋ nimi, nkon mu ni san na ga li dii nimi, le ni ga kpo Ijipt ni.

Jeremia 42:17

Binib bi mɔmɔk aanimbil mann ke bi ga buen ti li koo Ijipt aatiŋ pu na, butɔb, ni nkon, ni iween le ga ku bi. Bi ponn ni ubaa aan ŋmar, ubaa aan nya tibɔbir ti m ban m cha ti dan bi pu na.’”

Jeremia 42:18

Uwumbɔr u ye Israel yaab Aawumbɔr na ki bui ke, “Maah nan cha maaŋuusakpeln dan Jerusalem pu pu na, kina le ni yaa buen Ijipt ni kan, maaŋuul ga dan ni pu. Binib yaa kan nimi kan, ni ga li kpa ijawaan; binib ga lik nimi fam le ki li joo nimi aayimbil puuni lir biken pu. Naan ki kan do kpala.”

Jeremia 43:11

Nebukadnesar ga dan ki nan nyaŋ Ijipt aatiŋ. Maah siin ke iween ku binib bi na ga kpo iween aakun; maah siin ke bi ga di bi buen tinaagbiir ni na mu ga buen, le maah siin ke bi ga kpo butɔb ni na, ga kpo butɔb ni.

Hosea 9:6

Libiil yaa nan fuu ni ki yaa binib ngbaan kan, le Ijipt yaab ga kuun bi. Bi ga kuun bi ti sub Memfis aatiŋ ni la. Le timoor ni ikokon ga gaa baadichal ni baawangol aah nan si nin chee n‑yoonn mubaa na.