Jeremia 44:10 - Uwumbɔr aagbaŋ

¹⁰ Le ki nan saa din, naa kee sunn nibaa taab. Naa nyuŋni mi, le kaa joo ikaal i mɔmɔk m di tii nimi ni niyaajatiib na.

Jeremia 44:10 ပူးပေါင်းရင်းမြစ်များ

1 Bibɔrb 21:29

“Aa kan Ahab aah sunn ubaa taab nnimbiin ni pu na aa? Waah ŋa pu na, maan cha tibɔbir dan u pu buyoonn u laa fu na; ujapɔɔn aamɔfal ni, le m ga cha tibɔbir dan Ahab aadichal pu.”

2 Bibɔrb 22:19

le ki kpeln saabimbin ki sunn aabaa taab nnimbiin ni, ki daa kar saawanpeenkaan ki wii buyoonn aa ŋun maah nyan sil ke m daa Jerusalem ni kaanib aatafal pu na. M ga cha nima chee kpaln ijawaan sakpiin aabuul ni, le binib ga li joo nima aayimbil puuni lir biken pu. Tɔ, m ŋun saameel,

2 Bibɔrb Aabɔr 32:26

Tɔ, kookoo na, Hesekia ni Jerusalem aanib nan sunn bibaa taab, le Uwumbɔr aa nan ki daa binib ngbaan aatafal ki ti saa buyoonn Hesekia kpo na.

2 Bibɔrb Aabɔr 33:12

Waafalaa ni, le u sunn ubaa taab, ki fenn toŋ Udindaan Uwumbɔr, ki gaŋ u ke u ter u.

2 Bibɔrb Aabɔr 33:19

Ubɔr ngbaan aameel, ni Uwumbɔr aah nan kii li pu na, ni waah nan tun titunwanbir ti ki nin kpeln waabimbin na, ni tibɔbir ti u nan ŋa na, ni waah nan maa tiwaadir ti na, ni liwaapii Asera aanaŋ ti u nan naan na, ni ŋiwaa ŋi u nan dooni na, mɔmɔk mu bi Uwumbɔr aabɔnabtiib aagbaŋ ni.

2 Bibɔrb Aabɔr 34:27

le aa kpeln saabimbin ki sunn aabaa taab nnimbiin ni, ki daa kar saawanpeenkaan ki wii buyoonn aa ŋun maah nyan sil ke m daa Jerusalem aatiŋ, ni kaanib aatafal pu na. M ŋun saameel,

Ilahn 34:18

Uwumbɔr bi duun binib bi aataakpab yɔl na la; le ki gaal binib bi kaa ki kpa limakl libaa na lir.

Ilahn 51:17

Uwumbɔr, saatork ki aa gee na le ye nsui mu sunn mubaa taab ki ŋmaa kpiir mu aatunwanbir na.

Ilahn 78:10

Baa nan joo tipuur ti bi nan puu tii Uwumbɔr na; bi yii, kaa joo waakaal.

Nnyam 10:3

Moses ni Aaronn nan dii buen ubɔr ngbaan chee, le ki ti bui u ke, “Hiibru yaab Aadindaan Uwumbɔr bui ke, ‘N‑yoonn mulamu aa ga diŋ aasui pu, ki kii tii mi? Cha maanib ngbaan buen, nima kan, bi ga ti ŋmaa doon mi.

Nnyam 9:17

Linimbaasaln limina mɔmɔk ponn ni, ni mɔmɔk yɔli, aa pɔɔk aasui ki yii ke maanib ngbaan taa buen.

Nnyam 9:30

M mu nyi ke aa ni saaninkpiib na aa kee san Tidindaan Uwumbɔr ijawaan.”

Ŋiyataŋak 14:16

Bilandam chur bibaa le kaa koo tibɔr ni, le bigbaam ma bi yɔl yɔl le ki tun kaa dakl lik.

Ŋiyataŋak 16:6

Li dii mbamɔm ki li si chob aan Uwumbɔr di saatunwanbir cha pinn si. Kii tii Uwumbɔr ki taa kan tibɔbir tibaa.

Ŋiyataŋak 28:14

Aa yaa ban mpopiin kan, kii tii Uwumbɔr n‑yoonn mɔmɔk. Aa yaa kpa tafalaaŋun kan, saamɔfal ga junn.

Ŋiyataŋak 8:13

Saah ga nyuŋ Uwumbɔr pu na le ye ke aa yii kinimbɔŋ; maa gee kigaak, ni inimpoo, ni kinimbɔŋ aasan, ni inyamɔn aamɔliin.

Aisaya 42:24

Ŋma nan di Israel aanib tii binib bi gaa baawan mpɔɔn na? Uwumbɔr ubaa, u ti tun u titunwanbir na, le nan ŋa kina. Taa bi ke waah nan ban ke ti li bi pu na, kaa dii ikaal i u tii timi na.

Aisaya 57:15

“Min le ye paacham Aawumbɔr u bi chain ki bi n‑yoonn mɔmɔk na. M bi nin chee paa ki bi chain na la, le ki mu ki bi binib bi sunn bibaa taab aan bisui bii buyoonn bi bee ke bi tun titunwanbir na chee, ki ga pɔɔk bitaakpab ki sɔŋ bisui.

Aisaya 66:2

Min mbaa le nan naan dulnyaa wee mɔmɔk. Nsui piin binib bi sunn bibaa taab aan bisui bii baatunwanbir pu, ki san mi ki kii maamɔb na pu.

Jeremia 10:7

Ŋma aan nyuŋ si u ye ŋitimbol mɔmɔk aabɔr na? Aa ŋeer bunyuŋ la. Bilandam ni bibɔrb bi mɔmɔk bi ŋitimbol ni na ubaa aa bi ke sin na.

Jeremia 26:4

Uwumbɔr nan ki bui mi ke m tuk binib ngbaan ke, “Min Uwumbɔr le len ke ni kii maamɔb ki li dii mmɔkm mu m di tii nimi na,

Jeremia 32:23

Baah nan koo ni kitiŋ kee pu ki gaa ki na, bi nan yii saah nan bui bi ke bi li bi pu na, kaa nan bi saah mɔk bi ke bi li bi pu na. Baa nan ŋa saah bui bi pu na tiwan nibaa, kina pu le aa joo ni tibɔbir tee mɔmɔk nan lii bi pu.

Jeremia 36:24

Ubɔr ni waaninkpiib bi nan ŋun kigbaŋ ngbaan aabɔr na ubaa aa nan kpa mpombiin, kaa san ijawaan aawan nibaa.

Jeremia 44:23

Naah kaa joo Uwumbɔr aakaal ki tun u titunwanbir, ki toor kitork tii ŋiwaa pu na le cha tibɔbir timina dan ni pu.”

Jeremia 5:3

Mbamɔn, Uwumbɔr sil lik ban mbimbinyaan la. U nan faa nimi, le naa sɔŋ nisui; u nan taa taa ni pu, le ni yii kaa bae. Ni nan kpa tafalaaŋun, kaa di cha titunwanbir aatuln.

Jeremia 6:15

Baa nan san inimɔɔn, baajɔŋ aatun ŋee pu. Aayii, baa nan san inimɔɔn kpala; baa kpaan nyi baah ga mɔk pu ke inimɔɔn joo bi na. Kina pu le bi mu ga lir ke biken aah lir pu na; m yaa nan daa bitafal kan, baadoon le ga li bi na. Min Uwumbɔr le len kina.”

Jeremia 8:12

Maanib aa nan san inimɔɔn baajɔŋ aatun ŋee pu. Mbamɔn, baa nan san inimɔɔn kpala; naa kpaan nyi naah ga mɔk pu ke inimɔɔn joo nimi na. Kina pu le ni ga lir ke biken aah lir pu na; m yaa nan daa nitafal kan, naadoon le na. Min Uwumbɔr le len kina.

Esekiel 9:4

“Koo Jerusalem aatiŋ ponn ni, ki daan unii umɔk aasui bii aan ni muk u baah tun ŋitun ŋi sukr ponn ni kitiŋ ngbaan ponn ni na aayigbeer pu kidaan.”

Malakai 4:2

Le nimi bi kii maamɔb na, m ga di maaŋmarm aapɔɔn biin ni pu ke nwiin na, ki sɔŋ nimi aaween ke nwindam na. Ni ga ŋmar ki li kpa mpopiin ke inaabi i bi gbinn i lii na la.

Matiu 27:54

Butɔb aajab aaninkpel, ni binib bi bi u chee ki si kii Yesu na aah kan kitiŋ aah deŋ pu na, ki kan tiwan nimɔk ŋa na, le ijawaan chuu bi sakpen. Le bi bui ke, “Mbamɔn, u sil ye Uwumbɔr Aajapɔɔn la.”

Tibɔnyaan ti Luk ŋmee ti na 23:40

Le bakadaan uken na kae u, le ki bui u, “Saa san Uwumbɔr aa? Aa ni u kpaan kan ntafadaan mubaa la.

Rom Yaab 11:20

Ni ye mbamɔn, Juu yaab aah kaa gaa Yesu Kristo ki kii na, nima le cha Uwumbɔr di bi lii. Nimi le gaa u ki kii. Nima le ni leŋ baaleleŋ. Ni taa li kpa kalmbaani. Ni li san Uwumbɔr.

1 Piita 5:6

Nima pu na, ni li sunni nibaa taab, Uwumbɔr u yeh mpɔɔn mɔmɔk na aaŋaal ni. Le ni yaa nan ŋeer kan, u ga nyuŋ nimi.

Tibɔkpiirkaan 15:4

Tidindaan, ŋma bi, kaan san si ki nyuŋ si? Si baanja le ye chain. Ŋinibol mɔmɔk ga dan ki nan gbaan aanimbiin ni ki doon si; ba pu? binib mɔmɔk kan saatunyaan.”