Jeremia 42:4 - Uwumbɔr aagbaŋ

⁴ Le m gar bi ke, “Tɔ, ni ŋan. M ga mee Tidindaan Uwumbɔr naah len pu na, u yaa kpa timɔk ki len na kan, m ga di tuk nimi. Maan di tibaa bɔr nimi.”

Jeremia 42:4 ပူးပေါင်းရင်းမြစ်များ

Ilahn 40:10

Maa di tibɔnyaan ngbaan di bɔr, n‑yoonn mɔmɔk kan, m len saah ŋan sakpen ki ter mi pu na la. Maan li si ŋmin saanib mɔmɔk aakuun ni, m ga len saageehm mu bi n‑yoonn mɔmɔk na, ni saah si chob pu na aabɔr.

Nnyam 8:29

Le Moses giin bui u ke, “M yaa siir do kan, m ga mee Uwumbɔr ke fen kan, u cha tisibir ngbaan nya saatiŋ kee pu. Tɔ, aa taa ki ŋmann timi, kaan cha binib ngbaan buen ti toor kitork tii Uwumbɔr.”

Jeremia 23:28

Ubɔnabr u daŋ tidaŋ na, u bui ke ni ye tidaŋ la, tɔ, ubɔnabr u m di maabɔr tuk u na, u moon ti mbamɔm. Imuul ni timoor aa kpaa.

Jeremia 23:35

Tɔ, bi mɔmɔk li baa bijɔtiib ni bido yaab ke, ‘Uwumbɔr gar kinye? Uwumbɔr len kinye?’

Jeremia 26:2

le Uwumbɔr bui mi ke, “Sil Maadichal aachiln ni ki di maah bui si pu na moon tuk binib bi nyani Juda aatim ni ki nan dooni mi nima chee na. Taa nyan ti ponn ni tibaa lii.

Esekiel 2:7

Aa ga bui bi maah tuk si ke aa len pu na mɔmɔk, hali bi yaa kaan pel aa chee kan, aa len ti mɔmɔk. Li nyi baah ye bimɔyiib bi na.

Lituln 20:20

M buen binib aah kuuni nin chee na, ki buen nido mu, ki tuk nimi Yesu aabɔr. M tuk nimi tibɔr timɔk ga ter nimi na, kaa gur tibaa.

Lituln 20:27

M tuk nimi Uwumbɔr aabɔr mɔmɔk, kaa gur tibaa.

Rom Yaab 10:1

Nnaabitiib, m mee Uwumbɔr tii maanib Israel yaab ke bi ŋmar. M ban kina le nsui mɔmɔk.

1 Samuel 12:23

M ma kan, Uwumbɔr taa cha m tun titunwanbir ke maan ki mee u tii nimi. M ga mɔk nimi nsan mu ŋan ke ni dii mu na.