Jeremia 42:17 - Uwumbɔr aagbaŋ

¹⁷ Binib bi mɔmɔk aanimbil mann ke bi ga buen ti li koo Ijipt aatiŋ pu na, butɔb, ni nkon, ni iween le ga ku bi. Bi ponn ni ubaa aan ŋmar, ubaa aan nya tibɔbir ti m ban m cha ti dan bi pu na.’”

Jeremia 42:17 ပူးပေါင်းရင်းမြစ်များ

Jeremia 24:10

M ga cha butɔb, ni nkon, ni iween dan bi pu ki ti saa n‑yoonn mu bi ponn ni ubaa aan gur kitiŋ ki m di tii bi ni biyaajatiib na pu na.”

Jeremia 38:2

ke Uwumbɔr bui ke, “Unii umɔk beenin koo kitiŋ ngbaan ni na, ga kpo butɔb, ni nkon, ni iween aakun la. Le uma di ubaa ti tii Babiloŋ aajab na aan kpo; u ga minn nkun.”

Jeremia 42:22

Kina pu na, teer nimina man: butɔb, ni nkon, ni iween le ga ku nimi kitiŋ ki pu ni ban ke ni ti li koo na.”

Jeremia 44:28

Tɔ, siib ga nya nkun ni ki gir nya Ijipt ni ki kun ni Juda aatiŋ pu. Binib bi ga ŋmar na ga bee ke min ni biken na, ulau aamɔbon gbiin.

Esekiel 11:8

Ni san kijaak aajuk ijawaan la aa? M ga cha bijab bi joo kijaak aajum na dan ki nan tak nimi.