Jeremia 43:11 - Uwumbɔr aagbaŋ

¹¹ Nebukadnesar ga dan ki nan nyaŋ Ijipt aatiŋ. Maah siin ke iween ku binib bi na ga kpo iween aakun; maah siin ke bi ga di bi buen tinaagbiir ni na mu ga buen, le maah siin ke bi ga kpo butɔb ni na, ga kpo butɔb ni.

Jeremia 43:11 ပူးပေါင်းရင်းမြစ်များ

Job Aagbaŋ 20:29

Ubiindaan aadoon le na, Uwumbɔr aah di ndoon mu siin u na le na.

Jeremia 15:2

Bi yaa baa si ke bi ga buen la chee kan, tuk bi ke min le bui ke, Iween le ga ku bibaa, baah ga buen nin chee na le na. Bibaa mu ga kpo butɔb ni, baah ga buen nin chee na le na. Nkon le ga ku biken mu, baah ga buen nin chee na le na. Bidim ga chur biken mu buen tinaagbiir ni, baah ga buen nin chee na le na.

Jeremia 25:15

Uwumbɔr, u ye Israel yaab Aawumbɔr na nan bui mi ke, “Ndaan aayikuuk ki gbii maaŋuul na sɔ. Di ki buen ŋitimbol ŋimɔk m tun si ŋi chee na, ki cha bi nyu ki ponn ni.

Jeremia 25:19

Binib bi mu nan ki nyun ki ponn ni na sɔ: Ijipt aabɔr, ni waaninkpiib, ni biyidam, Ijipt aanib mɔmɔk, ni biwɔwɔm bi mɔmɔk bi Ijipt aatiŋ ni na, Us aatiŋ aabɔrb mɔmɔk, ni Filistia aatim mumina: Askelonn, ni Gasa, ni Ekronn, ni Asdod aatiŋ ki gur siib na aabɔrb mɔmɔk; ni Edom, ni Moab, ni Amonn aatim aanib mɔmɔk; ni Taya ni Saidonn aatim aabɔrb mɔmɔk; ni Kaasisik ni Aanyusakpem aatim aabɔrb mɔmɔk; ni Dedann, ni Tema, ni Bus aatim mɔmɔk; ni binib bi mɔmɔk chee biyigbeer pu aayikpir na, ni Arabia aabɔrb mɔmɔk; ni nteersakpiin ni aanibol aabɔrb mɔmɔk; ni Simri, ni Elam, ni Media aatim aabɔrb mɔmɔk; ni ŋŋangan wɔb, ni duun na, ni ni daa na, aabɔrb mɔmɔk ubaabaa. Kitiŋ kee pu aatimbol mɔmɔk ga nyu ki ponn ni. Gbelngbeln yoo le nan ye Babiloŋ aabɔr u ga nyu ki ponn ni na.

Jeremia 42:22

Kina pu na, teer nimina man: butɔb, ni nkon, ni iween le ga ku nimi kitiŋ ki pu ni ban ke ni ti li koo na.”

Jeremia 44:12

Juda aanib bi ma gur aan binimbil man ke bi buen ti li koo Ijipt aatiŋ ni na, see m kuln bi mɔmɔk. Binikpaam ni biwaatiib mɔmɔk ga kpo butɔb ni, ni nkon aakun, Ijipt aatiŋ ni. Binib yaa kan bi kan, bi ga li kpa ijawaan la; binib ga lik bi fam, ki li joo baayimbil puuni lir biken pu.

Jeremia 44:13

Maah nan di butɔb, ni nkon, ni iween daa Jerusalem aatiŋ yaab aatafal pu na, kina le m ga daa binib bi mɔmɔk koo Ijipt ni na aatafal.

Esekiel 29:11

Unibɔn, bee kiwakork aan ki chuun nima. Nibaa aan li bi ki pu ki ti saa ŋibin imonko ilee.

Esekiel 5:12

Nimi aanib ŋiker ŋitaa ponn ni aaker libaa ga kpo iween, ni nkon aakun kitiŋ ngbaan ponn ni; le liker liken ga bee kijaak aajuk aakun ni, kitiŋ ngbaan aagbaan; le m ga di litatar na yaa tii libuln, ki di maajaak aajuk paan bi pu.

Sekaria 11:9

Le m bui ipiih ngbaan ke, “Maan ki li ye unii u kpaa nimi na. Cha i ga kpo na kpo. Cha baah ga kuln i na, bi kuln i. I gur na le ga kuln tɔb.”

Tibɔkpiirkaan 13:10

Binib bi Uwumbɔr len ke bi ga chuu bi tinaagbiir na, bima le bi ga chuu bi tinaagbiir. Unii umɔk joo kijaak aajuk ku binib na, kijaak aajuk le ga ku u mu. Nima le cha ni ŋan ke Uwumbɔr aanib li ban limɔr ke bi dii Uwumbɔr mbamɔm.”