Jeremia 42:5 - Uwumbɔr aagbaŋ

⁵ Le bi bui mi ke, “Ti yaa yii kaa kii Tidindaan Uwumbɔr aah ga di tibɔr timɔk tuk si ke aa di tuk timi na kan, u li ye useeraadaan bamɔnn ti pu.

Jeremia 42:5 ပူးပေါင်းရင်းမြစ်များ

Mpiin 31:50

Labann nan ki bui ke, “Aa yaa ŋa mbisatiib bee bakaa, bee aa yaa ki yoor bipiib kpee bi pu kan, hali m yaa kaa nyi kan, teer ke Uwumbɔr waa si.

Nnyam 20:19

Le bi bui Moses ke, “Ni yaa ye sin le len ti chee tibɔr kan, ti ga ŋun; ti san ijawaan ke Uwumbɔr yaa len ti chee kan, nibaakan ti ga kpo.”

Nnyam 20:7

“Ni taa yin maayimbil fam fam, min Nidindaan Uwumbɔr ga daa unii u yin maayimbil fam fam na aatafal.

Jeremia 42:20

ni bi tun taani sakpiin la. Ni bui mi ke m mee Tidindaan Uwumbɔr tii nimi, le ki puu ke ni ga ŋa waah len pu na mɔmɔk.

Jeremia 43:2

Le Hosaya aajapɔɔn Asaria, ni Karea aajapɔɔn Johanann, ni bigaadam biken na mɔmɔk bui mi ke, “Tidindaan Uwumbɔr aa tun ni si ke aa nan tuk timi ke ti taa buen Ijipt aatiŋ ni ki ti li koo nima. Aa gii la.

Jeremia 43:4

Kina pu na, Johanann, ni bijab aaninkpiib, ni binib ngbaan ubaa aa kii Uwumbɔr aamɔb ki gaar Juda aatiŋ pu.

Jeremia 5:2

Ni bui ke ni dooni Uwumbɔr la, le nisui aa joo kina.

Maika 1:2

Ŋitimbol mɔmɔk, ŋun tibɔr tee man, binib bimɔk bi kitiŋ kee pu na, li pel man tibɔr tee. Uwumbɔr Mpɔɔndaan ga len ibamɔn, le ki galn nimi. Li pel man. U bi waapaacham aadichal ni le ki len ni.

Malakai 2:14

Ni baa le ke ba ŋa? Naah ye pu na le ye ke u nyi ke aa bii tipuur ti aa nan laa ye unachipɔɔn ki puu ti tii upii u aa nan yoor na. Aa ni upii ngbaan nan kpaan la, le aa bii tipuur ti aa nan puu tii u na, ki nyi ke aa nan puu tipuur ngbaan Uwumbɔr aanimbiin ni ke saan nya upuwɔb.

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

Rom Yaab 1:9

M di nsui mɔmɔk tun lituln tii Uwumbɔr, ki tuk binib Ujapɔɔn Yesu Kristo aabɔnyaan ngbaan. Uma Uwumbɔr le nyi ke ni ye mbamɔn, m teer nibɔr maameen mɔmɔk ponn ni,

Tibɔkpiirkaan 3:14

“Ŋmee kigbaŋ tii maanib bi bi Laodisea aatiŋ ni na aatuun ke min Yesu u ye mbamɔn, ki len ibamɔn, ki ye Uwumbɔr aah nan naan tiwan ni mɔmɔk na aayidaan na, le len tibɔr timina:

Bibɔjirb 11:10

Bi nan gar ke, “Ti kii. Uwumbɔr le ye timi aaseeraadaan.”

1 Samuel 12:5

Le Samuel giin kii bi ke, “Uwumbɔr, ni waah lee ubɔr u na le ye seeraadam din wee ke maa kpa taani ubaa.” Le bi kii ke, “Een, Uwumbɔr le ye seeraadaan.”

1 Samuel 20:42

Le Jonatann bui David ke, “Uwumbɔr li bi aa chee. Uwumbɔr ga cha m ni sin, ni timi aayaabitiib li joo tipuukpaan ti ti puu tii tɔb na.” Le David siir, le Jonatann mu gir buen kitiŋ ponn ni.