Jeremia 42:2 - Uwumbɔr aagbaŋ

² le ki nan bui mi, “Ŋaanii ki ŋa taah bui si pu na. Mee Tidindaan Uwumbɔr tii timi. Mee limeel tii timi bi mɔmɔk ŋmar na. N‑yoonn mubaa ti nan ye binib bi wiir na la, tɔ, dandana ma kan, sin aabaa waa ke timi siib kina le gur.

Jeremia 42:2 ပူးပေါင်းရင်းမြစ်များ

1 Bibɔrb 13:6

Ubɔr Jeroboam nan bui Uwumbɔr aabɔnabr ngbaan ke, “Ŋaanii ki mee Aadindaan Uwumbɔr tii mi, aan u cha ŋŋaal ki pɔɔk.” Uwumbɔr aabɔnabr ngbaan nan mee Uwumbɔr, le ubɔr aaŋaal pɔɔk.

Ilahn 119:170

Saah nan puu pu na, ŋun maameel, ki gaa mi lii.

Nnyam 8:28

Ubɔr nan ki bui ke, “Ni yaa kaan buen dandar kan, m ga cha ni buen ti toor kitork nteersakpiin ngbaan ni, ki tii Nidindaan Uwumbɔr. Ni ti mee u tii m mu man.”

Nnyam 9:28

Mee Uwumbɔr, ki bui u ke ntafadaan mu u tii timi na ŋeer a. M puu ke m ga cha ni li cha; taa ki li bi do man.”

Aisaya 1:15

“Ni yaa yoor niŋaal paacham ki mee min kan, maan lik nimi. Ni yaa po mee min pu na kan, maan ŋun nimi aameel ngbaan, ba pu? niŋaal mɔmɔk ye nsin ŋmeen la.

Aisaya 1:9

Uwumbɔr Mpɔɔnsakpiindaan yaa kaa ba gur binib siib kan, Jerusalem ba ga kuln ke Sodom aatiŋ ni Gomora aatiŋ aah nan kuln pu na la.

Aisaya 37:4

Asiria aabɔrkpaan tun ni waaninkpiib aaninkpel ke u nan seei Uwumbɔr u bi, kaa kpa ndoon na. Cha Aadindaan Uwumbɔr ŋun ŋisiibil ŋimina ki daa binib bi seei ŋi na aatafal. Kina pu na, mee Uwumbɔr tii timi aanib bi ŋmar na.”

Aisaya 42:20

Israel yaab, ni kan tiwan pam, le ni mu aa kpa ni chee tataa. Ni kpa ŋitafal ni li joo ŋun, tɔ, ni sil di ŋitafal ngbaan ŋun ba?”

Jeremia 15:11

Uwumbɔr nan bui mi ke, “M ga sil nya si tibɔr ni, ke aa tun lituln li ŋan na. M ga cha saadim gaŋ si nterm pu buyoonn bi ga li bi tibɔr ni mpombiin ni na.

Jeremia 2:27

Sin u bui ke aate ye busub, le litakpal mu ye aana na ga ji inimɔɔn. Naah fenn nipuwɔb tii mi, kaa fenn ki dii mi pu na, le ga cha kina ŋa. Le ni yaa tee bi tibɔr ni kan, ni bui ke m dan nan gaa nimi lii.

Jeremia 21:2

“Ti gaŋ si ke aa len Uwumbɔr chee tibɔr tii timi, Babiloŋ Aabɔr Nebukadnesar ni waajab aah bi gob timi aatiŋ pu na pu. Nibaakan, Uwumbɔr ga tun waajinjiir aatuln libaa tii timi, ki cha Nebukadnesar gir upuwɔb.”

Jeremia 36:7

Nibaakan bi ga mee Uwumbɔr ki fenn bipuwɔb tii baatunwanbir, ba pu? Uwumbɔr aaŋuusakpeln ni, le u puu ke u ga daa bitafal pam.”

Jeremia 37:20

Tɔ, mpɔɔndaan, m gaŋ si ke aa ŋun tii mi ki ŋa maah tuk si pu na. M gaŋ si ke aa taa ki giin mi kiyondiik ki bi Jonatann do na ni. Aa yaa yii kan, ni ye mbamɔn le ke m ga ti kpo nima.”

Jeremia 37:3

Ubɔr Sedekia nan di Selemia aajapɔɔn Jehukal ni utotoor Sefania, u aate nan ye Maaseya na tun ni ke bi nan bui mi ke m mee Tidindaan Uwumbɔr timi aatimbol pu.

Jeremia 38:14

N‑yoonn mubaa le Ubɔr Sedekia nan ki cha bi joo ni mi u chee Uwumbɔr Aadichal aabisamɔb tatar na chee. U nan bui mi ke, “M ban m baa si mbaan mubaa la, m mu ban ke aa bui mi mbamɔn la.”

Jeremia 40:15

Le Johanann loon bui u ke, “Cha m buen ki ti ku Ismael aan ubaa taa li nyi unii u ku u na. Taa cha u kan nsan ki ku si. Kina ngbaan ga cha Juu yaab bi dan aa chee na yaa, le ki ga ŋmaa joo ni tibɔbir binib bi mɔmɔk gur Juda do na pu.”

Jeremia 42:20

ni bi tun taani sakpiin la. Ni bui mi ke m mee Tidindaan Uwumbɔr tii nimi, le ki puu ke ni ga ŋa waah len pu na mɔmɔk.

Inandalahn 1:1

Jerusalem, kitiŋ ki nan gbii binib na gur ŋmin chii la. Dulnyaa mɔmɔk aanib nan pak kima la, le ki gur naahn ukpopii; kitiŋ ki nan kpa liyimbikpaan na aanib kpaln binaagbiib.

Esekiel 12:16

M ga cha bi ponn ni siib nya butɔb, ni nkon, ni iween ngbaan ni, aan bi yaa ŋmal ŋitimbol ngbaan ni kan, bi ga kan baabimbin mu sukr ponn ni na aah tun pu na, ki tii naadii ke min le ye Uwumbɔr.”

Hosea 8:10

Le m ga kuun bi ki daa bitafal. Naan yunn le Asiria aabɔrkpaan ga di limukl pii bi, le bi ga lir ki biln kitiŋ iween pu.

Liifai Yaab 26:22

le ki cha tipeewanbir dan ni pu, le ti ku nimi aabim, ki bii nimi aawakor, le nimi bi ga gur na aan ki li wiir, ki cha nimi aasan doon nkuun.

Amos 7:2

Maadaŋ ngbaan ponn ni m nan kan itoon ngbaan ŋman tiwan nimɔk soon na kitiŋ ngbaan pu doo, le m bui ke, “Ndindaan Uwumbɔr, di cha pinn saanib. Bi ga ŋa kinye ki ŋmar? Bi par le kaa kpa mpɔɔn.”

Matiu 24:22

Uwumbɔr yaa kaa bar falaa ngbaan aayoonn aawiin kan, ubaa aan ŋmar. Le waanib aanimbaasaln pu u ga bar falaa ngbaan aayoonn aawiin.

Lituln 8:24

Le Simonn bui Piita ni Jɔnn, “Mee Uwumbɔr tii mi, aan saah len tibɔr ti na, ti taa pii mi.”

Ikaal 28:62

Naah wiir ke iŋmabi na, ni ga ti gur siib la, ba pu? ni yii Nidindaan Uwumbɔr aamɔb.

Ikaal 28:63

Ni nan mɔ Uwumbɔr le u ŋa tinyoor ŋa ni pu ki cha ni pɔr, ni ga ki li mɔ u ke u bii ki kuln nimi. Bi ga nyan nimi kitiŋ ki ni ban ni koo ki ponn ni ki gaa ki na ni.

Ikaal 4:27

Uwumbɔr ga cha ni yaa buen ŋinibol yayan aatim ni, le nimi siib kina le ga ti gur ki ŋmar.

Jemisi 5:16

Nima pu na, ni kpiir nimi aatunwanbir ki tuk tɔb, ki mee Uwumbɔr tii tɔb, aan u tii nimi laafee. Unii u dii Uwumbɔr aasan mbamɔm na yaa mee Uwumbɔr linimaln kan, waameel kpa mpɔɔn sakpen.

1 Samuel 12:19

le ki bui Samuel ke, “Timi aaninkpel, ti gaŋ si, mee Aadindaan Uwumbɔr tii timi, aan ti taa kpo. Dandana wee ti bee ke taah ki ban ubɔr pu na le ye titunwanbir, ki kpee timi aatunwanbir tiken mɔmɔk pu.”

1 Samuel 12:23

M ma kan, Uwumbɔr taa cha m tun titunwanbir ke maan ki mee u tii nimi. M ga mɔk nimi nsan mu ŋan ke ni dii mu na.

1 Samuel 7:8

le bi bui Samuel ke, “Li beenin mee Tidindaan Uwumbɔr aan u gaa timi Filistia yaab bee chee lii.”