Jeremia 43:13 - Uwumbɔr aagbaŋ

¹³ U ga ber ŋiwaabimbin ŋi bi Heliopolis aatiŋ ki bi Ijipt ni na, ki see Ijipt yaab aawaadir mmii lii.”

Jeremia 43:13 ပူးပေါင်းရင်းမြစ်များ

Mpiin 41:45

U nan tii Josef Ijipt yaab aayimbil, ki yin u ke Safenaf Panea, le ki di Potifera u nan ye utotoor ki bi Heliopolis aatiŋ ni na aabisal, u bi yin u ke Asenaf na, di tii Josef, u di ŋa upuu. Josef nan ye ŋibin piitaa le ki piin ubɔr do lituln. U nan nya ubɔrkpaan do lichiln ni, le ki chaa Ijipt aatiŋ aapepel mɔmɔk.

Aisaya 19:1

Ijipt aatiŋ aabɔr sɔ. Uwumbɔr ka ntaalangbam pu ki choo Ijipt aatiŋ ni. Ijipt yaab aawaa aawon gbaa la. Ijipt aanib aataakpab yɔl a.

Aisaya 19:18

N‑yoonn ngbaan yaa nan fuu ni kan, bi ga li len Israel yaab aaliin, Ijipt aatim muŋmu ni la. Nima chee aanib ga li gur puur baapuur Uwumbɔr Mpɔɔnsakpiindaan aayimbil pu la. Ntim ngbaan kibaa aayimbil le ga li ye ke, “Nwiin Aatiŋ.”

Aisaya 46:2

Ŋiwaa ngbaan aa ŋmaa gaa ŋibaa lii, bi nyaŋ ŋi ki di ŋi buen a. Babiloŋ aawaa aadoon le na.

Jeremia 10:11

Tɔ, nimi le ga bui bi ke ŋiwaa le aa nan naan taab ni paacham; ŋi ga nan kuln. Ŋaan nan ki li bi dulnyaa wee ni nibaa chee.

Jeremia 25:19

Binib bi mu nan ki nyun ki ponn ni na sɔ: Ijipt aabɔr, ni waaninkpiib, ni biyidam, Ijipt aanib mɔmɔk, ni biwɔwɔm bi mɔmɔk bi Ijipt aatiŋ ni na, Us aatiŋ aabɔrb mɔmɔk, ni Filistia aatim mumina: Askelonn, ni Gasa, ni Ekronn, ni Asdod aatiŋ ki gur siib na aabɔrb mɔmɔk; ni Edom, ni Moab, ni Amonn aatim aanib mɔmɔk; ni Taya ni Saidonn aatim aabɔrb mɔmɔk; ni Kaasisik ni Aanyusakpem aatim aabɔrb mɔmɔk; ni Dedann, ni Tema, ni Bus aatim mɔmɔk; ni binib bi mɔmɔk chee biyigbeer pu aayikpir na, ni Arabia aabɔrb mɔmɔk; ni nteersakpiin ni aanibol aabɔrb mɔmɔk; ni Simri, ni Elam, ni Media aatim aabɔrb mɔmɔk; ni ŋŋangan wɔb, ni duun na, ni ni daa na, aabɔrb mɔmɔk ubaabaa. Kitiŋ kee pu aatimbol mɔmɔk ga nyu ki ponn ni. Gbelngbeln yoo le nan ye Babiloŋ aabɔr u ga nyu ki ponn ni na.

Jeremia 43:12

M ga see Ijipt aawaadir mmii, le Babiloŋ aabɔr yaa gee ke u see baawaa mmii kan, u see ŋi, u yaa ti ki gee kan, u di ŋi buen. Upihkpaal aah nyan ni tibabr waawanpeenkaan ni pel pel pu na, kina le Babiloŋ aabɔr ga nyan tiwan mɔmɔk Ijipt aatiŋ ni ki di linyaŋ nya.

Jeremia 44:1

Uwumbɔr nan len Israel yaab bi nan bi Ijipt aatiŋ pu ki koo Migdol, ni Tapanes, ni Memfis aatim ni, ni Ijipt aaŋangii wɔb aapepel ni na aabɔr.

Jeremia 46:25

Uwumbɔr Mpɔɔnsakpiindaan, u ye Israel yaab Aawumbɔr na len ke, “M ga daa Tebes aawaal Amonn, ni Ijipt aatiŋ, ni kaawaa, ni kaabɔrb aatafal. M ga yoor Ijipt aabɔr ni binib bi mɔmɔk di naadii tii u na,

Esekiel 26:11

Baatandam ga jak baataan saatiŋ ponn ni, ki joo baajaak aajum ku saanib. Bi ga tur saajaatɔlk tiib bi pɔɔ sakpen na lir kitiŋ.

Esekiel 30:13

Tidindaan Uwumbɔr ki len ke, “M ga kuln ŋiwaa ni inyɔk Memfis aatiŋ ni. Ubaa aan ki li bi ki ye Ijipt aatiŋ aajojoor, le m ga cha ijawaan sakpiin chuu kaanib mɔmɔk.

Esekiel 30:17

Heliopolis ni Bubastis aatim aanachipɔm ga bee butɔb ni; le bi ga chur binib bi gur na tinaagbiir.

Daniel 11:8

U ga yoor baawaa, ni salmaa, ni tikunabr aawan ni bi nan di tii baawaa ngbaan na mɔmɔk ki di gir buen Ijipt aatiŋ ni. Ŋibin siib ga jer ki li ye nsuudoon aabin la;