Jeremia 42:10 - Uwumbɔr aagbaŋ

¹⁰ ‘Ni yaa ban ke ni li beenin bi kitiŋ kimina pu kan, m ga maa nimi ŋidichal ki taa bii nimi, m ga cha ni moo chɔbaan ki taa ki kpokl lir. Maah nan cha libiil li dan ni pu na tii mi mpombiin pam.

Jeremia 42:10 ပူးပေါင်းရင်းမြစ်များ

2 Samuel 24:16

Uwumbɔr aatuun aah nan ban ti bii Jerusalem na, le Uwumbɔr kpeln waalandak, waanib aatafadaan ngbaan pu, ki bui waatuun mu bi ku bi na ke, “Sil nima. Ni ŋeer kina.” Uwumbɔr aatuun ngbaan nan ti fuu Jebus aatiŋ aanii Arauna aadipoipaal na chee la, le Uwumbɔr bui u kina.

Ilahn 102:16

Uwumbɔr yaa ki gir maa Sionn kan, u ga nyan waapɔɔn sakpiin mpaan pu.

Ilahn 106:45

Bima pu le u teer waah nan puu tipuur ti na, le waageehm sakpem pu, u sɔŋ usui.

Ilahn 37:3

Di naadii tii Uwumbɔr, ki li ŋani ni ŋan na; li bi kitiŋ kee pu ki li kpa limɔfal.

Ilahn 69:35

U ga gaa Jerusalem lii ki gir maa Juda aatim. Waanib le ga li koo nima ki li yeh kitiŋ ngbaan;

Nnyam 32:14

Nima pu na, Uwumbɔr nan kpeln waalandak, le kaa ki daa bitafal waah nan dak pu na.

Jeremia 24:6

M ga li bi bi chee ki ki giin ni bi kitiŋ kee pu. M ga maa bi kaan, kaan ber bi; m ga di bi ŋum, kaan ki daa ŋɔb bi.

Jeremia 26:19

Ubɔr Hesekia ni Juda aanib aa nan ku Maika. Hesekia nan labr san Uwumbɔr le ki pɔɔn ubaa ke u kan lineen u chee. Le Uwumbɔr nan kpeln waalandak, kaa ki cha tibɔbir ti u nan bui ke ti ga dan bi pu na dan. Ti bi ban tibɔbir sakpenn le tii tibaa.”

Jeremia 27:11

Tɔ, litimbol li kii tii Babiloŋ aabɔr ki tun tii u na ma kan, m ga cha li li bi laatiŋ pu, ki li koo nima ki ko. Min Uwumbɔr le len kina.”

Jeremia 31:28

Maah nan chuu mbaa pu ki ŋɔb bi, ki gbaa bi bil, ki nyaŋ ki kuln bi na, kina le m ga ki chuu mbaa ki gir ŋum bi ke busub na, ki maa bi kaan.

Jeremia 33:7

M ga cha Juda ni Israel yaab kan nkam, m ga ki gir siin bi ke baah nan bi pu na.

Jeremia 43:4

Kina pu na, Johanann, ni bijab aaninkpiib, ni binib ngbaan ubaa aa kii Uwumbɔr aamɔb ki gaar Juda aatiŋ pu.

Esekiel 36:36

Le ŋitimbol ŋi bi gbɔk ki ŋmar na ga bee ke min le ye Uwumbɔr le ki gir maa tilangbenn aatim, ki ki bun njikaabim ikpaakon i nan dɔ fam na ni. Min Uwumbɔr le puu ke m ga ŋa nimina, ki sil ga ŋa.”

Hosea 11:8

Israel, m ga ŋa kinye ki di si lii? M ga ŋa kinye ki di si mee? M ga ŋmaa kuln si ke maah nan bii Adma aatiŋ pu na aa? M ga ŋmaa ŋa si ke maah nan ŋa Seboyim aatiŋ pu na aa? Nsui aan cha m ŋa si kina, ba pu? m gee si sakpen a.

Joel 2:13

Cha nimi aasuugar mɔk nimi aapombiin, naa ye ke ni daa kar nimi aawanpeenkaan baanja.” Gir ni Nidindaan Uwumbɔr chee man. U kpa tiŋann ki ye unimbaasaln daan la; u kpa limɔr ki ŋmaa joo waah puu tipuur ti na; n‑yoonn mɔmɔk kan, u gor ki kii ke u di cha pinn binib. Waa ban ke u daa bitafal.

Amos 7:3

Le Uwumbɔr kpeln waalandak ki bui ke, “Saah kan tiwan ni na aan ŋa kina.”

Amos 7:6

Le Uwumbɔr ki kpeln waalandak ki bui ke, “Nimina mu aan ki ŋa kina.”

Jona 3:10

Uwumbɔr nan kan baah ŋa pu na; u nan kan ke bi di cha baabiin aabimbin, kina pu le u kpeln waalandak kaa ki daa bitafal ke waah ba ga daa pu na.

Jona 3:4

Jona nan piin ki bɔ dii kitiŋ ngbaan ponn ni, le waah chuun nwimɔn aasachuln na, le u mooni tuk binib ngbaan ke, “Joo cha ni iwiin imonko ilee na, Ninefa aatiŋ ga kuln.”

Jona 4:2

Le u mee Uwumbɔr ke, “Uwumbɔr, maah nan laa bi linampal na, m nan len ke kina le aa ga ŋa. Kina pu le m nan pɔɔn mbaa ke m san mala ki buen Speenn aatiŋ ni. M nyi ke aa ye Uwumbɔr u gee binib ki san bi kinimbaak na la, aa kpa limɔr n‑yoonn mɔmɔk, ki kpa tiŋann n‑yoonn mɔmɔk, ki ŋmaa kpelni saalandak kaa dar binib aatafal.

Lituln 15:16

‘Uwumbɔr len ke: Ubɔr David aanaan aah lir na, m ga gir ni aan ki nan fiin waanaan ngbaan. M ga ŋa mu nnaanpɔm, ki cha mu sil mbamɔm.

Ikaal 32:36

Uwumbɔr yaa kan ke waanib aa ki kpa mpɔɔn kpala kan, u ga gaa bi lii. U ga san binib bi tun tii u na kinimbaak, u ga ter bi buyoonn baa ti ki kan nterm na.

Bibɔjirb 2:18

N‑yoonn mumɔk Uwumbɔr nan ti tii Israel yaab usaloln na, u ga nan ter usaloln ngbaan le ki gaa Israel yaab baadim chee lii. U nan ti kii bi kina le ki ti saa usaloln ngbaan aamɔfal aadoon. Baah nan ker idun, baafalaa ni limukl pu pu na, le Uwumbɔr san bi kinimbaak.