Jeremia 42:18 - Uwumbɔr aagbaŋ

¹⁸ Uwumbɔr u ye Israel yaab Aawumbɔr na ki bui ke, “Maah nan cha maaŋuusakpeln dan Jerusalem pu pu na, kina le ni yaa buen Ijipt ni kan, maaŋuul ga dan ni pu. Binib yaa kan nimi kan, ni ga li kpa ijawaan; binib ga lik nimi fam le ki li joo nimi aayimbil puuni lir biken pu. Naan ki kan do kpala.”

Jeremia 42:18 ပူးပေါင်းရင်းမြစ်များ

2 Bibɔrb Aabɔr 34:25

Bi yii mi le ki dooni ŋiwaa, li ki di baah tun pu na mɔmɔk fiin maaŋuul. Maaŋuul fii Jerusalem aanib pu, kaan sɔŋ.

Aisaya 30:3

Ubɔrkpaan ngbaan mu aan ŋmaa ter bi, le Ijipt yaab aaterm ngbaan ga ti doo tibɔbir ni la.

Aisaya 65:15

Maanib bi m nyan bi na ga li joo nimi aayimbil le puuni lir binib pu, ke bi li bee fam ke nimi na. Min, Bidindaan Uwumbɔr le ga ku nimi, le ki tii binib bi kii maamɔb na liyimbipɔln.

Jeremia 18:16

Bi cha kitiŋ kee kpaln ijawaan aawan la, le binib mɔmɔk ga li lik bi fam n‑yoonn mɔmɔk. Unii umɔk jer nima na aasui ga yuk, waah ga kan tiwan ni na pu; bi ga li gbakr biyil iwaan pu.

Jeremia 22:27

Ni ga li neen ke ni ki kan kitiŋ kee, le ki mu aan ki gir ni ki pu.”

Jeremia 23:40

M ga cha inimɔɔn ni kiyimbiyook ki kaa kpa ndoon na dan bi pu.”

Jeremia 24:9

Maah ga cha tibɔbir ti aaboln dan bi pu na ga chuu dulnyaa aatimbol mɔmɔk ijawaan. Binib ga ŋa bi yaansara, ki ŋa bi mbɔnyun, ki li laa bi, ki li joo baayimbil puuni lir biken pu baah yaa ki bi ni kookoo na.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 26:6

Ni yaa beenin yiil kan, m ga bii Maadichal lee ke maah nan bii Silo aatiŋ pu na, le dulnyaa wee aatimbol mɔmɔk ga li joo Jerusalem aayimbil puuni lir biken pu.”

Jeremia 29:18

M ga li joo ni butɔb, ni nkon, ni iween le san dii bi, le dulnyaa wee aatimbol mɔmɔk ga san ijawaan, baah kan pu na pu. Nimɔk m cha bi yaa ki bi na, binib aapobil ga yuk, ki san ijawaan, baah kan tiwan ni mɔmɔk na. Binib ga laa bi, ki li joo baayimbil puuni lir biken pu.

Jeremia 29:22

Le baah chur binib bi tinaagbiir Jerusalem ni, ki di bi buen Babiloŋ ni na yaa ban bi puun lii unii pu kan, bi ga bui ke, ‘Uwumbɔr ŋa si ke waah nan cha Babiloŋ aabɔr pun Sedekia ni Ahab mmii ni, bi laa beenin fu pu na.’

Jeremia 44:12

Juda aanib bi ma gur aan binimbil man ke bi buen ti li koo Ijipt aatiŋ ni na, see m kuln bi mɔmɔk. Binikpaam ni biwaatiib mɔmɔk ga kpo butɔb ni, ni nkon aakun, Ijipt aatiŋ ni. Binib yaa kan bi kan, bi ga li kpa ijawaan la; binib ga lik bi fam, ki li joo baayimbil puuni lir biken pu.

Jeremia 44:22

Din wee na, nimi aatiŋ dɔ nkuun, le ubaa aa bi ki pu. Binib gur san ki ijawaan la, le Uwumbɔr aah kaa nan ki ŋmaa gaa nimi aabiin ni titunwanbir pu na, le binib gur joo kaayimbil puuni lir biken pu.

Jeremia 44:6

Le m di maaŋuusakpeln lii ni Juda aatim pu, ni Jerusalem ponn ni, le mu wun mmii. Mu nan kpaln tilangbenn, le ki kpa unii ijawaan, ke mu aah beenin bi pu din wee na.

Jeremia 44:8

Ba ŋa ni dii ŋiwaa ki toor kitork tii ŋiwaa Ijipt ni do, nin chee ni dan nan koo na, ki ŋani mi liŋuul? Ni ŋani kina ke ni kuln, aan binib li lik nimi fam ki joo nimi aayimbil puuni lir biken pu la aa?

Jeremia 6:11

Uwumbɔr, saaŋuul aah fii bi pu pu na wu nsui ni ke mmii na, le maa ki ŋmaa joo li.” Uwumbɔr ki bui mi ke, “Cha maaŋuul pii mbim mu bi kitiŋ ponn ni na, ni binachipɔm aakuun mɔmɔk ni. Baadim ga di chatiib ni puutiib buen, kaan di cha bininkpiib ni binib bi por pam na mu.

Jeremia 7:20

Le min, Bidindaan Uwumbɔr, ga cha maaŋuusakpeln pii ni Maadichal limina. Li ga pii binib ni tiwakor mu, hali isui ni tijikaar mɔmɔk ga kan li. Maaŋuul ga li bi ke mmii mu ubaa aan ŋmaa junn mu na la.

Inandalahn 2:4

U nan di waapɔɔn kaan ti pu ke waah ye timi aadin le na. U nan ku binib bi mɔmɔk nan tii timi mpopiin ni mmɔɔn na. Waaŋuul li ton ke mmii na nan pii ni timi bi bi Jerusalem aatiŋ ponn ni do na.

Inandalahn 2:6

Waadichal li ponn ni ti nan dooni u na, le u gbaa wii li yuk yuk. U kuln ŋikpaakoo, ni iwinyaan daal. Waaŋuul aapɔɔn fuu bibɔrb ni bitotoorb mu chee.

Inandalahn 4:11

Uwumbɔr nan buur waaŋuusakpeln lii; U nan tuur mmii Sionn aatiŋ ponn ni le mu wun ki pel pel.

Esekiel 20:34

M yaa nan kuun nimi ki nyan ni naah yaa ki bi ntim mu mɔmɔk ponn ni na kan, m ga mɔk nimi maapɔɔn ni maaŋuul aah bi pu na.

Esekiel 22:22

Bi ga donn Jerusalem aatiŋ ni ke tikunabr aah donni mmii ni pu na la, le bi ga bee ke bi bi kani min Uwumbɔr aaŋuul la.”

Daniel 9:11

Israel yaab mɔmɔk nan bii saakaal ki yii kaa pel saah len pu na. Ti nan tun si titunwanbir, le aa nan cha saah puun tibɔbir ti aan saatutunn Moses nan ŋmee ŋa saakaal ni na dan nan lir ti pu.

Daniel 9:27

Ubɔr pɔɔl ngbaan ga cha u ni binib pam kpaan kimɔbaan ki pɔɔ na ki ti saa ŋibin ŋilole, le ŋibin ŋilole ngbaan ponn ni yaa nan saa ŋibin ŋitaa ni ligeln na, u ga kuln kitork ni ipiin, Uwumbɔr Aadichal ni. U ga di tiwanbir ni bii tiwan nimɔk bi chain na ki di kaan Uwumbɔr Aadichal paab, nin chee paa na, le ni ga li ka nima ki ti saa buyoonn unii u di ni kaan nima na pii ndoon mu Uwumbɔr gor kiir u na.”

Hosea 7:16

Bi nya mpuwɔb n‑yoonn mɔmɔk, le ki dii liwaal li kaa kpa mpɔɔn mubaa na. Saan ŋmaa li kpa bi pu limakl ke butɔm bu gɔr na la. Baasalolm aah len tibɔr kigaak ŋmeen na, le bi ga kpo mpɔɔkun, le Ijipt yaab ga laa bi.”

Nahum 1:6

Uwumbɔr aaŋuul yaa fii kan, ŋma ga ŋmar? Ŋma ga ŋmar waaŋuusakpeln ni? U cha waaŋuul puu nyan ni ke mmiigaal na la; ŋitakpal wur unimbiin ni ki kpaln titan la.

Sekaria 8:13

Juda ni Israel aatim aanib, n‑yaayoonn na, nimi aayimbil le biwɔwɔm nan joo puuni lir tɔb pu ki len ke, ‘Tibɔbir ti nan dan Juda ni Israel pu na dan aa pu.’ Tɔ, m ga gaa nimi lii, le biwɔwɔm ngbaan ga bui tɔb ke, ‘Cha tinyoor ti dan Juda ni Israel pu na dan aa pu.’ Kina pu na, taa san ijawaan man. Cha nitaakpab li pɔɔ.”

Nkahm 5:27

U yaa tun kidagook aatuln kan, nnyun ngbaan ga cha uponn ni li wu pam, le upuul ga duun, unimbiin ni mu ga bii, waan ki ŋmaa maa ubo. Le binib ga li gur joo waayimbil puuni lir biken pu.

Tibɔkpiirkaan 14:10

ga nyu ndaan mu ye Uwumbɔr aaŋuul, le u kpir ŋa kiyikuuk ni, kaa di nnyun kpee mu pu. Nima le mɔk waaŋuul sakpen, le bi ga li bi waatuuntiib bi bi chain na, ni Upihbo ngbaan aanimbiin ni, ki ga ji falaa sakpen mmii ni chirbil ponn ni.